Sunday 25 May 2014

“အခွံသက်သက် လိပ်ပြာ”

သူ ငယ်ငယ်ကတည်းက အိမ်ကလူတွေနဲ့ ခပ်ခွာခွာ နေတယ်။ အထူးသဖြင့် အမနဲ့။  အသက် ၆ နှစ်ကြီးလို့ ကစားဖော် မဖြစ်တဲ့အပြင် အမက တော်တော် လှတာကြောင့်လဲ ပါတယ်။ မအေတူသမီးချောလေးလို့ အမကို လူတကာ ချီးမွမ်းကြတယ်။ ဆံပင် အသားအရေ အစ မျက်လုံးမျက်ခုံး မျက်တောင်ကော့များ အလယ် သွယ်ပျောင်းကိုယ်ဟန် အဆုံး တနေရာမှ အမေနဲ့ ဆင်ဆင်မရှိတဲ့ သူ့ရုပ်ကို မမြင်ချင်တာနဲ့ဘဲ မှန် လုံးလုံး မကြိုက်တဲ့သူ ဖြစ်လာတယ်။ အမေနဲ့အမကို ရှောင်နေတတ်ပြီး ဖခင်ဖြစ်သူကလဲ သူထက် တနှစ်သာငယ်တဲ့ မောင်ကလေးကို သားလို့ မက်မက်စက်စက် အလေးဂရု ရှိတာကိုလည်း မခံချိလှဘူး။ သူတို့ ခြံဝင်းထဲက ဘွားလေးအိမ်မှာသာ အချိန်ကုန်တတ်ကာ သိတတ်စ အရွယ်ကတည်းက ဘွားလေးဆီ သွားအိပ်တယ်။
  
ဘွားလေးဆီမှာတော့ သူသာ အချစ်တုံးကလေး ဖြစ်ရတယ်။ သွေးသားရင်းများကို ၀န်တိုမနာလိုစိတ် ဖြစ်ရတာ အောက်တန်းကျ ရှက်စရာကောင်းတယ်လို့ သူ့ဘာသာ သတ်မှတ်ကာ ထိုစိတ် မဖြစ်ပေါ်ရာ ဘွားလေးအိမ်သာ သူ့ နားခိုရာကမ္ဘာ ဖြစ်လာခဲ့တယ်။ မိသားစု ထမင်းဝိုင်းထဲ မ၀င်ဘဲ ဟင်းတွေ ပုံထည့် တယောက်တည်း အနောက်ဘက် လသာဆောင်မှာ ထွက်စားတယ်။ ပြီးတာနဲ့ ဘေးအိမ်ကို ရုတ်ချည်းဆင်းကာ ကိုယ်ယောင် ဖျောက်နိုင်တယ်။ လသာည တိတ်တိတ်လေး ဆင်း ကစားနိုင်သေးတယ်။ ဘွားလေး ပေါင်ပေါ် ခေါင်းတင်ပြီး လမင်း ၀င်းဝင်းစက်ကို မော့ကြည်ကာ ညမွှေးပန်းနံ့ ဆိပ်ဖလူးပန်းနံ့ စကားစိမ်းနံ့ မွှေးထုံတဲ့ညတွေ ခံစားနေထိုင်ခဲ့တယ်။ သူ အပျိုဖော်ဝင်ချိန်အထိ ဘွားလေး ရှိခဲ့ရင် သူ့ မြုံလုံး ဒီလောက် ကြီးမလာဘူး။

သူ့ ဆယ်ကျော်သက်အရွယ်မှာ ဘွားလေး သူငယ်ပြန်စပြုလာတယ်။ အမေက အိမ်ပြောင်းခေါ်လာခဲ့တယ်။ သူပါ အိမ်မှာ ပြန်အိပ်ရတော့ ခါတိုင်းလို လက်ဆေးရေ မစင်ခင် လူလုံးဖျောက်လို့ မရတော့ဘူး။ မိသားစုနဲ့အတူ နေထိုင်ရတာကို သူ့အဘို့ သက်တောင့်သက်သာ မရှိဘူး။ အနောက်ဘက် လသာဆောင်မှာ တယောက်တည်း ထမင်းစားတဲ့အကျင့်က စွဲမြဲနေခဲ့ပြီ။
နောက်တော့ ဘွားလေးက သူ့ကို မေ့ လာတယ်။ ထမင်းမှန်မှန် ပြင်ကျွေးတဲ့ အမကိုသာ သိတော့တယ်။ တခုခု လက်လွှတ်ရတဲ့ ခံစားချက်နဲ့ ကျောင်းက ပြန်လာတိုင်း ဘွားလေးကို ပြေး ပြေး နှုက်ဆက်ရတဲ့ အကျင့်ကို ဖျောက်ပစ်လိုက်တယ်။ ဘွားလေးဆုံးတော့ သူ မငိုဘူး။ သူ့အသက် သုံးနှစ်သာသာမှာ ဘိုးလေးဆုံးတာကို ကောင်းကောင်း မှတ်မိနေပြီး အပျိုပေါက်အရွယ် ဘွားလေးဆုံးတာကို ထင်ထင်ရှားရှား မသိတော့ဘူး။

ကျောင်းစနေချိန် ကျောင်းက ပြန်လာလာချင်း ဒီနေ့ ဘာသင်လဲ အဖေက မေးလို့ သူငယ်တန်းဖတ်စာ တအုပ်လုံးကို အစကအဆုံး မနားမနေ အလွတ်ရွတ်ဆိုတာကို နားထောင်ပြီး  အဖေ စိတ်လိုစိတ်ရ တခါ ကောက်ချီဖူးတယ်လို့ သူ့ကို ငယ်ငယ်ကထိန်းတဲ့ မကြာသင် ပြောဖူးတယ်။ ဖခင်ရဲ့အသိအမှတ်ပြုခြင်းကို လိုလား မှတ်ထားမိခဲ့လေသလား။ သူ ကျောင်းစာတော်အောင် အားထုတ်ခဲ့တယ်။ နောက်ပိုင်း သူ့အာရုံဟာ ကျောင်းစာနဲ့ အပြင်စာမှာ လုံးလုံး မြုပ်နေတယ်။

သူ အပျိုဖော်ဝင်ချိန်မှာ အမက မည်းနက်ပြောင်လက်လှပတဲ့ သူ့ဆံပင် အရှည်ကြီးတွေကြောင့် ကျော်ကြားသလို ချစ်သူခင်သူတွေ တောင်းရမ်းသူတွေ ပေါများနေခဲ့ပြီ။ သူ့အလှကို  သူတကာ နှစ်လိုကြတာ ဂုဏ်ခံပြီး နည်းနည်း ဇာတ်လမ်း များတယ်။ သူ့ကိစ္စနဲ့သူ ဗျာများ နေတတ်ပြီး  ညီမတယောက် ဆယ်ကျော်သက်အရွယ် ရောက်လာတာ အာရုံ မရှိဘူး။ အမေကလဲ အမနဲ့သာ တပူးတွဲတွဲ ဖြစ်နေတတ်သူ။ ဖာသိဖာသာနေတဲ့ သူနဲ့ မျက်နှာကျော မတည့်ဘူး။ ဘယ်လောက်မတည့်တာ ဖြစ်စေအုန်းတော့ ကိုယ် ကလေး အရွယ်ရောက်ချိန်ကိုတော့ တွေးမိရမယ် မဟုတ်လား။ အိမ်အောက်ထပ် ပစ္စည်းသိုလှောင်ခန်းလေးအထဲ ကြောင်စီစီ  တယောက်တည်း ရပ်ကာ ဘယ်ကစပြီး ဘယ်လို သီတွယ် ချုပ်ရမလဲလို့ သူ တွေးတောမဆုံး ဖြစ်ခဲ့ရတယ်။ ကူလုပ်ပေးပါလို့ အမေနဲ့အမကို ဘာဖြစ်လို့များ မတောင်းဆိုမိပါလိမ့်။ မလွတ်မလပ် မလုံခြုံစိတ်နဲ့ ထိတ်လန့်ကာ အဲဒီကာလကို ကျော်လွှားလိုက်ချင်တယ်။ သူ မပိရိလို့ အရှက်ကွဲရချိန်မှာ မျက်နှာကို မီးလုံး စူးစူးရဲရဲတခု ထိုးထားသလို ခံစားရပြီး ဘယ်အရာကိုမှ မမြင်တော့ဘူး။ အံကိုသာ တင်းတင်း ကြိတ်မိတယ်။ အရှက်တကွဲ အကျိုးနည်းဖြစ်ရတဲ့ အိပ်မက်တွေ အသက်ရလာတဲ့အထိ မက်နေဆဲ။ သူ့စိတ်မလုံခြုံမှုကို အိမ်မက်မှာပင် မြင်နေရဆဲ။

***

ဒီနောက်တော့ အိမ်ကနေ အဝေးကို သိက္ခာရှိရှိ ထွက်ခွာသွားနိုင်မဲ့အချိန်ကို သူ ကြိုတင် စိတ်ကူးနေမိတယ်။ ဗြုန်းဆို အထပ်ထပ် ပိတ်ဆို့ထားတဲ့ကြား တိုးထွက်သွားသူက အမ။ အိမ်ကလူတွေ ပက်လက်ကော မှောက်ခုံပါ သူတကာ ခံတွင်းပျက်မှာ မျောခဲ့ရတယ်။ မုန်တိုင်း အဖျားခတ်ကာ အဝေးမှာပညာသင်ဘို့ သူ့ကို မလွတ်ချင်တဲ့လေသံ ထွက်လာလို့ တချီတမောင်း ပြောကြဆိုကြရပြန်တယ်။ ကျွန်မက အမလိုလူစားမဟုတ်ဘူးလို့ ပြန်ပြောတဲ့လေသံ တော်တော် ပြင်းထန်တယ်။ အတိုက်အခံလုပ်ပြီးတက်ရတဲ့ ပထမနှစ် နှစ်ဝက် ကျောင်းပိတ်ရက်မှာတော့ ဟန်မပျက် အိမ်အပြန် ပြ ပြီး နောက်နှစ်များတော့ အကြောင်းအမျိုးမျိုးနဲ့ နှစ်ဝက်ကျောင်းပိတ်ရက်တွေ မပြန်တော့ဘူး။ သူ့ သီးခြားကမ္ဘာကို သူ ရှာတွေ့ခဲ့လေပြီ။ နှိုင်းရပြောဆိုချက် မရှိ။ အလေးဂရုပြုမှုရေချိန် မရှိ။ တံခါးတချပ်ပိတ်လိုက်တာနဲ့ နယ်နမိတ်များစွာ ကျော်လွန်တဲ့ စိတ်ကမ္ဘာထဲမှာ သူ နေထိုင်နိုင်ခဲ့ပြီ။

တကိုယ်ရေ လွတ်လပ်မှုအရသာကို ကောင်းစွာ ခံစားမိချိန် သူ့ စိတ်ကြိုက် ဘ၀ကို သူ ရွေးချယ် တည်ဆောက်တော့တယ်။ နှစ်ရှည်ကျောင်းတက်နေခဲ့ပြီး တော်တော်ကြာကြာရှိမှ အိမ်တခေါက် ပြန်ချိန်မှာ အိမ်အောက်ထပ် ကလေးနို့တိုက်နေတဲ့ အမျိုးသမီး တယောက်ကို အမှတ်မဲ့ ဖြတ်ကနဲကြည့်ပြီး အိမ်ပေါ်တက်လာခဲ့မိတယ်။ အတန်ကြာလို့ အောက်ထပ်က ငိုသံကြားမိတော့မှ အကြောင်းစုံ သိတယ်။ ခုနက အမျိုးသမီးက သူ့အမကိုး။ အမ ဖြစ်သူကိုတောင် နှုက်မဆက်လေတဲ့ အခြေကြီးသူအဖြစ် သူ ယိုးစွပ်ခံရတော့တယ်။ တကယ်က သူ မမှတ်မိတာ။ သူ့အာရုံမှာ စွဲထင်နေတဲ့အမဟာ ဒီလိုပုံရိပ်မှ မဟုတ်လေဘဲ။

ပျိုရွယ်စဉ်နဲ့ကွာခြားလှစွာ နွမ်းဖတ်သီနေတဲ့ အမ ကို ကြည့်ပြီး ကိုယ်ရွေးချယ်သမျှ ကိုယ်ခံရမှာဘဲလို့ တွေးမိခဲ့ပေမဲ့ သွေးရင်းနှောင်ဖွဲ့မှုကြောင့် ရင်ထဲ စစ်စစ် နာရတယ်။ မမြင်ချင်ဘူး။ မမြင်ချင်လို့ ရှောင်ဖယ်ခြင်းဟာလည်း ပြင်းထန်တဲ့အပြစ်ပေးမှု တခုဘဲ။ သူ မသိသားဆိုးဝါးစွာ ကျုးလွန်မိတယ်။ နုငယ်စဉ်က မနာလိုစိတ်နဲ့ ရှောင်ဖယ်ကာ ကြီးရင့်ချိန် ရင်နာစိတ်နဲ့ ဖယ်ခွာတယ်။

***

အိုမင်းလာတဲ့ မိဘများရဲ့ တောင်းဆိုလိုလားချက်ကြောင့် မုဆိုးမဖြစ်သွားတဲ့ အမနဲ့ တဖန် ပြန်နီးကပ်ရချိန်မှာ သူက အပေါ်စည်း ရောက်ခဲ့ပြီ။ အများအမြင်အရ အပေါ်စည်းဆိုရသော်ငြား အမှန်မှာ အခြေအလှသူ အမရဲ့ ၀န်ထုပ်ကို သူ ၀င်ကူထမ်းရခြင်းမျှသာ။ ဒါပေသိ သူ ဒေါသဖြစ်မနေဘဲ ထို ၀န်ထုပ်ကြောင့် သူ့ဂုဏ်သတင်း ကျော်ကြားစေတာ၊ သူ့အတ္တမာန ပိုမို ဖွံ့ဖြိုးလာတာ သူ့ ဘာသာ ရိပ်စားမိတယ်။ တယောက်ရဲ့ ရှုံးနိမ့်မှုဟာ နောက်တယောက်ကို အရောင် လက်စေခဲ့လေသလား။ သူ မသိစိတ်က ရင်နာပေမဲ့ အငုံ့စိတ် မှုန်ဝါးပြီ့း နာလုံးလေး အသားမာတက်စေဘို့ နောက်တယောက်ရဲ့ ကျဆုံးမှုကို အသုံးချမိခဲ့လေသလော။ အမဖြစ်သူရဲ့ လှပနုပျိုတဲ့ဘ၀ကို ၀ါးမျိုခဲ့သူ တူ တူမများ ကိုလည်း ချစ်ခင်နှစ်လိုစိတ် မရှိလှ။ လူသားဆန်လိုစိတ် တာဝန်သိလိုစိတ် ပွင့်ပွင့်ဆိုရသော် အတ္တမာန ဖွံ့ဖြိုးလိုစိတ်ကြောင့် စောင့်ရှောက်ခြင်းသာဖြစ်ကာ ချစ်ခင်တွယ်တာပူနွေးစိတ်ကို နည်းနည်းမှ မပြသခဲ့။ သူ့ ပုဂ္ဂလိကဘ၀ ကို မကျုးကျော် မစွက်ဖက်တမ်းမူကို ကိုင်ဆုပ်ပြီး သူ့ကျင်လည်သမျှပတ်ဝန်းကျင်မှာ သူ့ ၀န်ထုပ်ကို အရိပ်မှ မမြင်စေခဲ့ရ။

လုပ်တိုင်းဖြစ်ရင် မာနတက်ပြီး မဖြစ်တဲ့အခါ ဗျာပါဆိုက်တဲ့ အမှန်တရားကို သူ သတ်လတ်ပိုင်းမှာ တည့်တည့် တိုးတယ်။ ရာထူးမဲ့ ၀င်ငွေမဲ့ ကူကယ်ရာမဲ့ လက်လွတ်ခြေကျွတ်ဖြစ်ချိန် လောကဓံထုထောင်းမှုကြောင့် ကြေနေတဲ့ အမက ၀င် ခု တယ်။ သူ တသက်လုံး မတွေးထင်ထားတဲ့ အလုပ်တွေကို အမခမြာ လိုက်လုပ်ပေးရှာတယ်။ နင် ဒါတွေမသိဘူး နင်ဒါတွေ နားမလည်ဘူး ငါ့ဘာသာ ကြံလိုက်ဖန်လိုက်ပါမယ် ဆိုပြီး ဘယ်ကထွက်လာမှန်းမသိတဲ့ ခုခံမှုတွေကြောင့် သူ အကျ မနာခဲ့ဘူး။ လူသူ မသိလိုက်ရဘဲ ဟန်မပျက် ဘ၀ကို ဆက်လက် ချီတက်နိုင်ခဲ့တယ်။ လက်စသပ်တော့ သူ အောက်ခြေ နည်းနည်းမှ မစေ့တဲ့လူပါလား။ လောကရေးရာကို အလုံးစုံ နားလည်သူ မဟုတ်ပါလား။ ဖန်ဖန်စေ့စေ့ တွေးကြည့်ပြီး သူ့တသက် ရှောင်ဖယ်စိတ်အတွက် အမဖြစ်သူကို အားနာစိတ် ကြီးစွာဖြစ်မိတယ်။

ကံကြမ္မာလှည်းဘီးအနိမ့်ဆုံးရောက်ပြီး ပြန်တက်လာချိန်မှာတော့ သူ့ အတ္တမာနစ်ိတ်များ ပါးလျ ခဲ့ပြီ။

သူ့ တူ တူမများ အရွယ်ရောက်လာကာ မိခင်ဖြစ်တဲ့ အမနဲ့အတူ သူ့ဘ၀က ထွက်ခွာဟန်ပြင်ချိန်မှာတော့ သူ ရုတ်တရက် လန့် သွားတယ်။ သားသမီးအတွက် ကျေနပ်ကြည်နူးနေသူ အမ ဖြစ်သူကို ကြည့်မိတယ်။ ချွန်ထက်သည့် အရာတခုနဲ့ ဆွဲခြစ်သကဲ့သို့ အရေပြား အသွေးအသားများ ပဲ့ ပါသွားကာ အရိုးငေါငေါ ကျန်ခဲ့သည်နှယ် သူ့ လုံးတီးဖြစ်မှုကို သူ မြင်မိတယ်။ အိမ်အောက်ထပ် ပစ္စည်းသိုလှောင်ခန်း မှောင်ရိပ်မှာ တယောက်တည်း ရပ်နေခဲ့ချိန်လိုပါဘဲလား။ ပိုမို ဆိုးဝါး ပြင်းထန်လှချည်ရဲ့။

ဘ၀ရဲ့အလျားအနံကို ကုန်စင်အောင် အမတယောက် လျှောက်ခဲ့ ဖြတ်ခဲ့ချိန်မှာ သူက အလျားကိုလဲမသိ အနံကိုလဲ မထိ သူ တည်ဆောက်ထားတဲ့ စက်ဝိုင်းထဲတွင်သာ လည်ပတ်လှည့်လည်ကာ ပိတ်မိနေသူပါလား။ တနေ့ ပျက်စီးဆွေးမြေ့ရမဲ့ အတူတူ တယောက်သောသူက အသားမာတက် အနှစ်ဖြစ်ကာ သူကတော့ အကာသက်သက် ဖြစ်နေတာကိုး။ သူ့အတ္တမာန ပြောင်လက်မှုဆိုတာကလဲ အရေခွံသက်သက်ပါလား။ တိုင်တည်မြည်တမ်းမည့် တစုံတရာ ကင်းမဲ့မှု ဟာလာ ဟင်းလင်းစိတ်ကြောင့်  သူ တစိမ့်စိမ့် ၀မ်းနည်းလာခဲ့တယ်။

ရုတ်တရက် လှိုက်လှဲဆို့နင့်လာပြီး ရှိုက်ကြီးတငင် ငိုကြွေးမိတာ အချိန် ကြာကြာ တိုင်အောင် မရပ်နိုင်ခဲ့တော့ချေ။


(မြယာ)

၂၀၁၂ မတ်လ ရတီမဂ္ဂဇင်း