“အိပ်မက် မတ်တတ်သေ”
ဆေးခန်းထဲကို လတ်လတ်သီ ရောက်တော့ နည်းနည်း နောက်ကျနေပြီ။
တ၀ုန်းဝုန်း တရုန်းရုန်းနဲ့ ပွဲခင်းပမာ စည်ကားလှတဲ့ ဆေးခန်း မဟုတ်သည့် အပြင်၊ နေရာကလည်း
ဟိုတယ်မြေညီထပ်မှာ ဖြစ်တော့ နည်းနည်း စိတ်သက်သာရာ ရတယ်။ ဆေးခန်းဟာ လှလှပပ ပြင်ဆင်ထားပြီး၊
အနံ့အသက် မွေးမွေးကြိုင်ကြိုင် ရှိကာ ရောက်လာသူကို စိတ် သက်သာရာ ရ စေတယ်။ ဆရာဝန်က လူလတ် အရွယ် အမျိုးသမီး ဖြစ်ပြီး
သူ့ထက်တော့ ငယ် လိမ့်မယ်။ ခရမ်းရောင်ရင့်ရင့်
အပျော့သားစပေါ်မှာ ပန်းထိုးထားတဲ့ ၀တ်စုံ ၀တ်ဆင်ထားပြီး မတိုမရှည် ဆံပင်ကို တ၀က်ဆံညှပ်နဲ့
ထိန်းထားတော့ ရင့်ကျက်ဟန်ရှိသလို ပခုံးပေါ် ၀ဲကျနေတဲ့ ဆံနွယ်ခွေလိပ်များကြောင့် နု ရွယ်ပုံလည်း ပေါ်
တယ်။ ဆရာဝန် ဆွဲထားတဲ့ ဖန်စီ ပုလဲနားကပ် တန်းလန်းလေးဟာ ဆန်းပြားတယ်။ လည်တိုင်ကျော့မှာလည်း
ဆင်တူ ပုလဲ ဆွဲကြိုးလေး ၀တ်ဆင်လျက်သား။
လတ်လတ်သီ သူ့ရှေ့ ခုံမှာ ၀င်ထိုင်တော့ မော့ ပြုံးပြလိုက်ပြီး
ဆေးခန်း စာအုပ်ပေါ်က နာမည်နဲ့အသက်ကို ခေါင်းငုံ့ကာ
ပြန်ဖတ်ကြည့်နေတယ်။ လတ်လတ်သီ က အသင့်ချုပ်
ချည်သား အကျီအပွနဲ့ ပါတိတ်လုံချည် အပွင့်နုပ်နုပ် အပြာရောင် ကို ၀တ်ထားတယ်။ ပခုံးကျော်ဆံပင်ကို
ကြိုးနဲ့ လျော့လျော့ စည်းထားပြီး၊ နားကပ် ဝတ်ဆင်ထားခြင်း မရှိပေ။ လည်တိုင်အဝိုက် ရှင်းပြောင်နေကာ၊ ဘယ် လက်ကောက်ဝတ်မှာ နာရီတလုံးသာ ပတ်ထားတယ်။
အမ ဘာဖြစ်လို့ပါလဲ လို့ ဆရာဝန် မေးတဲ့ အသံက နွေးနွေးထွေးထွေး။
နှစ်သိမ့်ဆွေးနွေးတာ ကျင့်သားနေတဲ့ လေသံအပြင် လှိုက်လှဲမှု ပါ ပျော်ဝင်နေတာ သိလွယ်တဲ့
အသံမျိုးပေါ့။ ချက်ချင်း ပြန်မဖြေပဲ လတ်လတ်သီ တုံ့ဆိုင်း နေတယ်။ အောက်နှုတ်ခမ်းသားကို
အပေါ်သွားနဲ့ တချက် ကိုက်လိုက်တယ်။ အေးအေးဆေးဆေးနဲ့ ပွင့်ပွင့်လင်းလင်း ပြောပါ
အမ၊ သူငယ်ချင်းကို ရင်ဖွင့်သလို သဘောထားပါ လို့ ဆရာဝန် အမျိုးသမီးက ဆိုတယ်။ သူငယ်ချင်းကို ရင်ဖွင့်သလို ဆိုတဲ့ စကားကြောင့် လတ်လတ်သီ အလိုမကျဟန် မျက်ခုံးတွန့်သွားတယ်။
အတန်ကြာတော့မှ လေသံပြတ်နဲ့ စကား စ တယ်။
ကျွန်မ ခန္ဓာကိုယ်မှာ တခုခု ဖြစ်နေတယ် ထင်နေလို့ပါ လို့
အစချီပြီး သူ ခံစားနေရတဲ့ ဝေဒနာကို လတ်လတ်သီ က ပြောပြတယ်။ နားထောင်ပြီးချိန်မှာ ခဏကြည့်ရအောင်
အမ ဆိုကာ ဆရာဝန်က လက်အိတ်အပါး စွပ်လိုက်ပြီး စမ်းသပ်ဘို့ ပြင်ဆင်တယ်။
လတ်လတ်သီက စမ်းသပ်ကုတင်ပေါ်မှာ လှဲပေးတယ်။ စမ်းသပ်ကုတင်ဆိုပေမဲ့
အမျိုးသမီးရောဂါများ ကြည့်ရှုနိုင်ဘို့ အထူး ပြင်ဆင်ထားတဲ့ ခုံလို့ ပြောရင် ပိုမှန်မယ်။
ဆရာဝန် တောင်းဆိုတဲ့ ကိုယ်ခန္ဓာ အနေအထားအတိုင်း တသွေမတိမ်း လိုက်နာရတယ်။ ပခုံးရိုးနဲ့
ကျောရိုးကို တင်းခံထားတော့ လတ်လတ်သီ တကိုယ်လုံး တောင့် နေတယ်။ အမ ကိုယ်ကို နည်းနည်း
ဖျော့ထားပေးပါလို့ ဆရာဝန်က ထပ်ပြောတယ်။ ဖျော့ဘို့ အချိန်တော်တော် ကြာ သွားတယ်။
အမ အိမ်ထောင်ရှိပါသလားလို့ ဆရာဝန်က မေးတော့ လတ်လတ်သီ နူတ်ခမ်း တင်းတင်းစေ့ သွားတယ်။ မရှိပါဘူးလို့ ပြန်ဖြေသံဟာ အတန်ငယ် ဆတ် တယ်။ ဆရာဝန်က သဲ့သဲ့ပြုံးပြီး နောက်မေးခွန်းတခု ထပ်မေးတယ်။ တွဲနေသူ အဲလေ အမ ရည်ရွယ်ထားသူများ………။
မရှိပါဘူး။ ဘာမှ မရှိပါဘူး။
အလောတကြီး ဖြေသံ
ထွက်လာတယ်။
အိုကေပါ အမ။ သေချာအောင် ကျွန်မတို့ စစ်ဆေးမှုလေးတွေ နည်းနည်း လုပ်ကြရအောင်။ ကျွန်မဆေးခန်းက ဒီအတိုင်း ဆွေးနွေးရုံဘဲဖြစ်တော့ စမ်းသပ်မှုတွေကို ကျွန်မ ရေးပေးလိုက်တဲ့ ဆေးခန်းမှာ အမ သွားလုပ်ပေးပါနော်။ အဖြေတွေသိရတော့ အမနဲ့ ဆက်ပြောကြမယ်လေ။ ဒီကြားထဲ ဆေးတမျိုး ပေးထားလိုက်မယ်။ အဲဒါလေးနဲ့ ဖန်ရည်လေး ဆေးပေးပါ။
လတ်လတ်သီ စမ်းသပ်ခုံမှ ထပြီး အ၀တ်အစားတွေ ပြန် ဆန့် တယ်။ ဆရာဝန်ပေးတဲ့ ဆေးစာရွက်ကို လှမ်းယူပြီး ခေါင်းတချက် ဆတ်ပြကာ ကျေးဇူးတင်စကား နှုတ်ဆက်စကား တစုံတရာ မဆိုဘဲ အခန်းအပြင်ဘက် ထွက်တယ်။ ဧည့်ကြိုကောင်တာနဲ့ တွဲရက် ငွေစာရင်းကောင်တာမှာ ပိုက်ဆံ ရှင်းပြီးထွက်သွားတယ်။
ဟိုတယ်ဝင်းထဲရပ်ထားတဲ့ ကားဆီရောက်တော့ ရှေ့ လေကာမှန်မှာ ရေသုတ်တံနဲ့ ငြိနေတဲ့ ဗာဒံရွက်ကြွေ နှစ်ရွက်ကို တွေ့တယ်။ အပေါ်ကို မော့ကြည့်တော့ အရွက်တွေ ခြောက်သွေ့စ အပင်ကို မြင်ရတယ်။ လတ်လတ်သီ မျက်မှောင်ကုတ်ပြီး သစ်ရွက်ကြွေတွေကို ဖယ်ရှားလိုက်တယ်။ ဆယ်မိုင်က အိမ်ဆောက်ပစ္စည်းဆိုင်ကို ပြန်ရောက်တော့ ဆိုင်ရှေ့က ဗာဒံပင်ကလည်း သစ်ရွက်ခြောက်ကြွေ တသောသောနဲ့။ အောက်ထပ်ကလူတွေ သစ်ရွက်အမှိုက်တွေ ပွ ထ နေတာ မရှင်းကြ မပြုကြပါလား။ ရောင်းတဲ့ဝယ်တဲ့အလုပ်၊ ဆောက်လုပ်ရေးကုမ္ပဏီနဲ့ ပစ္စည်းသွင်းတဲ့ကုမ္ပဏီတွေကို စကားပြောဆို ဆက်ဆံခြင်းကို အမ ဖြစ်သူ မြတ်မြတ်သီက ဦးစီးတယ်။ ဒုတိယထပ်က စာရင်းဌာနမှာ လတ်လတ်သီ ထိုင်နေပေမယ့် ဆိုင်တခုလုံး ဘယ်လိုလည်ပတ်နေတယ်ဆိုတာ၊ အောက်ထပ် မဆင်းဘဲ စာရင်းများမှ တဆင့် မှန်းဆ ယူနိုင်တယ်။ အောက်ထပ်ကို ၀င်ဖို့ ခြေလှမ်း ပြင်ပြီးမှ ရုံးတွင်းသုံးဖုန်းနဲ့ ပြောဖို့ ဆုံးဖြတ်ကာ ဘေးလှေခါးကနေ အပေါ် ဆက်တက်သွားတယ်။ အမ ဖြစ်သူနဲ့ စကားထိုင်ပြောဖို့ သူ စိတ် မပါဘူး။
***
နောက်ရက် အဖြေရလို့ ပြန်ပြချိန်မှာ လတ်လတ်သီ က နည်းနည်း စော ရောက်နေတယ်။ ဆရာဝန်ကို ခဏ စောင့် နေလိုက်ရသေးတယ်။ ဧည့်ကြိုမလေးက အအေးဖန်ခွက် လာချပေးတယ်။ ပေးချေရတဲ့ ၀န်ဆောင်ခနှုန်း ကွာခြားတာနဲ့အမျှ ကိုယ်စိတ် ချမ်းသာ ဆောင်ကျဉ်းနိုင်မှု ခြားနားခြင်း ကို သဘောပေါက်စေတဲ့ အပြုအမူဘဲ။
ဆရာဝန် က ဒီနေ့ အစိမ်းနု ဖန့်ဖန့် ပြောင် အစကို၊ အထက်အောက်
ဆင်တူ ၀တ်ထားတယ်။ ရင်ဖုံးအကျီ င်္မှာ ပိတ်စနဲ့ဘဲ နှင်းဆီပန်းပွင့်သေးသေးလေးတွေ လုပ်ပြီး
ကပ်ထားတဲ့ ဒီဇိုင်းနဲ့။ လျှော်ရဖွပ်ရ မီးပူတိုက်ရ မလွယ်ကူတဲ့ ပုံစံပေဘဲ။ ဆံညှစ် ကလစ်က
မြစိမ်းရင့်ရင့်လေး။ သူ့ အနီးတ၀ိုက် မှာ လင်း ၀င်း နေတယ်။ လတ်လတ်သီက မီးခိုးရောင်ဖျော့ဖျော့
ချည်ထည်အပွနဲ့ အနက်ခံပေါ် မီးခိုးရောင် အပွင့်နုပ်နုပ်များများ ပါတိတ်လုံချည် ကို ၀တ်ထားတော့
လူလုံး ပျောက်နေတယ်။
အမရေ ဘယ်လိုနေလဲ။ အဖြေလေးတွေ ကြည့်တော့ ထူးထူးထွေထွေ စိုးရိမ်စရာ မရှိပါဘူး။ ကျွန်မတို့ နည်းနည်း အသေးစိတ် ပြန်ပြောကြည့်ရအောင်။ အဲဒီ နာကျင်မှုကို ဘယ်တုန်းက စ သိသလဲ။ ဘယ်လို ခံစားရလဲ အမ။
လတ်လတ်သီ အတန်ကြာကြာ ငြိမ်သက်နေတယ်။ အောက်နှုတ်ခမ်းသားကို ဖိ ကိုက်ကာ မေး တချက် ပင့်ပြီး ခြောက်ကပ်ကပ် လေသံနဲ့ စ ပြောတယ်။
နည်းနည်း နာနေတာကတော့ ၂ ခါရှိပြီ။ ပထမတော့ ကျွန်မလဲ သတိမထားမိဘူး။ သုံးခါမြောက် တော့မှ မှတ်မှတ်သိသိ ရှိတာ။ ပြောရရင် အဲဒီညက ကျွန်မ အိပ်မက် မက်တယ်။ အိပ်မက်ထဲမှာ အရှက်တကွဲဖြစ်မှုနဲ့ နာကျင်မှုကို ခံစားရတယ်။ လမ်းဘေးက ပေါင်းပင်မြက်ပင်လို နင်းချေပြီး၊ ကျွန်မရဲ့ ခန္ဓာကိုယ်ကိုပါ အညှိုးနဲ့ နှိပ်စက်တာ ခံရတယ်။ လန့်နိုးလာတော့ ကျွန်မ့ တကိုယ်လုံး နာနေတယ်။ လည်ပင်းမှာ တခုခု တစ်ဆို့နေသလို ဖြစ်နေတာ တပတ်လုံးလုံးဘဲ။ နောက်မှ ပြန် စဉ်းစားမိတယ်။ အရင် နှစ် ခါ ကလည်း အဲလို ဆင်တူ အိပ်မက် မက်တယ်။ တတိယ အကြိမ်လောက် မဆိုးပေမဲ့ ဒီလိုဆန်ဆန်ဘဲ။ နောက်တခါ ထပ်မက်တော့ တတိယအကြိမ်ထက် ပို ဆိုးလာတယ်။
ဟုတ်ကဲ့ပါ။ ဆက်ပြောပါအုန်း အမ။ ဘယ်လိုရက် အပိုင်းအခြားတွေမှာ အဲလို အိပ်မက် မက်သလဲ အမ။ ကျွန်မ ဆိုလိုတာက အမရဲ့ ရက်တွေနဲ့ အဲဒီ အိပ်မက်မက်ချိန်တွေ ဆက်စပ်မှုရှိလား။ အဲလိုမျိုးပါ အမ။
ဟုတ်ကဲ့ ဒေါက်တာပြောမှ သတိထားမိတယ်။ အဲဒီရက် မတိုင်မီ ဖြစ်လိမ့်မယ်။ ဟုတ်တယ်။ ဆိုးဆိုးရွားရွား တခါကနေ နှစ်ခါဖြစ်လာတော့ ကျွန်မ နည်းနည်း စိုးရိမ်ပါတယ်။ ထိုင်ရတာလဲ ကသိကအောက် ဖြစ်ပြီး မလုံမခြုံ ခံစားရတယ်။ ဒေါက်တာ ကျွန်မ ဘာလုပ်သင့်သလဲ ပြောပါ။
ဆရာဝန်က လတ်လတ်သီကို စေ့စေ့ကြည့် လိုက်တယ်။ အသားအရေဖြူဝင်းပေမဲ့ အမျိုးသမီးရဲ့ သွင်ပြင်က မှိန်ဖျော့တယ်။ မေးရိုးက ၀ိုင်းသယောင်ရှိပေမဲ့ သေသေချာချာကြည့်ရင် မေးစေ့ချွန်တယ်။ မျက်ခုံး ပါးပါးကျဲကျဲ နဲ့
မျက်ရစ် မရှိတဲ့ မျက်လုံးအိမ်ကြောင့် သူ့ကို လူတကာက အမှုမဲ့အမှတ်မဲ့ ရှိစေတဲ့ ရုပ်ရည်မျိုး။ နှုတ်ခမ်း ပါးပါးလျားလျားက အရယ်အပြုံး နည်းသည့်ဟန်နဲ့ စေ့စေ့တင်းတင်း ရှိတယ်။ ဗာဒံစေ့သဏ္ဌန် မျက်ဝန်းထဲမှာ စိတ်ရှုပ်ထွေးမှုဟန်ကလေး အနည်းငယ် စွက်နေပေမဲ့ မျက်နှာပေး က သေ တယ်။
ကျွန်မတို့ အတူ ကြိုးစားရအောင်လေ အမ။ ကျွန်မ ဆေးပေးလိုက်မယ်။ ၁ လလောက် သောက်ကြည့်ပါ။ အမ စိတ်ဖိစီးမှုများ ရှိနေရင် နည်းနည်း လျော့ကြည့်ရအောင်။ ဖြစ်နိုင်ရင် လမ်းလျှောက်တာ ဒါမှမဟုတ် လေ့ကျင့်ခန်း တခုခု လုပ်ကြည့်ပါလား အမ။ နောက်လလောက်မှ ပြန်တွေ့ရအောင် နော်။
ဟုတ်ကဲ့ ဒေါက်တာ ကျေးဇူးတင်ပါတယ်။ ပြုံးယောင်ယောင် ပြုကာ လတ်လတ်သီက နှုတ်ဆက်တယ်။ တော်တော် နှစ်လိုဘွယ်ကောင်းတဲ့ ဆရာဝန်မလေးလို့ တွေး ထင် စ ပြုလာတယ်။
ဆေးခန်းမပြခင်ကတည်းက ဆရာဝန်အကြောင်း လတ်လတ်သီ နည်းနည်း
သိထားတယ်။ နာမည်ကြီး သမားတော် ဖခင် နဲ့ ကထိက မိခင်တို့မှ မွေးဖွားလာသူ၊ ဆေးကျောင်းတွင်
အမည်နာမ ထင်ရှားသူဖြစ်ပြီး၊ နာမည်ရ စီးပွားရေးသမားတဦးရဲ့ ဇနီးသည်၊ ကလေး တစ်ယောက်မိခင်
စသဖြင့် အမည်ကြားရုံနဲ့ ဂုဏ်ရှိန်သတင်း အလိုအလျောက် ထွက်ကျလာသူ ပဲ။ ပြည့်စုံတဲ့ မိန်းမသားဘ၀လို့
အများတကာ အားကျစရာ အခြေအနေ ရှိသူ တဦးပေါ့။ တွေ့
ကြည့်တော့လည်း ရည်ရည်မွန်မွန် သွက်လက်ချက်ချာကာ၊ ပင်ကို အရည်အသွေးနဲ့ ပြည့်စုံသူမှန်း
သိသာတယ်။
သူ့ထက် ကျော်ကြားတဲ့ ဆရာဝန်များ အရှိသား။ ဒါပေမဲ့ အေးအေးဆေးဆေး သီးသန့် ဆွေးနွေးခန်း ဖွင့်သူများ မဟုတ်ဘဲ တညခင်းမှာပင် လူရာချီ ကြည့်ရှုသော သမားများ ဖြစ်လေရာ၊ လတ်လတ်သီ သွားလိုစိတ် တရွေးမှ မဖြစ်မိ။ တနေ့ လူနာ ဆယ်ယောက်သာ လက်ခံဆွေးနွေးတဲ့ သူ့ဆေးခန်းသွားရတာကိုက သက်တောင့်သက်တာ ရှိစေတာဘဲ။ ပြန်အထွက် ဟိုတယ်စားသောက်ဆိုင်က ကိတ်မုန့်ဝယ်သွားနိုင်သေးတယ်။ ဝေဒနာတခုခုကြောင့် ဆေးခန်းပြရသူလို့ မထင်မှတ်စေဘဲ၊ ကော်ဖီကောင်းကောင်း လာသောက်သူ၊ ဧည့်သည်လာတွေ့သူအဖြစ် တခုခု ဖြစ်တန်စွမ်းရှိတဲ့ အခြေအနေ ကလည်း သဘောကျစေတဲ့ အချက်ပါဘဲ။
ဆိုင် ပြန်ရောက်တော့ ကွန်တိန်နာတင်ကားရပ်ထားပြီး၊ အမိုးပြားအခင်းပြားတွေ ချနေတာ တွေ့တယ်။ ပစ္စည်းဝင်တာကိုး။ အောက်ဆုံးထပ် အရောင်းကောင်တာဆီမှ၊ အမဖြစ်သူက လက်ပြလိုက်လို့ မေးဟန်ပပ နဲ့ ကြည့်တော့ စာအိတ်တအိတ် ထောင်ပြတယ်။
ခုနက နင်တို့ ကျောင်းကလား မသိဘူး တယောက် လာပို့သွားတာ။ နင်တို့ကျောင်း တွေ့ဆုံပွဲဆိုလား။ အလှုငွေလဲ ကောက်ချင်တယ်လို့ ပြောတယ်။ နင့်ဖုန်းနံပါတ်ကို ငါ ပေးလိုက်တယ်။
ဖိတ်စာ လှမ်းယူလိုက်ရင်း ဘာလို့ ဖုန်းနံပါတ်ပေးလိုက်တာလဲ ငါ့ကို မေးအုန်းမှပေါ့။ နင်တို့ဟာ အဲလိုဘဲ သူများသဘောထား နားထောင်ရမှန်း မသိဘူး ဟု အမဖြစ်သူကို လေသံဆတ်ဆတ်နဲ့ ပြန် ပြောတယ်။
နင် မသွားဘူးလား။ သူငယ်ချင်းတွေနဲ့ ပြန်တွေ့ရတာပေါ့။ အလှုငွေများများ ထည့်လိုက်လေ။ ငါတို့ အခုသွင်းတဲ့ ပစ္စည်းအသစ်တွေကိုလဲ ကြော်ငြာလို့ရတယ်။
ရှုပ်ရှုပ်ထွေးထွေး။ ဘာလုပ်မှာလဲ။ ငါ ဘယ်သူ့ကိုမှ ပြန်တွေ့ချင်တာ မရှိဘူး။ ပစ္စည်းအ၀င်စာရင်း အပေါ် ပို့ခိုင်းလိုက်အုန်း။ ငါ စတော့ ထည့်ရအုန်းမယ်။ ရော့ နင် စားချင်စား။ ဒါမှမဟုတ် နင့် ကလေးတွေအတွက် ယူသွားလိုက်။
လက်ထဲက ကိတ်တဗူးကို စားပွဲပေါ်ချပေးပြီး လတ်လတ်သီ အပေါ် ပြန်တက်ခဲ့တယ်။ သူ အပြင်ထွက်သွားတာ ဘယ်သွားလဲ အမဖြစ်သူက မမေးသလို သူကလည်း ပြောရန်ဆန္ဒ မရှိပေ။
လက်ထဲပါလာတဲ့ ဖိတ်စာကို ကြည့်မိတယ်။ တော်တော်ကြီးကြီးကျယ်ကျယ် လုပ်မဲ့ ပွဲ ကိုး။ သူ ဘာသွားလုပ်ရမှာလဲ။ ကျောင်းမှာ တရင်းတနှီး ပေါင်းတဲ့ သူငယ်ချင်းမှ မရှိတာ။ အလယ်တန်း အထက်တန်း မှသည် တက္ကသိုလ် အထိ ဘယ်သူ့ကိုမှ လှိုက်လှဲစိတ်နဲ့ တရင်းတနှီး ပေါင်းသင်းလို့ မရဘူး။ ကျောင်းနေဘက်တွေကလည်း သူ့ကို ဟက်ဟက်ပက်ပက် မရှိတာ သိ နေတာဘဲ။ ဒီအတွက်လည်း ၀မ်းနည်းဘွယ်ရာ မထင်မြင်မိပါဘူး။ မိန်းမသားများ စုမိပြီဆို ဆယ်ကျော်သက်၊ အရွယ်ရောက်၊ အရွယ်လွန် ဘယ်အရွယ်ဖြစ်ဖြစ် သူတို့ပြောကြတဲ့ စကားတွေ ထပ် နေတာက များတယ်။ အလွန်တရာ ပျင်းစရာ ကောင်းတယ်။ ယဉ်ကျေးပျုငှာ အပိုစကားတွေ၊ အရေမရအဖတ်မရ ထွေကာလီကာ စကားတွေ အတွက် အချိန်ကုန်ရတာကို လတ်လတ်သီ မကြိုက်ဘူး။
ဆရာဝန်က သူငယ်ချင်းကို ရင်ဖွင့်သလို သဘောထားပါ တဲ့။ ဆရာဝန်ကကော သူ့ကိုယ်ရေးကိစ္စများကို သူငယ်ချင်းတွေကို ပြောပြနိုင်တဲ့ သူ ဖြစ်သလား။ မထင်ပါဘူး။ သို့သော်လည်း ဆရာဝန်မလေးကတော့ အတော် လှိုက်လှဲစိတ် ရှိသူလို့ အသိအမှတ် မပြုဘဲ မနေနိုင်ဘူး။ အလုပ်ကလဲ နှစ်သိမ့်ဆွေးနွေးရတဲ့ အလုပ်ကိုးလို့ အောက်ကလိအာ ထိုးချင်ပေမဲ့ စိတ်ရင်းကောင်းလေးကို အမှတ်မဲ့ နေသူတောင် မြင်ရတယ်။
စားပွဲတင် ပြက္ခဒိန်ပေါ်မှာ နောက်လ ရက်ချိန်းကို ချမှတ်တယ်။ ဆရာဝန်နဲ့ ထပ်တွေ့ရမဲ့ အဖြစ်ကို အလုပ်သဘောအရ ဖြစ်စေအုန်းတော့ လတ်လတ်သီ လိုလိုလားလား ရှိလာပြီ။
***
ဆရာဝန် အိမ်ပြန်ဖို့ သူ့ကားဆီ လျှောက်လာတယ်။ ဟိုတယ်အ၀င်ဝကနေ ကားရပ်ထားတဲ့နေရာ အောက်ဘက်နိမ့်နိမ့် မြေကွက်လပ်ကို မြင်ရတယ်။ ကားရပ်ကွင်းနံဘေးက ဗာဒံပင်တန်းဟာ၊ ၀ါရွှေအဆင်းနဲ့ လှနေလိုက်တာ။ အရွက် တချို့ နီမောင်း၊ တချို့ ၀ါရွှေ၊ တချို့ စိမ်းရင့်ရင့် ကျန် ပြီး ရောင်စုံဖြာနေတယ်။ တိမ်တိုက်တွေ သစ်ရွက်တွေ သိပ်လှတယ်လို့ သူ ပြောတော့ တခါမှသတိမထားမိဘူးလို့ တုံ့ပြန်တဲ့ သူငယ်ချင်း ဆရာဝန်တယောက်ကို သတိရမိတယ်။ နောက်တော့ သြကာသလောက အလှ အကြောင်း ကို စိတ်နဲ့သာ ပြောတော့တယ်။
ဒီနေ့တော့ ဆရာဝန်ရဲ့ အာရုံကို လတ်လတ်သီ အမည်ရှိတဲ့ သူ့လူနာက
လွှမ်းမိုးသိမ်းပိုက်ထားတယ်။ သူ့ကားလည်း ဒီနား ရပ်ခဲ့မှာဘဲ။ သူကကော တခါမှတောင် သတိမထားမိဘူး
ပြောသူဖြစ်မလား။ သိပ်လှတာဘဲလို့ စိတ်နဲ့ပြောဆိုသူ ဖြစ်မလား။ နှုန်းမြင့်ယူထားတဲ့အတွက်
သူ့ဆေးခန်းလာသူများဟာ နိုင်ငံခြားသူများ၊ ကြွယ်ဝသူများသာ ဖြစ်နေစမြဲမို့ ထိုအမျိုးသမီးဟာ
ငွေကြေး အတော်အတန် ပေါများတာ သံသယရှိစရာ မလိုပေ။ သူ့အရွယ်ရှိ ကုံလုံသူ အမျိုးသမီးများလို
ပြိုးပြိုးပြက်ပြက် ၀တ်စားထားခြင်း မရှိသလို၊ တက်စရာ မာန် ငွေကြေးတခုသာ ရှိသူများလို
အသားလွတ် ဟန်ချီထားခြင်းလည်း မတွေ့ရ။ လှုပ်ရှားသက်ဝင် မျက်နှာသွင်ပြင်ကိုလည်း မမြင်ရချေ။
ပကတိ ရေသေ ပမာ။ သူ့ကို လှုပ်ခတ်စေတဲ့ စိတ်ဝင်စားစေတဲ့ အရာဝတ္တု အဖြစ်အပျက်မှ ရှိပါလေစ။
သူ့ ဝေဒနာကို မပြောခင် တွန့်ဆုတ်ဟန် ရိပ်ရိပ် တွေ့သော်လည်း တကယ်တမ်း ပြောပြန်တော့ သူ့ကိစ္စ
မဟုတ်သလို လေသံနဲ့။
သူ့နဲ့ လာရောက်ဆွေးနွေးသူ အမျိုးသမီးများ တချို့အကြောင်းကိစ္စတွေကို ရှင်းရှင်းပွင့်ပွင့် မပြောနိုင်တဲ့ အခါ ဆရာဝန်က အမြဲ သဘောပေါက် နားလည်ပေးရတယ်။ အချိန်ယူ ဆွေးနွေးခဲ့ရတယ်။ သူ့လူနာ ရဲ့ အိပ်မက်ကြောင့် ဖြစ်ရတဲ့ လက်တွေ့နာကျင်မှု ကို သဘောပေါက်လက်ခံပေးဘို့ ဆရာဝန်ကိုယ်တိုင် အချိန်ယူရတယ်။
သူကိုယ်တိုင်လည်း အိပ်မက်ကြောင့် နာကျင်မှု ဖြစ်ခဲ့ရဖူးတယ် ဆိုရင် ကြားသူအပေါင်း မျက်ခုံးပင့်ကြပါလိမ့်မယ်။
ကား စက်နိုးလိုက်ချိန်မှာ ဖုန်းမြည်လာတယ်။
အေး မနွယ် ဘာလဲ ပြော။ သားပြန်လာပြီလား။ ပြန်လာရင်စားဘို့ ဘာလုပ်ပေးထားလဲ။ ဟင် ..ဘယ်သူ ရောက်နေတာလဲ။ အခန်းသော့…….. အမဆီ ပါလာတယ်လေ။ အ၀တ်အစားက အခု လိုချင်တာလား။ အခု ပြန်လာနေပြီ။ ခဏစောင့်လို့ ပြောလိုက်။ မနွယ် စတိုခန်းထဲက အိတ်အညိုရောင်လေ၊ ဦးလေးအိတ် မှတ်မိလား ခါတိုင်း ယူ ယူ နေကြလေ။ ဟုတ်တယ် အဲဒါ ထုတ်ထားလိုက်။
ခြံရှေ့ ရောက်တော့ ၀င်းတံခါး ဖွင့်လျက်သား ဖြစ်နေပြီး၊ ခင်ပွန်းသည်ရဲ့ အလုပ်က ရုံးကားကို တွေ့ရတယ်။
ဦးဝင်းရေ.. ဆောရီး…စောင့်နေရတာ။
ရတယ် အမ။ ရတယ်။ ဆရာ ပြန်လာတဲ့ လေယာဉ် မဆိုက်သေးဘူး။ အချိန်ရသေးတယ်။
အရိုင်ဗယ်ကနေ တန်း ကူး မယ်ပေါ့။ ဟုတ်လား။
ဟုတ်ကဲ့ အမ။ လမ်းကြောင်းနောက် လိုက်ရမယ်ပြောတယ်။
ဖုန်း မြည်လာပြန်တယ်။
ဟုတ်ကဲ့ရှင် ပြောပါ မမော်။ ဟာ.. ဘယ်တုန်းက ဆုံးတာလဲ။ အိုး ……ဟုတ်ကဲ့ပါ ဟုတ်ကဲ့ပါ လာခဲ့မယ် မမော်။ သူလား ဒီနေ့ ပြန်ရောက်မှာ။ အလုပ်ကြောင့် ချက်ချင်း ပြန်ထွက်သွားရမှာ ရှိလို့ပါ။ ဟုတ်ကဲ့ပါ။ လာခဲ့မယ် နော်။ ဟုတ်ကဲ့။
ဆရာဝန်ဟာ အပေါ်ထပ်ကို အပြေးကလေး တက်သွားတယ်။ အတန်ကြာတော့ လှေခါးတထစ်ချိုးမှ ခေါင်း ငဲ့ ပြီး အောက်ထပ်ကို လှမ်းပြောတယ်။
မနွယ်ရေ အခန်းထဲမှာ ဦးလေးအိတ်ကို လာယူပြီး ဦးဝင်းကို ပေးလိုက်ပါ။ အမ ရေချိုးလိုက်အုန်းမယ်။ ပြီးရင် ခြံထဲက ပိန်းပန်းအဖြူအသေးလေးတွေ နည်းနည်း လှီးထားပေးပါ။ စတိုခန်းထဲက ဖဲပြားအနက်ရောင်ခွေလည်း ရှာထုတ်ပေးအုန်း။
အနက်ရောင်ဖဲပြားချည်နှောင်ထားတဲ့ ပိန်းပန်းအဖြူရောင်စည်းနဲ့ ဆရာဝန် ပြန် အထွက်၊ သားဖြစ်သူ ပြန် ရောက်လာတယ်။ အသက် ၁၀ နှစ်သာရှိပေမဲ့ သားအရပ်က သူ့ ပခုံး မီ ချင်နေပြီ။
မေ ဘယ်လဲ။
မေ နာရေးတခု သွားမေးမလို့ သားရေ။ သားအတွက် မနွယ် စားဘို့ပြင်ထားတယ်။ ခြေအိတ် ချွတ်တော့လေ။ မနွယ်ရေ နည်းနည်း ကြာရင် သား ရေချိုးဘို့ သတိပေးအုန်း။ သား ဒီနေ့ စာ လုပ်စရာ များသလား။ မေ နည်းနည်း နောက်ကျမယ်။
ဖေဖေက ဒီနေ့ ပြန်မလာဘူးလား။ ပြန်ရောက်မယ်ဆို။
အင်း ပြန်ရောက်မယ် သား။ လေဆိပ်ကနေ မန္တလေးကို ဆက်သွားမယ်တဲ့။ ဦးဝင်း အိတ် လိုက်ပေးနေတယ်။
ဟင် ဒီနေ့ကို ပြန်လာရမှာပေါ့ ဖေဖေကလဲ။
သြော် အလုပ်များနေတာကိုး သားရယ်။ ဘာဖြစ်လို့လဲ။ နှစ်ရက် သုံးရက်ကြာရင် ပြန်လာမှာပေါ့။ သား ဖေဖေကို ပြောစရာရှိရင် ဖုန်းဆက်ပြောလို့ ရသားဘဲ။ ဒါမှမဟုတ် မေ့ကို ပြော။
သားလား။ ပြောစရာ မရှိပါဘူး။ မနက်ဖြန် မေ့မွေးနေ့ လေ။
သူ ကြောင် အ သွားတယ်။ ရက်စွဲများကို အရွယ်ရောက် ယောင်္ကျားသားတွေ ဂရုတစိုက် မရှိလှဘူးဆိုတာ သားကို ပြောပြရမလား။ ကိုယ်တိုင်တောင် မနက်ဖြန် မွေးနေ့ဆိုတာ သတိမေ့ချင်ချင်။
အသုဘအိမ်ရောက်တော့ အမျိုးတွေ အတော်များများ ရောက်နေတာ မြင်ရတယ်။ ယောက်မဖြစ်သူက လက်ပြလိုက်တော့ သူု့ဆီ လျှောက်သွားလိုက်ရတယ်။ မမော် ရောက်နေတာ ကြာပြီလားဟု မေးရင်း လက်ထဲက ပန်စည်းကို ခုံပေါ် လှမ်းတင်လိုက်တယ်။ ပန်းခြင်းတွေတောင် အတော်များများ ရောက်နေပြီ။
သိပ်မကြာသေးဘူး။ ဘာလဲ မောင်စိုးက ခရီးဆက်နေတာလား။ သူ့ မလဲ ဦးလေးနာရေးတောင် မလာနိုင်ဖြစ်နေပြီ။
ဟုတ်ကဲ့ မမော်။ အိမ်ကိုတောင် ပြန်မဆင်းလာနိုင်လို့ ဦးဝင်းနဲ့ အိတ် လိုက်ပို့ရတယ်။
ဒီနေ့တော့ တော်ရုံနဲ့ အိမ် ပြန်နိုင်မှာ မဟုတ်ဘူးဆိုတာ သူ သဘောပေါက်လိုက်တယ်။ ခင်ပွန်းသည် မလာနိုင်မှတော့ သူ ကြာကြာထိုင်မှ မျက်နှာ ပြ လှတော့မယ်။ ရက်မလည်မချင်း အခါအားလျော်စွာ ၀င်လာရတော့မယ်။
အိမ်ပြန်ရောက်လို့ သား အခန်းကို အရင် ၀င်ကြည့်တော့ အိပ်ပျော်နေပြီ။ သူ့အခန်းကိုရောက်တော့ မှန်တင်ခုံပေါ်မှာ ကဒ်ပြားလေးတခု ထောင်လျက်သား။ သား ကိုယ်တိုင် ရေးဆွဲ ဖန်တီး ပေးထားတဲ့ မွေးနေ့ကဒ်ပြားပါလား။ မေ မွေးနေ့မှာ ပျော်ရွှင်ပါစေ ချစ်ခြင်းဖြင့် သား တဲ့။ သူ ကြည်ကြည်လင်လင် ရွှင်ရွှင်ပြပြ ပြုံးလိုက်တယ်။
ကိုယ်တို့ဝေးနေ မိုင်ပေါင်းကုဋေ သီချင်းသံ ကို ကြားလိုက်ရတယ်။ ခင်ပွန်းသည်ဆီက ဖုန်းခေါ်သံ။
ဟဲလို။ ရောက်ပြီလား။ အင်း မအိပ်သေးဘူး။ ခုမှ ဦးလေးအိမ်ကပြန်ရောက်တယ်။ နေ့ခင်းက ဆုံးတာ။ အင်းပေါ့.. ၃ရက်ထားမှာပေါ့။ မီ နိုင်လား ကို က။ သိပြီ။ လုပ်ပေးလိုက်မယ်။ သား….. အိပ်ပြီလေ။ ကောင်းတယ်။ သား မှာထားတဲ့ ရှုးအပြာ ၀ယ်လာလား။ သြော်.. ဦးဝင်းဆီမှာလား။ အဲဒီမှာ ညပိုင်း နည်းနည်း အေးတယ်ပြောလို့ ဆွယ်တာအပါး ထည့်ပေးထားတယ်။ မနက်ပိုင်း ဂေါက်ရိုက်ကြအုန်းမှာ မဟုတ်လား။ ထုတ် ၀တ် အုန်း။ သြော် မေ့နေတယ်။ ကိုခင်အောင်ဌေး အလှုလာဖိတ်ထားတယ်။ မုန့် ၂ ဗန်းပို့ပေးဘို့ မှာထားတယ်။ သွားလိုက်မယ်လေ။ ရတယ်။ မှာစရာ မရှိဘူး။ ဆေးသောက်ဘို့သာ မမေ့နဲ့။ အင်း ဂွတ်နိုက်။
ကောင်းသောည ဖြစ်မှာပါ။ အိပ်မက်တောင် မမက်တာ ကြာပြီ။ ကာလတခုမှာတော့ စိတ်လိုအပ်ချက် မြင့်မားလို့ တောင့်တသမျှကို အိပ်မက်ထဲ ထည့် မက်ဖူးတယ်။ ပျော်စရာကောင်းတဲ့ အိမ်မက် ဆိုတာလောက် ဆွေးစရာကောင်းတာ ရှိအုန်းမလား။ သူ့ အိပ်မက်ထဲက သီရိဂေဟာ ဟာ အမှုန်အစ တခု အဖြစ် ပျောက်ကွယ်သွားခဲ့တာ ကြာပြီ။ သူလည်း အိပ်မက်ကြောင့် နာကျင်ခဲ့ရဖူးတယ်။ အချိန်တခု ရောက်လာတော့ အိပ်သည်ဖြစ်စေ၊ နိုးသည်ဖြစ်စေ၊ မက်လိုစိတ်လည်းမရှိ၊ မက်ဘို့လည်း သတိမရ မရှိလှတော့။
***
ဟိုတယ်ဝင်း ကားရပ်နားတဲ့ နေရာက ဗာဒံပင်တန်း စိမ်းရွက်သစ် တဝေေ၀ ဖြစ်နေချိန်မှာ၊ လတ်လတ်သီနဲ့ ဆရာဝန် တွေ့ကြပြန်တယ်။
အမရေ ဘယ်လိုနေသေးလဲ။ အမကို သတိရနေတာ။
ဆရာဝန်က ရိုးရာအထည် အဆင်ဆန်းဆန်းကို ပုလဲသီး ဖန်သီးလေးတွေ တွဲလောင်းသီချုပ်ထားတဲ့ ၀တ်စုံကို ၀တ်ဆင်ထားတယ်။ သူ လှုပ်ရှားတိုင်း အသံလွင်လွင် မြည် မြည် လာတော့၊ လူဟန် သွက်လက်မှု၊ နောက်ခံဂီတသံနဲ့ လိုက်ဖက်တယ်။ လတ်လတ်သီက ချည်ထည်ပန်းထိုး အဖြူပွင့်နဲ့ ပါတိတ် အစိမ်းရင့်ရောင် ဝတ်ဆင်ထားတယ်။
ဆရာဝန့် နှုတ်ဆက်စကားကို တချက် ပြုံးယောင်ယောင် တုံ့ပြန်တာက လွဲလို့ မျက်နှာသွင်ပြင်က ဗလာကျင်းမြဲ ကျင်းလျက်။
ဒီလ အဲဒီ အိပ်မက် ကျွန်မ မမက်တော့ဘူး။ နာနာကျင်ကျင် အဖြစ်လည်း ပျောက်သွားတယ်။ ရက်နီးရင်တော့ ခေါင်း ကိုက်တယ်။ ခြေထောက်နည်းနည်း ကိုက်တယ်။ ဒါလောက်ဘဲ။
ဟုတ်ကဲ့ပါ။ ကြားရတာ ၀မ်းသာတယ် အမရေ။ လေ့ကျင့်ခန်းကော လုပ်ဖြစ်သေးလား။
အားကစားခန်းမတွေကို သွားဖို့ အခင်းအကျင်းတရပ် ရှိကြောင်း ဆရာဝန်မလေးကတော့ အသေအချာ သိမှာပါပဲ။ ပမာဏ မသေးလှတဲ့ အသင်းဝင်ကြေး၊ လစဉ်ကြေး ပေးနိုင်ရုံနဲ့ မရသေး။ လူလူသူသူ ဝင်ဆန့် တဲ့ ဝတ်စုံ အသုံးအဆောင်တွေ မထပ်အောင် သုံးစွဲ ဝတ်စားကြတဲ့ အပြင်၊ တဦးချင်းလေ့ကျင့် ပေးတဲ့ ဆရာ ကို ဘယ်နှစ်နာရီ ယူသလဲဆိုတာက အစ၊ ကြွက်သားဖြစ်ထွန်းမှုကို အားပေးတဲ့ ပရိုတိန်းအမှုန့် နဲ့ ရောဖျော်တဲ့ အသီးအနှံ ဘယ်နှစ်မျိုး ဆိုတာ အဆုံး၊ ပေါ့ပေါ့ပါးပါး ပြောနိုင်တဲ့ ပါးစပ် ပါ ရှိမှ တန်ကာ ကျလေရဲ့။ ဒီလို ယဉ်ကျေးမှု နဲ့ သူ ဘယ်တော့မှ အသားမကျနိုင်တဲ့ အကြောင်းကို ပြောပြချင်လာတယ်။
အားကစားခန်းမတွေက လူရှုပ် လို့ မသွားဖြစ်ဘူး။ မနက်ပိုင်းတော့
လမ်း ထ လျှောက်ဖြစ်ပါတယ်။
ကောင်းတယ် အမရေ။ မနက် လမ်းလျှောက်ရင် တနေ့လုံး နေရထိုင်ရတာ ပေါ့ပါးတယ်။ ကောင်းလိုက်တာ။ ဒါဆို ကျွန်မတို့ ပြန်စစ်ဆေးပြီး ဆေးသောက်တာ နည်းနည်း ရပ် ကြည့်ရအောင်နော်။
လတ်လတ်သီ ခေါင်း သွက်သွက် ငြိမ့်တယ်။ ဆရာဝန်က ဆေးစာအုပ်မှာ မှတ်တမ်း ချ ရေးနေတယ်။ အခိုက်အတန့်မှာ ဆေးခန်းဟာ တိတ်ဆိတ်သွားတယ်။ ဆရာဝန် ခေါင်း ပြန် မတ်လိုက်တော့ အမျိုးသမီးက သူ့ကို စူးစူးစိုက်စိုက် ကြည့်နေတာ တွေ့ရတယ်။
အမ ဘာပြောချင်လို့လဲ။ အမ ဆွေးနွေးစရာရှိသေးရင် ပြောပါ။
သူ့လူနာရဲ့ မျက်လုံးရှည်ရှည် မျောမျောလေးတွေ ပိတ်လုမတတ် ကျဉ်းမြောင်းသွားတယ်။ အမျိုးသမီး စကား စ ပြောလေတယ်။
ဒေါက်တာက ကျွန်မကို ကြောင်နေတယ်လို့ ထင်မလား မသိဘူး။ တကယ်က ကျွန်မ အိပ်မက် ခဏခဏ မက်တတ်သူ မဟုတ်ဘူး။ ညနေ စာရင်းပိတ် ငွေသိမ်းရတာနဲ့ အိမ်ပြန်လဲ အမြဲ မိုးချုပ်တယ်။ ရေမိုးချိုး စားသောက်ပြီးရင် လူက မျက်တောင် အလိုလို စင်းနေပြီး တုံးကနဲဘဲ။ ဘာအိပ်မက်မှ မမက်ဘူး။ ဒီလို မျိုး မက်တော့ ကျွန်မ တော်တော် စိတ်ရှုပ်ထွေးပါတယ်။ နောက်ပြီး……… အိပ်မက်မှာ ကျွန်မကို နာကျင်အောင်လုပ်တာ ဘယ်သူလဲလို့ ဒေါက်တာ မမေးဘူးနော်။
အိပ်မက်မှာ သူ့ကို နာကျင်အောင် လုပ်တာ ကောင်ကလေးတယောက်လို့ ပြောရင် ဆရာဝန် လှောင်ပြုံး ပြုံးမှာ မဟုတ်ဘူးလို့ လတ်လတ်သီ ယုံကြည်လာတယ်။
ဆောက်လုပ်ရေးကုမ္ပဏီအတွက် ပစ္စည်း လာ လာ ၀ယ်နေတဲ့ လူ ပါ။ တကယ်က ကျွန်မနဲ့ ဆုံစရာ အကြောင်း မရှိပါဘူး။ ငွေပေးတာတခု မှားသွားလို့ ငြင်းခုံရင်း သိခဲ့ရတာ။ သူ လာတိုင်း ကျွန်မတို့ ဆိုင် အောက်ထပ်နဲ့ ပြီးသင့်ရက်နဲ့ ဒုတိယထပ်ကို ရောက် ရောက် လာတယ်။ ကျွန်မ ကြိုက်တဲ့ စားစရာလေးတွေ ၀ယ်လာတတ်တယ်။ နေ့လည် ထမင်းစားချိန်ကြုံရင် ကျွေးပါပြောပြီး အတူ ၀င်စားတယ်။ နေ့ခင်း လက်ဖက်ရည်ချိန်ဆို အတူ လာသောက်တယ်။ သူတို့ ကုမ္ပဏီကပေးထားတဲ့ အဆောင်မှာ အစားအသောက် ဆင်းရဲတယ်ပြောတော့ ကျွန်မ သူ့အတွက် ဟင်း ပို ထည့်လာတယ်။ တခါတလေ အခြောက်အခြမ်းတွေ ပေးမိတယ်။
လတ်လတ်သီ ဘ၀တလျှောက်လုံး ဘယ်သူ့အတွက်မှ ဘာမှ လုပ်မပေးဖူးလို့ ဒီအဖြစ်ကို ထူးထူးဆန်းဆန်း စွဲလန်း နှစ်သက်လှကြောင်း ဆရာဝန် ကို ဆက်ပြောပြတယ်။
တနေ့တော့ သူ့ လက်ထပ်ဖိတ်စာ လာပေးပါတယ်။ ကျွန်မလဲ မင်္ဂလာဆောင်သွားပြီး လက်ဖွဲ့ ပိုက်ဆံများများ ပေးလိုက်ပါတယ်။ သူ မိန်းမရသွားတော့ ကျွန်မတို့ဆီ နေ့လည်စာ လာစားတာတွေဘာတွေ မရှိတော့ဘူးပေါ့။ အဲဒီကောင်လေး မင်္ဂလာဆောင်ပြီး၊ နောက်လမှာ ကျွန်မ ဒီ အိပ်မက် စ မက် တာဘဲ ဒေါက်တာ။ ဟင့်အင်း… မရှိပါဘူး။ ကျွန်မတို့ ထမင်းလက်ဆုံစား၊ လက်ဖက်ရည် အတူ သောက်ဖူးတာကလွဲလို့ ဘာမှ ထူးထွေဖြစ်ရပ် မရှိဘူး။ ဟုတ်တယ်။ ကောင်ကလေးက ရည်ရည်မွန်မွန်ပါ။ လူလည်လူရှုပ်ကလေး မဟုတ်ပါဘူး။
ထုံးစံအတိုင်း မျက်နှာ အပြောင်းအလဲမရှိ၊ စကားသံ အတက်အကျမရှိ၊ ပုံမှန်လေသံနဲ့ ပြောပြနေတဲ့ အမျိုးသမီး ကိုကြည့်ပြီး ဆရာဝန်ဟာ ဂရုဏာသက်စိတ် လှိုက်လှိုက်လှဲလှဲ ဖြစ်လာတယ်။ ဆေးခန်းမှ ပြန်ထွက်ဖို့ လတ်လတ်သီ ထ လိုက်တော့ ဆရာဝန်က သူ့ဘာသာ သတိမထားမိဘဲ လွတ်ကနဲ မေးလိုက်မိတယ်။
အမ အဲဒီလူကို ချစ်ခဲ့လား။
လတ်လတ်သီ ဆတ်ကနဲ တုန် သွားတယ်။ ကုလားထိုင်ပေါ် ပြန်ထိုင်လိုက်ကာ ဆရာဝန်ကို စေ့စေ့ ကြည့်တယ်။ ဆရာဝန် မျက်နှာပေါ်က ဂရုဏာရိပ် စာနာရိပ်ကို သူ ခံစားမိလိုက်တော့ ငြိမ်သက်သွားတယ်။
ကျွန်မ မသိပါဘူး။
နှုတ်ဆက်စကား မဆိုဘဲ အမျိုးသမီးဟာ ထွက်ခွာသွားတယ်။
သူ့လူနာ အိပ်မက် မမက်တော့ဘူး တဲ့။ အင်း… သူ လည်း ကျော်လွန်ခဲ့ပြီးပြီ။
ကာလတခု လွန် သွားခဲ့ရင် မက်ဘို့ ဘယ်သူမှ သတိတရ ရှိလှတော့မည် မဟုတ်။ ဖြည်ညင်းစွာ တိတ်ဆိတ်စွာ ကွယ်ပျောက် လိုက်ရတော့မှာ။
(မြယာ)
No comments:
Post a Comment