Tuesday 22 October 2019

“နှလုံးဖြင့် နားဆင် ခြားသည့် ပုံပြင်”


နှောင်းလူတွေ ဟာ  ကွဲပြား သော ပုံ ပြင် ကို နားထောင်ကြပါစေ။

******

ဘုန်းကြီး ကျောင်းဝင်းထဲ ဝင်လိုက်တာနဲ့ သစ်ရိပ် ဝါးရိပ် ကြောင့် အပူဒဏ် ဟာ သိသိသာသာ လျော့ ပါး သွားတယ်။ မုတ်သုန် ဆုတ်တာနဲ့ လောင်မြိုက်တဲ့ အပူ ဟာ ချက်ချင်းလိုလို ရောက်ရှိ လာတော့တယ်။ မိုး နဲ့ မြူ ရောထွေး ပြီး မုတ်သုန် အေးစိမ့်မှု ရော ဆောင်းလေအေး တိုက်ခတ်မှု ကိုပါ ခံစား ရတဲ့ ရာသီ ကူးပြောင်းချိန် ဟာ ဘယ်တုန်းက ပျောက်ဆုံး သွားပါလိမ့်။ တစစ ပြောင်းလဲခြင်း ကို သတိမမူလေတော့ အချိန် တခု လွန်မြောက်ချိန်မှာ အနေအထား တရပ်ဟာ ပြောင်းခဲ့ပြီ။ ဒီလိုနဲ့ တဖြည်းဖြည်း ကွယ်ပျောက် သွားတဲ့ အရာတွေ ဘဝမှာ ဘယ်လောက် များပြီလဲ။

အလှူ က မနက်ဖြန် ဆိုတော့ ကျောင်းကြီး အောက်ထပ် တရားဟော ခန်းမထဲမှာ ပြင်ဆင်နေသူ တွေ ရှိတယ်။ ကျွန်မ ဝင်လာတော့ တစ်ယောက်က လှမ်း လက် ပြ လို့ ခေါင်း ငြိမ့် ကာ နှုတ်ဆက် လိုက်ပေမယ့် ဘယ်သူဘယ်ဝါ ရယ်လို့ မသိဘူး။ ချက်ပြုတ်ရေး အဖွဲ့ က ဆွမ်းစားကျောင်း ဘက်မှာ မို့ ဆက် လျှောက်သွားတယ်။ စင်္ကြန် လမ်း ဘေးမှာ စိုက်ထားတဲ့ စကားစိမ်း ပန်းပင်တွေ ပွင့်တာ ခဲ နေ ရော။ ယဥ်လှတဲ့ ပန်း ရနံ့ ဟာ နှာသီးဝ ဆီ ညင်ညင် သာသာ စီးမျော ဝင် ရောက်လာပြီး သက်ငင် တချက် အရှိုက်မှာ ရင်ထဲ အေးဆင်းသွားတယ်။

ဆွမ်းစားကျောင်း အောက်ထပ်မှာ ရယ်မောသံ စကားပြောသံ တွေနဲ့ စည်စည်ကားကား ရှိတယ်။ ဒေါ်စန်းလှိုင် ရှိလား လို့ ကျွန်မ မေးလိုက်တော့ ချက်ပြုတ်ရေး တအုပ်စုလုံး ခေါင်းထောင် ကြည့် ကြ ပြီး ဘယ်တုန်းက ရောက်လဲ၊ မစန်းလှိုင် နင့် သမီး ဟေ့၊ ထမင်းစားပြီးပြီလား တခါတည်း ဝင်စားလိုက်၊ ဒီနေ့ တော့ ထမင်းကြမ်း ဟင်းကြမ်း ပဲ ကျွေးနိုင်တယ် လို့ စကား ပြန် ပြောသံတွေ ပြုံထွက်လာတယ်။ ကျွန်မ အခုပဲ ရောက်တာရှင့် လို့ ဖြေရင်း ဒီနေ့ ကျွေးတဲ့ ဟင်းကို ပိုစား ချင်တာ၊ မနက် ကျွေးတဲ့ ဆီပြန်တွေ မကြိုက်ဘူး လို့ ဆက်လိုက်တယ်။ 

အလှူ အကြိုနေ့ မှာ ကျွေးလေ့ ရှိတဲ့ ဟင်းရွက်စုံ အချဥ်ဟင်း၊ ငါးခြောက်ကြော် နဲ့ ထမင်း ပွဲ ဟာ အဆင့်သင့်မို့ လက်ဆေး စားရုံပဲ။ အမေ က ကျွန်မ ဘေး လာ ထိုင်ပြီး ကျွန်မ့ မျက်နှာ ကို စူးစူး ကြည့်တယ်။ အကြောင်းမကြားဘဲ ဘာလို့ ရုတ်တရက် ပြန်လာလဲ ဆိုတာ မေးချင်နေတဲ့ ဟန် ရှိတယ်။
မသိချင်ယောင်ဆောင် နေပြီး ထမင်းကို ငုံ့စား နေလိုက်တယ်။ ချက်ပြုတ်ရေး တွေ ရှိနေတော့ ကျွန်မကို ကြာကြာ စူးစမ်း မနေအားဘူး။ ထမင်းစားပြီးတော့ အိုးသူကြီးတွေ ကြား လက်တို လက်တောင်း သွား ကူ လုပ်နေ လိုက်တယ်။ ငယ်ကတည်းက အမေ့ နောက် လိုက်ရင်း ဒီအမျိုးသမီးကြီးတွေ ကို ကျွမ်းဝင်ရင်းနှီး နေခဲ့ရတာ။

ကထိန်ရာသီ ဒီမှာ နေပြီး အလှူ အိုးကြီးချက်နည်းတွေ သင်မှပဲ လို့ ပြောတော့ ဒေါ်ကြီး စိန်သီ က ကောင်းတယ်၊ ကောင်းတယ်၊ ဒီမှာ လက်ဆင့်ကမ်းဖို့ လူ မရှိလွန်း လို့၊ ခု ခေတ် ကလေးတွေ က လွယ်လွယ်လေး အော်ဒါမှာ အော်ဒါမှာ နဲ့ ပြီးချင်ကြတယ်။ ကျောင်းကန် ကိစ္စ လုပ်ဖို့ စိတ်မဝင်စားကြဘူး လို့ လှိုက်လှိုက်လှဲလှဲ ပြောတယ်။

အလှူ ရှိတိုင်း ရပ်ရွာလူအများက ဝိုင်းဝန်းကူညီတဲ့ ထုံတမ်း ဓလေ့ ကိုတော့ လက်ဆင့်ကမ်း ထိမ်းသိမ်းချင် စိတ် ရှိကြပေမယ့်  တကိုယ်ရေ အားလပ်ချိန် နည်းပါးလာခြင်းဟာ ဒီ အစဥ်အလာ ကို ယိုင်နဲ့ စေ ခဲ့ပြီ။ ကောင်းသော အစဥ်အလာ များကို မပျောက်စေချင်သလို  မလိုအပ်တော့တဲ့ ဓလေ့ များကိုလည်း စွန့်ပစ်ဖို့ သင့်တယ် လို့ ကျွန်မ က ထင်မှတ် ယူထားတာ။ 

ကျွန်မကို ငါးဆုပ်အုန်းနို့ အလှူချက် သင်ပေးကြပါ လို့ တောင်းဆိုမိတော့...

ဟဲ့ အဲဒါ နင့်အမေ ဆီ သင်လေ၊ နင်တို့ အဘွားချက်နည်း သူ အသိဆုံးပေါ့။ ဒါပေမယ့် မစန်းလှိုင် ချက်တာ ဘွားသင်းလှိုင်ကို မမီဘူး၊ ဘွားသင်းလှိုင် လက်ရာကတော့ ပထမတန်းပဲ။ လက်ဆိပ် ကို ရှိတာ။ ဖြူဖြူ နွဲ့နွဲ့ လေးနဲ့ ချောကလည်း ချော၊ လက်မှု ပညာ ဆိုလည်း အကုန် တတ်တယ်။ ငါတို့ ငယ်ငယ်က ခေါင်းအုံးစွပ် ပန်းထိုးနည်းတွေ သူ့ဆီ သွားသင်ရသေးတယ်။ တို့ရွာမှာ ပိုး ယက်ကန်း ခတ်တာ သူ အတော်ဆုံး တဲ့။ နင်တို့ အဘွား ရလိုက်တဲ့ အမွေ ကလည်း မနည်းမနော  မဟုတ်ဘူးတဲ့။ တို့အမေ များ ဘွားသင်းလှိုင် အကြောင်း ပြောရင် မမောနိုင်ဘူး။ ညတိုင်း ပုံပြင်လို ပဲ ပြောတတ်တာ။

ဒေါ်ကြီး စိန်သီ ဆက် မပြောတဲ့ ဘွားသင်းလှိုင် ပုံပြင် ရှိသေးတယ်။ ကျွန်မ တို့ရှေ့ မို့ မပြောတာ။ ကျန်သေးတဲ့ ဘွားပုံပြင်ကို ရွာက လူတွေ ဘယ်လို ပုံဖော်ချက်တွေ နဲ့ ဘယ်လောက် ပြောခဲ့ကြပါလိမ့်။

အလှူ ကျောင်းကန် ကိစ္စ ရှိတာနဲ့ အဘွားဟာ အလှူ မတိုင်ခင်ရက်ကတည်းက ဘုန်းကြီးကျောင်း ကို သွားလေ့ ရှိတယ်။ ရေစက်ချပြီး ဗျောသံ ဆုံးလည်း ပြန် မလာနိုင်သေးဘူး။ အိုးခွက် ပန်းကန်တွေ အားလုံး ကျောင်း မြေတိုက်ခန်းထဲ စာရင်းနဲ့ တကွ ပြန်ထည့်ပြီး၊ ညနေစောင်းမှ အိမ် ပြန်လာတတ်တယ်။ အိမ်ရောက်ရင် အဘိုးဟာ မေး ငေါ့ကာ ပြန်လာပလား ဟေ့၊ တစ်ညလောက် ထပ်နေ ပါ တော့လား လို့ ရွဲ့ ပြော တယ်။ အဘွားဟာ ခပ်မဆိပ် ရှိကာ ဘာမှ ပြန် ပြောလေ့ မရှိဘူး။ အိမ်ပေါ် တက်လာပြီးညောင်းညာလိုက်တာ၊ သမီးလေး အဘွားကို လာ နင်း ပေးပါဦး လို့ ကျွန်မ ကို ခိုင်း တယ်။

အရင်ကဆို အလှူအတန်း တွေကလည်း များလေတော့ အဘွား ဟာ အမြဲလို ဘုန်းကြီးကျောင်း ဆွမ်းစားဆောင်မှာပဲ အနေများတယ်။ သူ့ မျိုးဆက် ဖြစ်သူ အမေ ဟာ ပညာရေး ဝန်ထမ်းမို့ အဘွားလို အချိန်ပြည့် မလုပ်နိုင်ဘူး။ ငါးဆယ့်ငါးနှစ်မှာ အမေ လုပ်သက်ပင်စင် ယူတယ်။ ဒီနောက် အဘွား ခြေရာ နင်းကာ ဘုန်းကြီးကျောင်း ကိစ္စ မှာပဲ စိတ် နစ် နေ တယ်။ အဖေ့ ဆီကတော့ ငေါ့ သံ မကြားရချေ။

ဆွမ်းစားကျောင်းဆောင် အပေါ်ထပ် နံရံမှာ ရေးထားတဲ့ အလှူရှင် မှတ်တမ်းမှာ အဘိုးနဲ့ အဘွား နာမည်တွေဟာ ယှဥ်လျက်သား ရှိတယ်။ ကျောင်းကြီးပေါ်တက်တဲ့ လှေခါး၊ စင်္ကြန်လမ်း၊ ကျောင်းပြင်က အုတ်တံတိုင်း မှာ၊ သူတို့ နှစ်ဦး နာမည် ကို အများကြီး တွေ့နိုင်တယ်။ 

အမေ အဘိုး နဲ့ အဘွား ကျောင်းထဲ လှူထားတာ ဘယ်လောက်ရှိလဲ လို့ ကျွန်မက မေးတော့ အတော်များတယ်၊ ပြန်ရေမှ ရမယ်။ ဆွမ်းစားဆောင်ကိုသာ ပြန် ပြင် နေ ရ လို့ အာရုံထဲ ရှိနေတာ လို့ အမေ က ဖြေ တယ်။

ဒီနှစ် မိုးများတော့ ဆေးသုတ်ရမယ်၊ ခေါင်ကလည်း မိုး ယို နေလို့ သွပ် လဲ ရမယ် ပြောတယ်၊ တလောက သမီး ပို့တဲ့ ငွေ နဲ့ လုပ် မလား လို့။

ဟုတ် အမေ လုပ် လုပ် လို့ ဖြေရင်း ခေါင်းကို သွက်သွက် ညိတ် ပြ လိုက်ရတယ်။

အလှူရှင်တွေ အဖြစ် ယှဥ်တွဲ ဖော်ပြခဲ့တာ ကို အဘွား ဘယ်လို သဘောထားပါလိမ့် လို့  အမြဲ တွေး တော ဖူးတယ်။ ဘုန်းကြီးကျောင်းက သားအမိ နှစ်ယောက် အိမ် ပြန် လာရင်း ကျွန်မ့ အတွေးကို ထုတ် ပြောမိတယ်။ အမေ ဟာ ခြေလှမ်း တချက် တုံ့ သွားရင်း၊ ကျွန်မကို စူးစိုက် တဖန် ကြည့် ပြန်တယ်။ ဘာကိစ္စ ရှိနေလဲ လို့ အမေ မေးလိုက်ချိန်မှာ ထွေထူး မရှိပါဘူး လို့ လေသံဖျော့ နဲ့ ပြန် ဖြေ တယ်။ ကျွန်မ့တုံ့ ပြန်ချက်ကို အမေ ဘဝင် မကျဘူး။ ဒါပေမယ့် သူ ထပ် မေးဘူး။ ကျွန်မ ရဲ့ မေးခွန်း ကိုသာ ပြန် ဖြေ တယ်။ 

ဘာ သဘောထားရမှာလဲ။ သူ လှူ တယ်။ သူ့ နာမည် ထိုးတယ်၊ ဒါပဲပေါ့။

အမေ ဒီလို ဖြေပေမယ့် ကျွန်မ့ စိတ်ထဲမှာ မကျေလည်ဘူး။ အမေ ဟာ အဘွားနဲ့ တသက်လုံး အတူ နေခဲ့သူ မို့၊ ကျွန်မတို့ တသက်လုံး ကြားလာရတဲ့ ပုံပြင် နောက်ကွယ်က အဘွားရဲ့ စိတ်နှလုံး ကို မြင် ခဲ့ မှာ ပါပဲ။ အဘွား ကို မမေး ရဲ သလို မမေး ရက်ခဲ့တာလည်း ဖြစ်နိုင်တယ်။ 

ဖြူနွဲ့နွဲ့ နဲ့ သဇင်ပန်းလေး လို လှတဲ့ ဘွားသင်းလှိုင် ရဲ့ ပုံပြင်ကတော့ ကြည်နူး ဆွတ်ပျံ့ဘွယ် မဟုတ်တာတော့  သေချာ ပါတယ်။ ငယ်စဥ်က အံ့ဩ စိတ် နဲ့ နားထောင် ခဲ့ရပြီး ကြီးရင့်လာချိန်မှာ ဘဝင်မကျစိတ် နဲ့ ကြားနာခဲ့ရတဲ့ ပုံပြင် ပါ။

******

ဘဝင်မကျစိတ်နဲ့ နားထောင်ခဲ့ရတဲ့ ပုံပြင် ထဲ က ဘွားသင်းလှိုင် ရဲ့  အပျိုရွယ် ငယ်ဘဝကို ကျွန်မ အမြဲလို စိတ်ကူး ပုံဖော် ကြည့်ဖူးတယ်။ မျိုးကောင်း ရိုးကောင်း အလိမ္မာ နဲ့ ပြည့်စုံသူ လေးမို့ ဂုဏ်ရည် သတင်း ကြီး သူလေး ပေါ့။ လူဟန် နွဲ့နွဲ့ အပြုံးလဲ့လဲ့ နဲ့ စိတ်နှလုံး တည်ငြိမ်သူ မသင်းလှိုင်။ ငယ်နုရွယ် မို့၊  သူ မှာလည်း သူ့ ကိုယ်ပိုင် စိတ်ကူးအိပ်မက် ရှိခဲ့မှာပဲ။ သူ့ စိတ်နှလုံး ပုံ အပ် နိုင် တဲ့ တစ်နေရာ ဟာ သီးသန့် ရှိမှာပဲ လို့ ကျွန်မ ယုံကြည် မှတ်ထင် ထားခဲ့တယ်။ အရာ အားလုံး ပျက်စီး စေ နိုင် တဲ့ ကံကြမ္မာ ဟာ ရွာထိပ်မှာ စောင့်နေ လိမ့်မယ် လို့ မိန်းမပျို ကလေး က ဘယ် သိခဲ့မလဲ။

တစ်ရွာလုံးမှာ ယက်ကန်းခတ် အတော်ဆုံး ဖြစ်သူ မသင်းလှိုင် ဟာ ဘုရားကြီး မသိုး သင်္ဃန်း ရက် တဲ့ ပြိုင်ပွဲ မှာ ရွာကိုယ်စား သွား ရ တယ်။ တော်ရုံ နဲ့ အပြင်ထွက်လေ့ မရှိသူမို့ မသင်းလှိုင် မျက်နှာကို မြင်ချင်သူအဖို့ တန်ဆောင်တိုင်ပွဲဟာ အခွင့်အရေးတရပ် ဖြစ်ခဲ့တာပေါ့။ ပြိုင်ပွဲက အပြန် ရွာထိပ်မှာ၊ သူ့ရှေ့က ပိတ် ရပ်ပြီး စကား လာပြောသူဟာ ဘယ်သူမှန်း မသင်းလှိုင် မသိဘူး။ ရုတ်တရက် ထိတ်လန့်သွားပေမယ့် သူ တည်တည်ငြိမ်ငြိမ်နဲ့ ဖယ်ပေးဖို့ ပြောနိုင်တယ်။ သူ တောင်းပန်သား နဲ့ ဇွတ်တိုးကာ သူ့ လက်ကို လာ ဆွဲ ကိုင်ချိန်မှာ ဒေါသ ထွက် ခဲ့ပြီ။ ပုတ် ထုတ်ပစ်ကာ အိမ်ကို အရောက်ပြန်ခဲ့ပေမယ့် မသင်းလှိုင်ဟာ တသက်လုံး အိမ် ပြန်  မရောက်နိုင်တဲ့ လမ်း ကို ဆိုက် တော့တယ်။  လက် အဆွဲ ခံ ရ လို့ သူ့ အမည် ဂုဏ်သတင်း ဟာ ညှိုး ခဲ့လေသတဲ့။ မိခင်ရဲ့ စီရင်ချက်ဟာ ပြင်းလေစွ။ 

သူရို့ အမျိုးကို မကြိုက်လို့  သူ့ အဒေါ် စကား လာ တောက် ထား တာ ကို ငြင်း လွှတ်ထားတာ။ ငါ့သမီး ကို လမ်းမှာ ဆွဲ လား ရမ်း လား လာလုပ်တယ် တိရိစ္ဆာန်လေး။ ဒီတိုင်းတော့ နာမည် အပျက် မခံနိုင်ဘူး။ သူ့ အမေ ကို လာ မြန်းတော့လို့ ပြော လိုက်ပြီ။ 

အဲဒီအချိန်က မသင်းလှိုင် ရဲ့ စိတ် အခြေအနေ ကို ကျွန်မ သိ လို လှ တယ်။ မခံချိ မခံသာ ဖြစ်နေ မယ်လို့  ကျွန်မ ခံစားရတယ်။ ကျွန်မတို့ ဘေး မကြီး ဟာ သူ မကြိုက်တဲ့ အမျိုး အုပ်စုထဲ သမီးအလှကို ထည့် ပေး လိုက်ရအောင်၊ အမည် ဂုဏ်သတင်း ဟာ ဒီလောက်ပင် အရေးကြီး လေ သလား။ အဘွားကလည်း မိခင် က လက်ဆွဲသူကို ယူရမယ် လို့ အမိန့်ချတာနဲ့  စောဒက မတတ်ဘဲ ခေါင်း ငုံ့ လက်ခံ လိုက်ရလား။ သူ ကိုယ်တိုင်ကရော ဒီအဖြစ်ဟာ သူ့ ဂုဏ်ရည် ကို ပျက်စေ တယ်လို့ မှတ်ယူ  လိုက်သလား။ လက် အဆွဲ ခံ ရ ခြင်း ဟာ ကြီးကျယ်တဲ့  မှဲ့ တပေါက် စွန်းချက် ဖြစ် ခဲ့ ရ လေ တယ်။ သမီး မိန်းမပျိုလေး တွေ ဗိုင်းကောင်းကျောက်ဖိ ဘဝ နဲ့အိမ် တွင်းပုန်း စေတဲ့ အဘွား တို့ ခေတ်မှာတော့ ဒီလို ဖြစ် ခဲ့မှာပဲ လို့ ဖြေတွေး တွေး ပေးပေမယ့် ကြားရတိုင်း ကျွန်မ့ စိတ်နှလုံးဝယ် အောင့် မျက် ရ တယ်။ ဒီလို ဖြစ်လာအောင် ဖန်တီးယူခဲ့တဲ့ လူ ကို လည်း ခါးသက် စိတ် ဝင် တယ်။  ဒီ အခံ ကြောင့် ကျွန်မ ဟာ သိတတ်လာလေ အဘိုး နဲ့ စိမ်း လေပဲ။ တို့ အိမ်က မိန်းမတွေ ဟာ ကလေးက အစ အင်မတန် အခြေကြီးတယ် လို့ သူ ခနဲ့ တာကို လည်း မကြားနိုးနား နေ တယ်။

ငွေကြေး ဖူလုံ သူမို့ ရပ် ရွာ ကျောင်းကန်မှာ အလှူဒါန ပြု လေတိုင်း အဘိုးအဘွား အမည် ဟာ ယှဥ်တွဲ လျက်  အမြဲ ရှိခဲ့တယ်။ တမိုးအောက် နှစ်များစွာ အတူရှိခဲ့ချိန် အဘွား ဟာ ဘယ်လို စိတ်နှလုံး နဲ့ နေထိုင်ခဲ့လည်း ဆိုတာ  ကျွန်မ အသိချင်ဆုံးပဲ။ အဘွား ကို မေး နိုင်တဲ့ စိတ် အင်အား ရှိချိန်မှာ ဖြေ မယ့် သူက မရှိတော့။ နှလုံး ရောဂါ ခံစားနေရတဲ့ သူ့ နောက်ဆုံး နေ့ရက် တရက်မှာ အဘိုး ကို စိမ်းစိမ်း တချက် ကြည့် ပြီး မျက်နှာ လွှဲ ကာ သာ နေ တော့ တယ်။  သူ့ နောက်ဆုံး ထွက်သက်အထိ အဘိုး ကို မျက်နှာ ဆိုင် ခြင်း ထပ်မံ မရှိတော့တာလည်း ဘွားသင်းလှိုင် ပုံပြင်မှာ ကျွန်မတို့ တ သ သ ပြောရတဲ့ အခန်းပါပဲ။

မသင်းလှိုင် ပုံပြင် ကို ဘဝင်မကျ စိတ် နဲ့ နားထောင်ခဲ့ရသူ ကျွန်မ ဟာ မစန်းလှိုင် ရဲ့ အချစ်ပုံပြင် ကိုတော့ ချွင်းချက် တခုနဲ့ သဘောတကျ လက်ခံနိုင်ခဲ့တယ်။ 

အဘွားဟာ အမေ ကို ဆရာ အတက်သင် ကျောင်း အထိ ပို့ တော့ သမီး မိန်းကလေး ကို ရေခြား မြေခြား လွှတ် ပြီး ကျောင်း ထား ရ လား လို့ ဆူပူ တဲ့ ဘေးမကြီး ကို စကား တခွန်းမှ မတုံ့တင် ဘဲ သူ့ ဆုံးဖြတ်ချက်ကိုသာ ခိုင်မာ စေ ခဲ့တယ်။  ရွေးချယ် ခွင့် မရတဲ့ အခြေအနေ တခုမှာ သူ ခေါင်း ငုံ့ ခဲ့ ရ ပေမယ့် သူ့ သွေးသား ကိုတော့ ပိတ်ပိတ် ငြိမ်ခံ ဘဝ ဆီ  မရောက်ခဲ့စေဘူး။

ရွယ်တူ သက်တူ တွေကြားမှာ အမေ ဟာ  စည်းကမ်းတကျ နဲ့ အကန့်အသတ် ရှိတဲ့ လွတ်လပ်ခွင့် ရ ခဲ့သူပါ။ ရွာထဲမှာတော့ ခေတ် ဆန် သူ လို့ အမည် ထင်ရှား လေတယ်။  ဖက်ရှင် ကျ သူ လှပ သူ ဖြစ်လေတော့၊ သူ့ အလှ ဓာတ်ပုံဟာ ဆရာအတတ်သင် သွား တက်တဲ့ မြို့ ကြီး က ဓာတ်ပုံ ဆိုင်မှာ ချိတ်ဆွဲ ကြော်ငြာခြင်း ခံရတယ်။ 

ဒီဓာတ်ပုံကပဲ မစန်းလှိုင် ရဲ့ အချစ် ပုံပြင် အစ ပေါ့။

သူ့ အလုပ် နဲ့  မြို့ ကြီး ကို ရောက်နေ တဲ့ အဖေ ဟာ အလုပ်ကိစ္စအတွက်  လိုင်စင် ဓာတ်ပုံ သွားရိုက်တယ်။ ဓာတ်ပုံဆိုင် မှာ ချိတ်ဆွဲထားတဲ့ အမေ ပုံ ကို မြင် တဲ့အခါ ကျွန်တော့် နှမ ပုံ ကို ဒီမှာ ပြ ထား ခွင့် မပေးဘူး ဆိုကာ ဖြုတ်ယူလာခဲ့သတဲ့။ ထပ်ကူး ပြီး မချိတ်ပါနဲ့ မေတ္တာ ရပ်ခံ ခဲ့ တယ်။ 

အဖေ့ နှမ ကျွန်မ့ အဒေါ် တွေ တ သ သ ပြော တဲ့ ပုံပြင် ထဲ မှာ ဒီ ဇာတ်ဝင်ခန်း ဟာ နားဆင်သူ များကို  အသံထွက် အံ့ ဩ စေ ခဲ့ တာပေါ့။

သူ ဓာတ်ပုံ ဖြုတ် ယူ လာ တာ မသိဘူး။  ကျောင်း ကိုလည်း မလာပါဘူး။ အမေ ရွာ ပြန် လာတော့ မှ သူ က နင်တို့ အဘိုး ဆီ လာ လာ  လည် တယ်။ အဘွားကလည်း သူ့ ကို ချစ်ခင် တယ်။ သူ အမြဲ လာနေတော့ အရပ်ကလည်း ရိပ် မိ လာ တာပေါ့။  အဘွားက မေးတယ်။  ငါ့ သမီး စိတ်က လက်ခံ နိုင်သလား တဲ့။ အမေ့ စိတ်က ညွတ် တာ မို့ ဟုတ်ကဲ့ ဆိုမိတာပဲ။ 

အမေ  ကို  မေး မြန်း စူးစမ်း တော့ ဒီလို  အတိုချူံး ဖြတ် လိုက် တယ်။  

ဘယ် က  မလဲ။ အဒေါ်တွေ ဆီ က နားဆင်ထားရတဲ့ အချစ်ပုံပြင် ဇာတ်ဝင်ခန်း လှလှ တွေ ကျန် ပါ သေးတယ်။ ဒီအထဲမှာ ကျွန်မ အစွဲငြိဆုံး အကွက်လေး ကို ဖြင့် ပြော ပြ ချင်ပါသေးတယ်။

ခရီး ဝေး အလုပ်ကနေ ပြန်ရောက်ရောက်ချင်း မစန်းလှိုင် အလုပ် တာဝန် ကျ တဲ့ တောင်တန်း တစ်ဘက်က ရွာဆီ တောင်ကျော်လမ်း က နေ သွား တဲ့ သူ့ ချစ်သူ အကြောင်း ပေါ့။   မိုး ချုပ် မှောင် ရီ  အချိန်မှာ တောင်ကျော် လမ်း မှောင် မှောင် ထဲ၊ သူ ချစ်ရသူ နေထိုင်ရာ အရပ်ဆီ တစ်ယောက်တည်း ချီ တက်သွား တဲ့ လူရွယ် လေး ကို  ပုံ ဖော် ကြည့်ရင်း ကျွန်မ နှုတ်ဖျား ကို ‘သမုဒ္ဒရာ ခြားလည်း သူ့ရည်စား ရှိရာ ဆီ……’ အစချီ တဲ့ ခေတ်ဟောင်း သီချင်း တပိုင်းတစ  ရောက်လာခဲ့တယ်။ ဟိုဘက်ရွာ ကို ရောက် ချိန် သန်းခေါင် တိုင် နေပြီ။ မီး များ ငြိမ်း လို့ သူ့ မိန်းကလေး ဟာ အိပ်ပျော် နေ ခဲ့ ပြီ။ မနက် လင်း လို့ ကျောင်း သွားချိန်မှာ သူ့ ချစ်သူ ဆရာမလေး မျက်နှာ ကို  အဝေးက လှမ်း ကြည့် ကာ ကျေနပ် နှစ်သိမ့် တတ်သူ ဟာ ကျွန်မ ဖခင် ဖြစ်လို့ ဒီ ပုံ ပြင် ကို တော့  လှိုက်လှဲ စိတ် နဲ့ ထပ်ခါ ထပ်ခါ နား ထောင် ချင် မိ တယ်။ 

အဖေ ခရီး ဝေး ထွက်သွားချိန်မှာ အတုအယောင် သီချင်း ကို ထပ် ကျော့ ဖွင့်ကာ လွမ်း တတ် လေ သူ အမေ အကြောင်းကလည်း  ကျွန်မတို့ကို ကျေနပ် ပြုံး ပြုံး စေ ပါ တယ်။

ချွင်းချက် ကတော့ အမေ မသိဘဲ ပိုင်စိုးပိုင်နင်း ဖြုတ်ယူလာခဲ့ တဲ့ ဓာတ်ပုံ ပဲ။  အမျိုးသမီး တဦး ရဲ့ ပုဂ္ဂလိက ဘဝ ကို အခွင့် မရှိ ဘဲ ကျူး ကျော် တယ် လို့ ကျွန်မ မြင် မိ လို့ပဲ။ အိမ် နံရံမှာ ချိတ်ထားတဲ့ အဲဒီ ဓာတ်ပုံ ကို  ကြည့်လေတိုင်း ဒီ အတွေး ကို မဖျောက်နိုင်ခဲ့ဘူး။ ကျွန်မ ချစ်ခင်တဲ့ ဖခင် ဖြစ် စေ အုန်းတော့ ဒီချွင်းချက် ကိုတော့ မေ့ မပစ်နိုင်ဘူး။ အ မေ က တော့ ဓာတ်ပုံထဲမှာ အလှဆုံး ပြုံးနေ လေရဲ့။

ဘုန်းကြီးကျောင်းက ပြန် လာချိန် ငေါ့ သံ မကြားရဘဲ သူ့အိမ်သူ ကို နှိပ် ပေး လေ တဲ့ ဘဝ ခရီးဖော် ကို ခင်ပွန်းသည် အဖြစ် အမေ ရေစက်ဆုံခဲ့ရပါတယ်။ အမေ့ ဘဝ နေညို ချိန်တွေမှာ တမိုးအောက် အတူ ယှဥ်လျက် နေခဲ့သူ ကို ချစ်ခင်လေးမြတ် သော မျက်ဝန်းများနဲ့သာ ကြည့်မှာ မို့၊ ဒီချွင်းချက် ကိုတော့ မေ့ ပစ် သင့်တယ် လို့ ဘာသာ တရား ချ ရတယ်။ 

သဇင်ပန်း လေး လို ဖြူနွဲ့နွဲ့ လှပတဲ့  မသင်းလှိုင် ရော၊ ခေတ်မီမီ ဖက်ရှင်ကျကျ ချောမောတဲ့ မစန်းလှိုင် ပါ၊ တခြားသူ တစ်ဦး ဖန်တီး ယူ လိုက် တဲ့ ဇာတ်လမ်း ဇာတ်ကွက်ထဲ ဝင်ရောက် က ပြ လှုပ်ရှား ခဲ့သူများ၊  တခြားသူ တစ်ယောက် ရဲ့ ဇာတ်စီးမှု အောက်က မင်းသမီး များ လို့ ကျွန်မ က မှတ်ချက် ချ ခဲ့ ဖူး တယ်။

သူတို့ကို မှတ်ချက် ပြု ခဲ့သူ ကျွန်မ့ ပုံပြင်ကရော ကျွန်မ ကိုယ်တိုင် ဖန်တီးတည်ဆောက်ထားတာ မှ ဟုတ်ပါရဲ့လား။ လုံးလုံး မဟုတ်ခဲ့ဘူး။ သူတစ်ဦး ဖန်တီး ထားတဲ့ လှည့်ကွက်တွေ ထဲ အစင်းသား ဝင်ရောက်သွားခဲ့ ခြင်းပါ။

နှောင်းလူတွေ ကို ပြောပြကောင်း ပြော ပြ မယ့် ကျွန်မ ပုံပြင်ကတော့ မုန့် ဟင်းခါးနဲ့ အစ ပြု ပါ တယ်။


******  

အိမ် ရှေ့ က ခြံဝင်း တံခါးမှာ လာ ချိတ် သွားတဲ့ မုန်ဟင်းခါး ထုပ်ကလေး ဟာ ကျွန်မ့ ပုံပြင် ရဲ့ နိဒါန်း ပါ။ ကျွန်မ့ စိတ်နှလုံး ကို ဆွဲ  ယူ သိမ်း ခဲ့ တဲ့ လက်နက် လို့ လည်း ဆို နိုင် တယ်။

ရုံး ပိတ်ရက် မတိုင်ခင် ည တွေမှာ  ညလုံးပေါက် စာဖတ် ရုပ်ရှင်ကြည့် တတ်သူ အဖို့ နောက် တနေ့ မနက် အိပ်ယာ ထ ချိန်မှာ ကျွန်မ မနက်တိုင်း စားနေကြ မုန့်ဟင်းခါး ဆိုင် ဟာ အိုး မှောက် နေ ပြီ။  သီးခြား နယ်မြေ အလုပ်ခွင် ဖြစ် လို့ မြို့ ရွာ နဲ့ က လည်း မနီးတော့ တခြား ဆိုင် မရှိ။ သက်သာဆိုင်က လက်ဖက်ရည် ကိုသာ အားကိုးရာ အဖြစ် မှတ် ယူရတယ်။

ရုံးဖွင့်ရက်တွေမှာ မနက်တိုင်း မုန့်ဟင်းခါး စားနေရပြီး၊  အားလပ်ရက် ဆို အိပ်ယာထ နောက်ကျလို့  မစားရခြင်း ကို တစ်စုံတစ်ယောက် ဟာ သိ နေ ခဲ့ တယ်။  တပတ် မက နှစ်ပတ် သုံးပတ် ဆက်တိုက် ဖြစ်လာတော့ ဘယ်သူလဲ ဆိုတာ  ကျွန်မ သိချင်လာခဲ့ ပြီ။  ဘေးဘီက လည်း မြင် ဖို့ သိ ဖို့ မလွယ်ကူဘူး။  ဒီအလုပ်ခွင် ကို  တဆင့်ခံ ကန်ထရိုက် အလုပ် နဲ့ ကျွန်မ က ယာယီ လာနေရသူ။ ကျွန်မ ကို နေခွင့် ပြုထားတဲ့ ဧည့်သည် အဆောင် တွေ ဟာ  အမြဲနေ ဝန်ထမ်းအိမ်ယာ နဲ့ သီး ခြား ဖြစ်နေ တာ။ ရံဖန်ရံခါ  ပြင်ပ ပညာရှင်တွေ အရည်အသွေး စစ်ဆေးသူ တွေ  ဘေး အဆောင် ကို ခဏတဖြုတ် ရောက်လာ တတ်တာပဲ ရှိတယ်။ သိလိုစိတ် သာ ရှိတယ်။ ထ ချောင်း ကြည့်တာ မျိုး၊ အနီးနား ဝန်းကျင်ကို မေး မြန်းတာမျိုးကိုလည်း လုပ်ချင်စိတ်က မရှိပြန်ဘူး။ 

ဒုတိယ အပတ်က စ လို့ အဝါရောင် ကပ်ခွာ မှတ်စု စက္ကူ  လေး တခု မုန့်ဖတ်ထုပ် မှာ ကပ် လျက် ပါ လာတယ်။

ဒီနေ့ အိုး ဘဲဥ မရဘူး။  ဆောရီး… တဲ့။

ကျွန်မ အသံ ထွက် ရယ်မော မိတယ်။ နောက် အပတ် တွေမှာလည်း မှတ်စု စက္ကူ ပေါ်မှာ အတို အစလေးတွေ ရေးထားတာ ပုံစံ အမျိုးမျိုး။ ဘာလို့ ကြက်သွန်နီဥ မစားတာလဲ၊  ဒီနေ့ ငှက်ပျောအူက ရင့်တယ်၊ များများ မစားနဲ့၊ အင်ဂျင်နီယာဌာနက ပွဲမှာ မမြင်ပါလား၊ မနေ့ က ကွင်းထဲ မိုးမိ ထားတာ အအေးမိနေလား … စသဖြင့် အတိုအထွာလေးတွေ။ 

အလို… အဝါရောင် မှတ်စုလေးတွေ ဟာ ပန်းပွင့်များ အဖြစ် ပြောင်းကာ ကျွန်မ စိတ်နှလုံး ဝယ် ပန်းခင်း ဖြစ် လာပါရောလား။ မနက် နိုးထလာချိန်မှာ အဝါရောင် ပန်းပွင့်တွေကို စိတ်ကူးအာရုံမှာ ဦးစွာ ထင်ဟပ်လာပြီး ရွှင်ကြည်စွာ ပြုံးတယ်။ အိပ်ပျော်လုချိန် အမှတ်သညာ ဟာ အဝါရောင် ပျော်ရွှင်မှု ဆီမှာ အဆုံးသတ်တယ်။

အရေးမပါတဲ့ အသေးအဖွဲ စကားစမြည် ပြောဆိုခြင်းဟာ လူသားချင်း ဆက်ဆံရေး မှာ ဘယ်လောက် အရေးကြီး လိုက်သလဲ။ ကျွန်မ ကို အဘယ် ကဲ့ သို့  ချစ်ခင် စွဲလမ်းကြောင်း သာ ရေး ခဲ့ရင် ကျွန်မ စိတ် နှလုံး ဒီလောက် ညွတ်နူး ခဲ့မှာ မဟုတ်ဘူး။  သူ ဟာ ပါးနပ်သူ တစ်ဦးပါ။ ကျွန်မ ရဲ့ အခြေခံ စိတ် ကို မြင်တယ်။ ဒီလို မြင်တတ် သိတတ် ခဲ့ သူ မို့၊ သူ အေးခဲ လာချိန်မှာ ကျွန်မ ပိုမို နာကျင်ရတာပါပဲ။ သူ့မှာ မြင်လိုစိတ်  ပျောက်ကွယ် သွားခဲ့ပြီ ဖြစ်ကြောင်း ထင်ရှားစေတာ ကိုး။

မှတ်စုတို ပေါ်က သူ့ လက်ရေးကို မှတ်မိတာကြောင့် လုပ်ငန်းခွင်ထဲက ဆက်စပ် နေတဲ့ လူ တွေ ရဲ့ လက်ရေး ကို အမြဲ သတိထားကာ ရှာ မိ တယ်။  ကွန်ပြူတာ နဲ့ အလုပ် လုပ်တဲ့ ခေတ်မှာ လူသား တစ်ဦးရဲ့ လက်ရေး ဟာ ရှားပါးကုန် ဖြစ်လာတာ က ခက်တယ်။  ရှာ နိုင်တဲ့ အခွင့် အလမ်း  နည်းပါး တယ်။ တခါတရံ စာရွက်စာတမ်း တွေ ပေါ်မှာ မှတ်ချက် ချ တဲ့ လက်ရေး တွေကလည်း မြန်မာ စကားလုံးတွေ မဟုတ် ပြန်တော့ တိုက်ဆိုင် စစ်ဆေး ခွင့် ဟာ မရှိပြန်ဘူး။ ကိုယ့် တစ်ယောက်တည်း ဗျာများ နေ တာကို၊ ဘာသာ လှောင် ရယ် နေ မိပြီး ‘မမြင်ဖူးခင်က မေ့ မှာ ဖြင့် ရူးပြီ မောင်’ ဆိုတဲ့ စကား ကို ပဲ အခါခါ ရွတ် ရ တယ်။ ကျွန်မ တွယ်ငြိခဲ့ပြီ။ 

တဆင့်ခံ ကန်ထရိုက် အလုပ် ခြောက်လ ပြီးချိန် အထိ သူ ဟာ ကျွန်မ ရှေ့ ရောက် မလာဘူး။ အဝါရောင် မှတ်စု စာရွက်လေးတွေ ထည့် သိမ်းထားတဲ့ ရုံးသုံး အညိုရောင် စာအိတ် ရှည် ကို ကျွန်မ ခရီးဆောင် သေတ္တာထဲ ထည့် သိမ်းကာ မူရင်း အလုပ်ခွင် ဆီ ပြန်ခဲ့ရတယ်။ ရှုလေရာ ပြောင်တလင်း ဖြစ်နေတဲ့ ကွင်းပြင်ကျယ် နယ်မြေ မှာ ပျော်ရွှင်မှု ပန်းပွင့် အဝါတွေ ဖူးပွင့်ခဲ့ခြင်းဟာ လှပတဲ့ အမှတ်တရ အဖြစ်သာ ကျန် ခဲ့တော့ မယ် လို့ စိတ် ဒုံးဒုံးချ ကာမှ  ကျွန်မဆီ သူ ဆိုက်ဆိုက် မြိုက်မြိုက် ရောက် လာ ခဲ့တယ်။ ကျွန်မ့ ပုံပြင်ဟာ တဖန် သက်ဝင် လှုပ်ရှား လာ ပြန်တယ်။

သူတို့ စီမံကိန်း လုပ်ငန်းခွင် နဲ့ ကျွန်မ မူလ အလုပ်ဟာ အမြဲ ဆက်စပ်နေတာကြောင့် စက်ပစ္စည်း အသစ် တခု ရောင်းအပြီး၊ နည်းပညာ မွမ်းမံ သင်တန်း ပေးချိန်မှာ သူ ရုတ်တရက် ကိုယ်ထင် ပြ လာ တယ်။

သင်တန်း ခေတ္တ အားလပ်ချိန်မှာ ကျွန်မ စားပွဲ အနားကို လူ တစ် ယောက် လာ ရပ် ပြီး၊ ကျွန်မ ဖြန့် ဝေထားတဲ့  စာရွက်တွေ ကို လာ တင် တယ်။  အဝါရောင် ကပ်ခွာ မှတ်စု စာရွက် လေး ကပ်  လျက်……..။  ‘ခုနက ပြောသွားတာ မရှင်း လို့ မေးစရာ ရှိပါတယ်’ တဲ့။

ကျွန်မ မှတ်မိ တဲ့ လက်ရေး ကို တဖန် မြင်ရချိန် ‘ဟင် ဒီလက်ရေးပဲ’ လို့ မတွန့်မဆုတ် ပြော ချ လိုက်ပြီး ဘေးမှာ လာရပ် နေ သူ ကိုလည်း  စူးစူးစိုက်စိုက် ကြည့်လိုက်တယ်။ သူ ကိုး။ လုပ်ငန်းခွင်မှာ တိုက်ရိုက် မဆက်ဆံဖူးပေမယ့် မြင်ဖူးနေတဲ့ လူ ပါ ပဲ။ သူ ပြုံးနေတယ်။ သူ့ ဗျူဟာ အောင် မြင်လို့ ကျေနပ် နေ တဲ့ အပြုံး လို့ နောက်တော့မှ ကျွန်မ သရုပ်ခွဲ မိတယ်။ ဒီလက်ရေး ပဲ လို့ အသံထွက် ကတည်း က ပွဲ ပြတ် နေ ပြီ။ မရှုမလှပါပဲ။

ကျွန်မ့ နာမည် ကို အများတကာက ဇင်မာ၊ မဇင် စသဖြင့် ခေါ် ကြ ပြီး သူ တစ်ယောက်တည်း ကသာ မာ လို့ သုံးစွဲတာ ကို တအံ့တဩ နဲ့ နှစ်ခြိုက် ခဲ့ရကြောင်းကိုလည်း ဇင်မာလှိုင့် ပုံပြင် ထဲ ထပ် ထည့် ရပါမယ်။

သူ့ ဘဝ အတွက် သူ့ဘာသာ ကြိုးစားနေခဲ့တာကို ဟိုတုန်းကတော့ ကျွန်မ အနား နီးနီးကပ်ကပ် ရှိချင်လို့ သူ အားထုတ် နေတာလို့ ထင်မှတ်မှား ခဲ့ဖူးပါတယ်။ သူ့ ဘာသာ စ လုပ် တဲ့ ကိုယ်ပိုင် အလုပ်ဟာ ကျွန်မ နဲ့ ဆက်စပ်နေတော့၊ တခါတလေမှ တွေ့ ရတဲ့ အခြေအနေ ကနေ ရက်ဆက် ကြုံ ဆုံ နိုင်တဲ့ ကာလ တခုဆီ ရောက်လာတယ်။ လုပ်ငန်းခွင် နယ်ပယ် တူတော့ သူနဲ့ ကျွန်မ ကို၊ အမြဲလိုလို တွဲ  မြင်  လာကြတယ်။ ကျွန်မ ကို မြင်ရင် သူ နေကောင်းလား၊ ဘာလုပ်နေလဲ မေးကြသလို သူ့ လည်း ဒီအတိုင်း ထပ်တူ စူးစမ်းကြတာပဲ။

ဆယ်စုနှစ် တစ်ခုကြာ ဆက်ဆံရေးဟာ နှစ်ဘက်မိဘ ဆွေမျိုး အသိုင်းအဝိုင်း  အပြန်အလှန် သိ နေကြ ပြီး လက်ခံ ထားတဲ့ အနေအထားပါ။ ကျွန်မ ရွာကို သူ လိုက် လာ ဖူး သလို သူ့ မိဘအိမ်နဲ့ ကျွန်မ ကျွမ်းဝင်ပါတယ်။ ဒီတော့ လှ တဲ့ ပုံပြင် အဖြစ် အဆုံးသတ် လိုက် ဖို့သာ ကျန် ရှိတော့တယ် မဟုတ်လား။  

နွေးထွေးလှပ တဲ့ ပုံပြင်ဟာ ငြိမ်သက် အေးခဲ ခြင်းဆီ ဘယ်လို ဆိုက်ရောက်စေခဲ့လဲ။ ကျွန်မတို့ နှစ်ဦး ကြားမှာ အရေးမကြီးတဲ့ အသေးအဖွဲလေး တွေ ပြောဆိုခြင်း ရပ်တန့်သွားတာဟာ အေးစက်ခြင်း အ စ ပါပဲ။ တစစ ပြောင်းလဲခြင်း ကို သတိမမူလေတော့ အချိန် တခု လွန်မြောက်ချိန်မှာ အနေအထား တရပ်ဟာ ပြောင်းခဲ့ပြီ။ ပြောခဲ့ဖူးပါတယ်။ ကျွန်မဟာ ဘယ်အရာ ကို ဘယ်လို စိတ်အခြေ နဲ့ ခံစားတတ်ကြောင်း၊ ဘယ်လို ပြုမူချက် ကို ဘယ်လောက် ကဲကဲ ဆတ် ကြောင်း ကြိမ်ဖန် များစွာ ပြောခဲ့ပါတယ်။ အရင်ကတော့ သူ ကြားခဲ့တယ် လို့ ခံစား သိ မှတ် ခဲ့တယ်။

သူ့ အလုပ် အောင်မြင်မှုတွေ၊ အခက်အခဲတွေ သူ ဖောက်ခွဲ သမျှ၊ ကျွန်မက စိတ်ပါဝင်စားမှု အပြည့်နဲ့ နားထောင် ခံစား ပေးတယ်။ ကျွန်မ ကလည်း ကိုယ် ဖွင့်ထားတဲ့ နည်းပညာ သင်တန်းကျောင်း အခန်းငှားခ စျေးကြီးလို့ ရပ်တော့မယ့် အကြောင်းက အစ၊ ကျွန်မ လုပ်မယ့် အလုပ်အသစ် အကြောင်း၊ အမေ ပင်စင် ယူတဲ့ကိစ္စ နဲ့ နေ့စဥ် ဘဝ အတိုအထွာတွေပါ မကျန် ပြောနေ ခဲ့ သေးတယ်။ 

ကျွန်မ ဝမ်းနည်းနေရင် ဝမ်းမြောက်ခဲ့လျှင် သူ့ ကိုပဲ အရင်ဆုံး ပြောချင် စိတ်ဟာ ကာလတခု အထိ ရှိနေဆဲ ပါ။ စိတ်ကို မျှဝေ တဲ့ အဦးဆုံး လူသားအဖြစ်နဲ့ မှတ်ထင် စွဲယူ ခဲ့ပါတယ်။ သူက ကျွန်မ အသံ ကိုသာ ကြားပြီး ကျွန်မ စကား ကို မကြားမှန်း ရိပ် မိ လာတဲ့အခါ ဝေမျှ ပြောဆို ချင်စိတ် ခမ်းသွားတယ်။

သေးသေးဖွဲဖွဲ ပြောဆိုခြင်း ဟာ ကျွန်မအတွက်တော့ အင်မတန် အရေးကြီးပါတယ်။ စိတ်နှလုံး နီးကပ်စွာ တည်ရှိခြင်းရဲ့ သရုပ် မို့ပါပဲ။ သူ နဲ့ ကျွန်မ အကြားမှာ ဒီ ဆက်နွယ်မှုဟာ ပျောက်ဆုံးခဲ့ပါပြီ။ တချိန်က အဝါရောင် မှတ်စု စာရွက်တိုလေးများကို ပြန် မြင် ယောင်ကာ ကျွန်မ ဝမ်းနည်း မျက်ရည် ကျ ပါ တယ်။ ပျော်ရွှင်မှု အဝါဟာ ဘယ်အချိန်က မှိန် ဖျော့ သွား ခဲ့ ပါလိမ့်။

ဇင်မာလှိုင် ပုံပြင် ရဲ့ လွမ်း ခန်း ဟာ အချိန် သိပ် မကြာလိုက်ဘူး။ ကျွန်မ ကိုယ်တိုင် က အလုပ်များသူ လှုပ်ရှား တက်ကြွသူပါ။ ကာလ အပိုင်းကလေး တခု အရောက်မှာ ကျွန်မ သူ့ဆီ ဖုန်း မဆက်မိတာ တော်တော် ကြာနေ ပြီ ဆိုတာ ရုတ်တရက် သတိပြုမိတယ်။ ကျွန်မ မေ့ ပျောက် နေ ခဲ့ပြီပဲ။ ကျွန်မ့ စိတ်နှလုံး ဟာ အစိမ်း လု ပြီ။

ကျွန်မ ရဲ့ နေ့စဥ်ဘဝ၊ ကျွန်မ ရဲ့ ခံစားချက်၊ ကျွန်မ ရဲ့ ရှေ့ ဆက်မယ့် ဘဝ ခရီး အကြောင်းတွေ ကို သူ့ ကို ပြောဆိုလိုစိတ် အပြီးတိုင် ခမ်း ခြောက် သွား ပြီပဲ။ ကျွန်မ့ ပုံပြင် ကို အဆုံးသတ် သင့် တဲ့ အခါ ဆိုက် ရောက် ခဲ့ ပြီ။

ရုတ်တရက် အမေ့ ကို တွေ့ချင် တာနဲ့ ရွာ ဆီ ထ ပြန် ခဲ့တယ်။ 

******
မြင်ကွင်းကို အစိမ်းရောင် လွှမ်းထားတယ်။ အပင်စိမ်းတွေဟာ တောအုပ်လေး ပမာ ညို့ လျက်။ သစ်ရွက်စိမ်းတို့ သိပ်သည်းတဲ့ အပင်အောက် နားနေ ခုံတန်းရှည် မှာ ကျွန် မ ဖြေလျော့လျော့ ထိုင်နေပြီး အစိမ်းရောင်တွေ ထဲ စိမ့် ဝင် မျောပါနေတယ်။ စိတ်နှလုံး တိုင် ဝင် လာတဲ့ စိမ်းရိပ်ရောင် တွေပါလား။ ပျော်ရွှင်မှု အဝါဟာ ဘယ်အချိန်က ပျောက်ကွယ်သွား ခဲ့ပါလိမ့်။ သတိပြုမိ ချိန်မှာ အစိမ်း ဖောက်ခဲ့ပြီ။

ကောင်းကင် ကို မော့ကြည့် အခိုက် သစ်ရွက်စိမ်းတွေ ကြားထဲ နေခြည် အလင်းတပေါက် ယို ဆင်း လာတာ တွေ့ လိုက်ရတယ်။ လက်ကနဲ တချက် အလင်းစူး သွားတော့ ကျွန်မ မျက်လုံးတွေကို ခဏ မှိတ် ပစ် လိုက်ရတယ်။ မျက်ရည်ပူ ကျ ချင် လာတယ်။ ကျွန်မဆီ လျှောက်လာတဲ့ အမေ ကို မြင်တော့  ကိုယ် ဟန် မတ် ကာ နေရာ ဖယ် ပေး လိုက်တယ်။ အမေ နဲ့ သေချာ စကား ပြောဖို့ အလှူ ပြီးချိန် အထိ စောင့်ဆိုင်းနေ ခဲ့ရတာ။

ဖွင့် ပြော ပြော ချင်း အမေ က တား ပါ တယ်။

သေသေ ချာချာ ပြန် စဥ်းစားဦး၊ စိတ်ထင်ရာ မလုပ်နဲ့ ဇင်မာ။ ဒီလောက် နှစ် ကြာအောင် တွဲ ပြီးအကုန်လုံး သိနေခဲ့တာ ဆိုတော့လေ။ မောင်စိုးဟန် နဲ့ ညှိ နှိုင်း ကြည့် ပါ။

မိခင် တစ်ယောက် အမြင်ကတော့ ဒီအတိုင်း ရှိမှာပဲ။ ဘေးမကြီး သာ သိရင် တခါတည်း အသက် ပျောက် နိုင်ပါတယ်။  လက် ကလေး အဆွဲခံ ရရုံ နဲ့ အမည်နာမ ထိခိုက် ပွန်းပဲ့ လေပြီ ဆိုကာ
မိန်းမပျို တစ်ယောက်ရဲ့ ဘဝလမ်းကြောင်း တစ်ခုလုံး ပြောင်းပစ် စေ ခဲ့တဲ့ အမျိုး ကိုး။ ကျွန်မ နဲ့ သူ့ အကြားက ဆက်ဆံရေး ဟာ လက်ကိုင်ရုံ ဘယ် က မလဲ။ တစ်နေ့ ဘဝ ခရီးအဖော် ဖြစ်လာကြမှာ မလွဲဘူး လို့ သတ်မှတ်ခံထားရတဲ့ သူ နှစ်ဦးလေ။ ကျွန်မ  မြင် သိ နေပါတယ်။ ဆယ်စုနှစ် တစ်ခု စာ အတူ ယှဥ်တွဲ မြင် ခဲ့သူများ ရဲ့ ဒလစပ် ပြောဆို စူးစမ်း ခြင်း အတွက် ကျွန်မ ပြင်ဆင်ထားရတော့မယ်။

မောင်စိုးဟန် ကို ရော ပြောပြီးပလား။ သူ့ သဘောက ဘာတဲ့လဲ။

သူကတော့ လူကောင်းသူကောင်း ဖြစ်ချင်သူမို့ နဂို နေမြဲ ကို  ဦးစားပေး ရွေးချယ် မယ့် သူ လေ။ သူ့ ဘာသာ အေးခဲလာတာကို သတိ မပြုမိတာလား။ သူ့ ဘာသာ သိပေမယ့်  ရိုး အီလာတာ ဟာ ဖြစ်မြဲ ဓမ္မတာ မို့ မသိလိုက် မသိဖာသာ နေ နေ သလား။ သူကတော့ စ တင် ပြီး ထုတ်ဖော် ပြောဆိုမယ့် သူ မဟုတ်ဘူး။

မပြောရသေးဘူး အမေ။ ဒီက ပြန်မှ ပြောမယ် စိတ်ကူးထားတယ်။

ကျွန်မကကော ဘာ ကို အလေးပေး ဆုံးဖြတ်သူလဲ။ ဆင်ကန်းတောတိုး ရူးမိုက်စိတ်နဲ့ ဆုံးဖြတ်ကာ အသေးအဖွဲ ကို ပုံကြီးချဲ့ ပြသနာ ရှာ သူ လား။ မဟုတ်လိုက်လေ။ လူသားနှစ်ဦး ဆက်ဆံရေးမှာ နှုတ်က ထုတ်ဖော် ပြော ပြ နေ စရာ မလို တဲ့ စိတ်နှလုံး ဆက်နွယ်မှု ကြိုးမျှင် ရှိတယ်။ ချည်နှောင်တဲ့ ကြိုး ဟာ ကျွန်မ ဘက်က  ပြတ်ခဲ့ပြီ မို့ ဒီ ပုံပြင်ကို ကျွန်မ ကသာ အဆုံးသတ် မှာပါ။ သူ့ ဘက်က ပြတ် ခြင်း မပြတ်ခြင်း ကို ကျွန်မ စိတ် မဝင်စားတော့ပြီ။ 

ဆယ်မိုး ဆယ်နွေ လက်တွဲခဲ့ဖူးလို့ ကျွန်မ ရဲ့ အမည်နာမ ပွန်းပဲ့ တယ် ဆိုရင်လည်း ကျွန်မဟာ ကျွန်မ ဖြစ်ခြင်း မှ ပွန်းပဲ့ ခဲ့တာ မဟုတ်ဘူး။ ကျွန်မ စိတ်နှလုံး အကြည် ဓာတ်က သာ တ ဖြည်း ဖြည်း ပဲ့ ကြွေ သွား တာပါ။ အများတကာ ဝေဖန် ပြောဆို ခြင်းကို ထိတ် ရုံမျှနဲ့တော့  ကျွန်မ မလျှောက်လိုသော လမ်းကို ဇွတ် တိုး ခြေ မ ချ နိုင်တော့။ ဘွား သင်းလှိုင် ရဲ့ မျက်လုံးစိမ်းတွေ ကို ကျွန်မ မမေ့ ဘူး။

နှောင်းလူတွေ ဟာ ကွဲ ပြားသော ပုံပြင်ကို နားထောင်ကြပါစေ။  ကျွန်မ ကိုယ်တိုင် ဖန်တီး တည်ဆောက်သော ပုံပြင် ဟာ ရှိလာဦးမှာပါ။

(မြယာ)
၂၀၁၉၁၀၂၁
ည ၈ နာရီ ၂၉ မိနစ်

Wednesday 21 June 2017

ပန္းႏြယ္ျဖစ္လွ်င္… ပန္းႏြယ္ျဖစ္စဥ္

(၁)

ျမဴျပာျပာေၾကာင္႔ အေဝးက ေတာင္တန္းေတြကုိ ထင္ထင္ရွားရွား မျမင္ရဘူး။ တိမ္တုိက္ ပါးလ်လ် ဟုိတကြက္ ဒီတကြက္နဲ႔ ေကာင္းကင္ဟာ မၾကည္စင္လွဘူး။ ေလ တခ်က္တခ်က္ တုိက္လာရင္ ေအးသလုိလုိ ရွိေပမဲ႔ ဝင္းပတဲ႔ ေနေရာင္ျခည္ ေၾကာင္႔ ေႏြးေႏြးေထြးေထြး ရွိတယ္။

စုိက္လက္စ အပင္ေျခရင္းမွာ အျပီးသတ္ ေျမဖုိ႔လုိက္ျပီး ကဲ.. ပန္းႏြယ္ႏွင္းဆီေရ ဒီေနရာမွာ ရွင္သန္မယ္ မဟုတ္လား လို႔ ရုိ႕စ္ က ဆုိတယ္။ ျပီးေတာ႔ ေရ နည္းနည္း ျဖန္းလုိက္တယ္။ ကၽြန္မ က ရုိ႕စ္ ရဲ႕ က်စ္ဆံျမီး တုတ္ခဲခဲေပၚမွာ ထုိးစုိက္ပန္ဆင္ထားတဲ႔ ပန္းရုိင္းနွင္းဆီခက္ကုိ ေငးေနျပီး အေတာ္ၾကာေတာ႔မွ ဘာ အထိမ္းအမွတ္ ေျပာရမလဲ လုိ႔ ေမးလုိက္တယ္။

မနက္က သီးမစ္လြင္ျပင္ဘက္ ဆင္းတဲ႔ ကားလမ္းနံေဘးက ေတာရုိင္းနွင္းဆီရုံက အပင္တခ်ိဳ႕ ကုိ ကၽြန္မတုိ႔ သြားတူးလာခဲ႔ၾကတယ္။ သဘာဝအေလ်ာက္ ေပါက္ေရာက္ေနတဲ႔ ႏွင္းဆီေတာၾကီးဟာ လွလုိက္တာ။ သမ အေအးပုိင္းရာသီေၾကာင္႔ ပြင္႔ဖတ္ ပြင္႔ခ်ပ္တုိ႔ရဲ႕ အေရာင္အေသြးဟာ ေတာက္ေတာက္ပပ ရႊန္းစုိလ်က္။ အရြက္အခက္ တုိ႔ဟာ စိမ္းျမျမ။

အိမ္ေရာက္ေတာ႔ အမုိးခုံးကေလးနဲ႔ ပန္းရုံလုပ္မယ္ ဆုိကာ အရုိင္းပင္ကုိ ပုံသြင္းရန္ ၾကံ ၾကေရာ။ သူ ချမာ လြင္ျပင္ထဲ လြတ္လြတ္လပ္လပ္ ရွင္သန္ေနရာက လူတုိ႔ လက္ ေစာ္ နံ ကာမွ  ၾကိဳးနဲ႔ အခ်ည္အေႏွာင္ ခံလုိက္ရတယ္။ ပုံေဖာ္ထားတဲ႔ လမ္းေၾကာင္းအတုိင္း ႏြယ္ ရစ္ ပတ္ ကာ ၾကီးျပင္းရွင္သန္ လာရေတာ႔မယ္။ ကၽြန္မတုိ႔ဟာ  ျပဳျပင္စီရင္ျခင္းကင္းတဲ႔ အလွကုိ အလုိမရွိသူေတြလား။ ပုိမုိ တင္႔တယ္လွပေစရန္ ရည္ရြယ္ရင္း နဲ႔ တုပ္ေႏွာင္ျခင္းကုိ ျပဳသူမ်ားလား။

‘ဘာ အထိမ္းအမွတ္မွ မဟုတ္ဘူး။ က်ေနာ္႔ျခံထဲ ဒီပန္းပင္ ရွိေစခ်င္လုိ႔ပဲ။ မစု ဘာေျပာခ်င္ေနလဲ က်ေနာ္ သိတယ္။ ျပီးသြားျပီ မစု။ က်ေနာ္ ေအးေဆးပဲ။’

ရုိ႕စ္ ဒီလုိ သက္ေတာင္႔သက္သာ ေျပာႏုိင္ဖုိ႔ အခ်ိန္ ဘယ္ေလာက္ ၾကာလုိက္ပါလိမ္႔။ တစ္လ လား။ ႏွစ္လ လား။ တေလာက သူကေလး ခ်စ္ေရးခ်စ္ရာေၾကာင္႔ အလူးအလိမ္႔ ျဖစ္ေနေတာ႔ ဒီတၾကိမ္ ျပန္ မတ္ လာဖုိ႔ ၾကာျမင္႔မယ္ ထင္ေနခဲ႔တာ။ ျပင္းထန္တဲ႔ စိတ္ခံစားခ်က္တခုဟာ အလြန္ဆုံး သုံးလပဲ ခံတယ္လုိ႔ ကၽြန္မ ၾကားဖူးတယ္။ ဟုတ္မယ္ ထင္ပါရဲ႕။

‘ဒါဆုိလဲ ပုိ၍ လွပပြင္႔လန္းတဲ႔ မႏွင္းဆီ ကုိ ရည္စူးျပီး စုိက္တယ္ေပါ႔ဟယ္။’

ရုိ႕စ္ နာမည္ အျပည့္အစုံ Rose Par Chin ရဲ႕  အဓိပၸါယ္ ကုိ ကၽြန္မ ရည္ညႊန္း လုိက္ေတာ႔ သူ က လြင္လြင္သာသာ ရယ္လုိက္တယ္။

‘ဟုတ္တယ္။ ဟုတ္တယ္။ က်ေနာ္ ဟာ က်ေနာ္ ျဖစ္ျခင္းအတြက္ ဒီ အပင္ကုိ စုိက္တယ္။’

ရုိ႔စ္ ကုိယ္တုိင္ကုိက ပန္းႏြယ္ရုိင္းႏွင္းဆီ ပဲလုိ႔ ကၽြန္မ က ဆိုခ်င္တယ္။ သဘာဝ ေတာရုိင္းႏွင္းဆီ လုိ ေတာက္ေတာက္ပပ။ ခြန္အားအျပည့္နဲ႔ ခ်စ္စဖြယ္ မိန္းမရြယ္။ သူ႔ ဆံပင္ေတြက အုံထူထူ နက္ေမွာင္ေမွာင္ နဲ႔ ေျဖာင္႔စင္းစင္း ရွိတယ္။ ကုိယ္ဟန္ျပည့္ျပည့္ အသားလတ္ကာ ကုန္းေျမျမင္႔ မ်ိဳးႏြယ္ရင္း ပီသ တဲ႔ ေျခဆံလက္ဆံ နဲ႔။ ျမင္စမွာပင္ ဆြဲေဆာင္မႈ ရွိတာ လက္ခံေစတဲ႔ မ်က္ႏွာေပါက္ ရွိတယ္။

‘တျခားသူတဦးဦးအတြက္၊ ခံစားမႈ တခုခုအတြက္ စုိက္မွာ မဟုတ္ဘူး။ က်ေနာ္႔ ျဖစ္တည္မႈကုိ က်ေနာ္ လက္ခံတဲ႔အေနနဲ႔ စုိက္တယ္လုိ႔ ေျပာရေအာင္။’

သူ႔ ျဖစ္တည္မႈကုိ လက္ခံသူေတြထဲ သူ႔ ေသြးသားရင္းေတြ ပါမွ ပါ ပါေလစ။ ပန္းႏြယ္ကုိ ပုံသြင္းခ်ည္ေႏွာင္ျပီး အထူး တင္႔တယ္ေစလုိတဲ႔ သေဘာ ရွိသူေတြ ျဖစ္ၾကေတာ႔ ရုိ႕စ္ ရဲ႕ လက္ရွိကာလ လႈပ္ရွားေနထုိင္ပုံကုိ ဘဝင္က်လိမ္႔မယ္ မထင္ဘူး။

အိမ္ျပန္ေနာက္က်ရင္ အိမ္တံခါး ဖြင္႔မေပးဘူးလုိ႔ ဆုိတာ၊ အိမ္ကလူေတြ က်ေနာ္ ကုိ ေျခာက္လွန္႔ရုံ ေျပာတယ္ ထင္ထားတာ။ တကယ္ကုိ တညလုံး က်ေနာ္ကို အေအးေတာထဲ ပစ္ထားမယ္ မထင္ခဲ႔ဘူး။ က်ေနာ္ တျခားအိမ္ တအိမ္အိမ္ ကုိ ျပန္သြားလို႔ ရသားနဲ႔ အိမ္ေရွ႕  ေလွခါးထစ္မွာ တညလုံး ထုိင္ေနခဲ႔တာ လုိ႔ သူ ရင္ဖြင္႔ခဲ႔ဖူးတယ္။

အဲဒီညက ႏွင္းဆီ လုံမပ်ိဳ ရဲ႕ ရင္ထဲ ဆူး ေပါက္ခဲ႔သလား။ ေမွာင္ရိပ္ထဲမွာ ထုိင္ေနတဲ႔ ကေလးမေလး ကုိ ကၽြန္မ မွန္းဆ ျမင္ေယာင္ မိတယ္။

‘ရည္မွန္းခ်က္ ၾကီးၾကီး ထားျပီး မနားမေန အားထုတ္ေနတဲ႔ မိသားစုမွာ က်ေနာ္ ေမြးလာတာ။ ဒီေရာက္ေတာ႔  ရည္မွန္းခ်က္ ဆုိတာ ဘာလဲ မသိတဲ႔ သူေတြနဲ႔ ၾကဳံ ရျပန္တယ္။’

ကြဲျပား ျခားနားတဲ႔ ကမာၻ ႏွစ္ခုကုိ ကူးခ်ည္သန္းခ်ည္ ေနထုိင္ခဲ႔သူ ရုိ႕စ္ ဟာ သူ႔ ကုိယ္ပုိင္ ကမာၻ ကုိ သူ ဘာသာ တည္ေဆာက္ ထား သူ ျဖစ္တယ္။ သူ လုပ္ခ်င္တာ၊ လုပ္ႏုိင္တာ၊ လုပ္ေနတာ မ်ားျပားလွျပီး ရံဖန္ရံခါ ေခါင္းစဥ္ေပါင္းစုံ ေရာေထြးေနကာ၊ ေန႔ခင္းအိပ္မက္ မက္ေနသူပမာ ျဖစ္ေနတတ္တယ္။ ကင္မရာေနာက္မွာ ရပ္ေနရာက ရုတ္ခ်ည္း ဆြဲလက္စ ပန္းခ်ီကားေရွ႕ ေရာက္သြားတတ္သလုိ ကဗ်ာစပ္ေနရင္းက ပုိးခ်ည္မ ွ်င္ေရာင္စုံ ကုိ အထည္အျဖစ္ ရက္ေဖာက္ေနသူ ျဖစ္သြားျပန္တယ္။

‘မစု မနက္ျဖန္ ရမ္းထလုိ သားဖြားခန္း သြားၾကည့္ျပီးရင္ ျပန္မယ္ မဟုတ္လား။ က်ေနာ္ လူငယ္သင္တန္း မစခင္ မႏၱေလး ခဏ လုိက္ခဲ႔မယ္။ ကေလးေတြကုိ အေျခခံ ပန္းခ်ီ သင္ေပးဖုိ႔ ဝယ္စရာ ရွိေနလုိ႔။ ျပီးေတာ႔ က်ေနာ္႔ ဆံပင္ကုိ အေရာင္ ဆုိးမလားလုိ႔။ မီးလွ်ံ လုိ နီရဲ ေနတဲ႔ အေရာင္ေလ။’

‘အင္း။ ေနာက္ ႏွစ္လ ၾကာမွ… ဇြန္ လ လယ္ေလာက္ေပါ႔။ အဲဒီအခ်ိန္မွ  ျပန္ လာ ၾကည့္ ရ ေတာ႔မယ္။ ဒါေပမဲ႔ သီးဆန္ေက်ာင္းက တဝက္ ျပီးေနျပီ။ ထပ္ ၾကည့္ရင္း ကေလးဘက္က လွည့္ ျပန္မလားလုိ႔။’

‘မစုကလဲ အမွတ္ မရွိေသးဘူး။ ဟုိတခါကလဲ ေလယာဥ္ ခရီးစဥ္ဖ်က္လုိ႔ ရ ရာ ကား နဲ႔ ေျပးရေတာ႔ မဟာျမိဳင္ေတာထဲ တုိင္ပတ္ျပီးျပီ။ မႏၱေလး ဆင္းရေအာင္ကြာ။ ဟုိေရာက္ရင္ ဘာနဲ႔ ျပန္ျပန္ ေရြးခ်ယ္စရာ ေပါလြန္းလုိ႔။ သူပဲ ေရြးခ်ယ္စရာ မရွိတဲ႔ အေျခအေနကေန ေရြးခ်ယ္စရာ ဆုိတာ ဘာလဲ သိလာတဲ႔ လူ႔အဖြဲ႔အစည္း ျဖစ္ေအာင္ လုပ္မယ္ တရစပ္ ေအာ္ေနျပီးေတာ႔။’

‘ဟဲ႔ ကေလးကေန ေလယာဥ္နဲ႔ ျပန္မယ္ဆုိတာ ေရြးခ်ယ္မႈပဲေလ။’

‘ဒါ ေရြးခ်ယ္မႈ မဟုတ္ဘူး။ ဒီတခုပဲ ရွိတာကုိ မျဖစ္မေန လက္ခံ ရတာ။’

ပထမအၾကိမ္ ေတာင္တန္းေပၚ တက္လာခဲ႔ခ်ိန္က အျဖစ္အပ်က္ေတြကို ျပန္ အမွတ္ရျပီး ကၽြန္မ ျပဳံးမိတယ္။

မနက္ ကုိးနာရီ ထြက္မယ္ ေျပာထားတဲ႔ ခရီးသည္တင္ကား ဟာ မြန္းတည့္ ဆယ္ႏွစ္နာရီ အထိ စက္ႏုိးသံ မၾကားတဲ႔အခါ တျခားေသာ ေရြးခ်ယ္စရာ ကုိ ကၽြန္မ ေမးျမန္းစုံစမ္းတယ္။  ရွာ မရ။ ေနာက္တမ်ိဳး ေရြးခ်ယ္ခြင္႔ ရယ္လုိ႔ မရွိ။ ခရီးေဖာ္မ်ားကုိ အကဲခတ္ေတာ့   ပူပင္ေၾကာင္႔ၾကဟန္ မျမင္ရ။ သတ္မွတ္ခ်ိန္အတုိင္း ဆုိတဲ႔ စကား မၾကားဖူးၾကတဲ႔ အလား ေအးေအးသက္သာ ရွိၾကတယ္။ ကၽြန္မ ကလြဲလုိ႔ ထ လို္က္ ထုိင္လုိက္ လမ္းေလ ွ်ာက္လုိက္နဲ႔ ဗ်ာမ်ားေနသူ တေယာက္မွ မရွိဘူး။ ညေနေစာင္းခ်ိန္ ကားထြက္မယ္ဆုိေရာ၊ ေျခနင္းခ်စရာ မရွိေအာင္ တကားလုံး ကုန္အျပည့္ ျဖည့္ထားျပီးျပီ။ အထုပ္ၾကီးငယ္ေပၚ နင္းျဖတ္ ေက်ာ္လႊား ျပီး ေနရာယူခ်ိန္ မွာလည္း အျပဳံးမပ်က္ၾက။ တေသာေသာနဲ႔ ရယ္ေမာ ႏႈတ္ဆက္ ေျပာဆုိေနလုိက္ၾကေသး။

ေတာင္ေပၚျမိဳ႕ေတာ္ကေန ကၽြန္မ သြား ၾကည့္ရမဲ႔ ရြာေတြကုိ ခရီးဆက္ေတာ႔  ပုိေတာင္ ရယ္ခ်င္စရာ ေကာင္းေသးတယ္။ တပတ္ ႏွစ္ရက္သာ ရွိတဲ႔ ခရီးသည္တင္ကား ဟာ မနက္ ရွစ္ နာရီထြက္မယ္ ေျပာထားေပမဲ႔ ခရီးသည္အေပါင္းဟာ အိမ္ျပန္ျပီး ေန႔လယ္စာ ျပန္စား တေရးတေမာ အိပ္ ေနလုိ႔ ရေသးတယ္။ မနက္က လုိ္က္မယ္ ေျပာထားတဲ႔ သူေတြကုိ ထြက္မယ္ဆုိမွ လုိက္ေခၚၾကတယ္။ ခုႏွစ္နာရီခြဲ ကတည္းက ကားဂိတ္မွာ ေစာင္႔ေနတဲ႔ ကၽြန္မ တေယာက္သာ အူခ်ာခ်ာ နဲ႔။ အခုမွသာ ရယ္ခ်င္စရာလုိ႔ ေျပာႏုိင္ေပမယ့္ ဟုိတုန္းကေတာ႔ ေဒါပြလုိက္ စိတ္ေလ်ာ့လုိက္နဲ႔ ဂဏွာမျငိမ္ ျဖစ္ေနခဲ႔တာ။

မုိင္ေလးဆယ္ခရီးကုိ ေန႕ တဝက္ ကုန္ေအာင္ သြားရျပီး ကားက ဝန္အျပည့္နဲ႔ ေတာင္ေပၚ မတတ္ႏုိင္လုိ႔ လမ္း ဆင္းေလွ်ာက္ရတာလည္း အၾကိမ္ၾကိမ္။ ဒါေတာင္ တပတ္ ႏွစ္ရက္ပဲ ကား စီးခြင္႔ ရွိတယ္။ ၾကားရက္ ဆုိရင္ အငွားဆုိင္ကယ္ကုိသာ အားကုိးရတယ္။ အိႏၵိယကြမ္းထုပ္ နဲ႕ ေဆးရြက္ၾကီး အနံ႔ စြဲေနတဲ႔ ဆုိင္ကယ္သမား ေၾကာင္႔ ပထမဆုံး စီးတဲ႔အခ်ိန္မွာ လမ္းေဘးမွာ ဆင္း အန္ ခဲ႔ ရတယ္။ ေက်ာက္ခင္းလမ္းၾကမ္းမွာ ဆုိင္ကယ္ေဆာင္႔လုိ႔ တကုိယ္လုံး လႈပ္မရေအာင္ နာက်င္ခဲ႔ဖူးတယ္။ မွတပါး ေရြးခ်ယ္စရာ မရွိတဲ႔ အေျခအေနမွာ နံသည္ နာသည္ ဟူ၍ အဆာ မက်ယ္ႏုိင္။

ဒီခရီးမွာ ရုိ႕စ္နဲ႔ ဆုံၾကတာပဲ။ ရုိ႕စ္က ဘားေကာလိပ္က ေက်ာင္းျပီးလုိ႔ သူ႔ ဘုိးဘြား ရြာကုိ ခဏ ျပန္လာေနခ်ိန္ ျဖစ္ေတာ႔ အကူအညီ ရႏုိင္တယ္လုိ႔ ရြာ ေကာ္မတီက ယူဆျပီး ကၽြန္မကုိ သူ႔ အိမ္ ပုိ႔ လုိက္တယ္။ ေဆးခန္း ေဆာက္လုပ္ေရး ကိစၥနဲ႔ ရြာမွာ အေတာ္ၾကာၾကာ ေနရေတာ႔ သူနဲ႔ ရင္းခ်ာ လာတယ္။ ရြာအဝင္ ေတာအုပ္အုပ္ေလးဆီ ညေနတုိင္း လမ္းေလွ်ာက္ထြက္ၾကရင္း စကားေတြ ေျပာၾကတယ္။

ေမြးဖြားၾကီးျပင္းရာအရပ္၊ က်င္လည္ရာ ဝန္းက်င္၊ အမူအက်င္႔ သေဘာထား သြင္သြင္ ျခားနားၾကသူ ႏွစ္ဦးဟာ ခ်က္ခ်င္းလုိလုိ စိတ္ႏွလုံး နီးကပ္တဲ႔ မိတ္ေဆြ ျဖစ္လာၾကတယ္။ ေတာင္ေပၚ ျမိဳ႕ေတာ္က သူ႔ အိမ္ဟာ ကၽြန္မရဲ႕  အေျခစုိက္စခန္း ျဖစ္လာတယ္။ ကာလ အပုိင္းအျခား တခုမွာ ေန႔ေန႔ညည တပူးတြဲတြဲ ရွိေနတတ္ျပီး၊ တစ္ဦးနဲ႔ တစ္ဦး အသံဗလံ မျပဳဘဲ ၾကာျမင္႔စြာ ေနခ်င္ ေနတတ္ၾကတယ္။ သုိ႔ေပသိ စိတ္ႏွလုံးကေတာ႔ ရင္းခ်ာဆဲ။

‘က်ေနာ္တုိ႔ မိသားစု ဒီျမိဳ႕က ထြက္သြားခ်ိန္မွာ၊ က်ေနာ္ ေတာ္ေတာ္ ငယ္ေသးတယ္။ ဒါေပမဲ႔ သစ္တင္ ကားၾကီး စီး ရတာ၊  လမ္းအေကြ႕ မွာ ထင္းရႈးေတာ ေဝးက်န္ခဲ႔တာကုိ မွတ္မိေနတယ္။ ေမ႔ မသြားဘူး။ က်ေနာ္ ေတာင္တန္း ေပၚမွာ ေမြးေပမဲ႔ ေျမျပန္႔မွာ ၾကီးလာခဲ႔တယ္။ ဒါေပမဲ႔ က်ေနာ္ ေသြးသားထဲ စိမ္႔ ဝင္ေနတာ….. က်ေနာ္ဟာ ေတာင္တန္းေပၚက လူပဲ။ ေက်ာင္းျပီးေတာ႔ ဒီ ျပန္ လာတာ သူတုိ႔ နားမလည္ၾကဘူး။ အဘုိး ရြာမွာ သြား ေနတာကုိ  အခ်ိန္ ျဖဳန္းတယ္ ထင္ၾကတယ္။ က်ေနာ္ ရဲ႕ ရင္းျမစ္ဟာ ေတာင္ေပၚမွာပဲ။ ဒီမွာဆုိ က်ေနာ္ ဘာလုပ္ႏုိင္မလဲ အျမဲ ေတြး ေနတယ္။’

စိတ္ၾကိဳက္ ေရြးခ်ယ္မႈ ျပဳႏုိင္တဲ႔ ေဝးေျမရပ္ျခားသုိ႔ အေျခခ် တဲ႔ သူ႔ မိသားစုမ်ားနဲ႔ တခုတည္းကုိသာ မျဖစ္မေန လက္ခံရမယ့္ အရပ္္ဆီ ျပန္လွည့္လာတဲ႔ ရုိ႕စ္ ဟာ ကြာျခားခဲ႔ျပီ။

သူက ခြန္အားအျပည့္နဲ႔ ေတာရုိင္းႏွင္းဆီပါ။ ဘယ္သူကမွ ျပဳျပင္စီရင္လုိ႔ မရတဲ႔ သဘာဝ ႏြယ္ရုိင္း ပန္းပြင္႔။ ကၽြန္မ ႏွစ္လုိစြာ ေက်နပ္စြာ ၾကည့္ခ်င္တဲ႔ ပန္းပြင္႔ ႏွင္းဆီ ပဲ။

‘ကဲ မီးလွွ်ံ ပန္မဲ႔ မမေရ… တုိ႔ ေတြ ညေနစာ ဘာစားရင္ ေကာင္းမလဲ။ ခရမ္းခ်ဥ္သီး သုပ္စားရင္ ေကာင္းမလား။ နံနံပင္ေလး ပါးပါးလွီး ထည့္မယ္။ အခင္းထဲ ဆင္းခူးရေအာင္။’

ေတာင္ေပၚျမိဳ႕ေတာ္ အေျခစုိက္ စခန္းအိမ္မွာ ကၽြန္မတုိ႔ အႏွစ္သက္ဆုံး ေနရာ ျဖစ္တဲ႔ စုိက္ခင္းဆီ ႏွစ္ဦးသား ေလွ်ာက္သြားၾကတယ္။ ရုိ႕ စ္ ရဲ႕ ျခံထဲမွာ ေဂၚဖီ ဆလတ္ မုန္ညင္း တရုတ္နံနံ ျမန္မာနံနံ အာလူး ၾကက္သြန္နီ ၾကက္သြန္ျဖဴ အကုန္ စုိက္ထားတယ္။ ၾကက္သြန္ျဖဴက ႏႈတ္လုိ႔ ရေနၿပီ။ အနီက မရေသး။ အာလူးခင္း ကေတာ႔ စုိက္ခါစ။ ျခံ စည္းရုိးတေလွ်ာက္မွာေတာ႔ ႏွင္းဆီေရာင္စုံေတြ အစြမ္းကုန္ ပြင္႔ေနၾကတယ္။

ေန ေစာင္းလာျပီ။ ေႏြရာသီ ေပမဲ႔ ေန႔လည္ ႏွစ္နာရီေက်ာ္လာတာနဲ႔ ေလထု ဟာ သိသိသာသာ ေအးလာတယ္။ ညေန ျမဴျပာျပာ ေၾကာင္႔ အေဝးက ေတာင္တန္းေတြကုိ  မျမင္ရေတာ႔ဘူး။ သီးမစ္လြင္ျပင္သူ ပန္းႏြယ္ ႏွင္းဆီဟာ ခ်ည္ေႏွာင္ထားတဲ႔ ဝါးျခမ္းေပၚမွာ ငုိက္ က် လ်က္ ရွိေနတယ္။
   
( ၂ )

မုိးျမဴ ေၾကာင္႔ ေရွ႕ လမ္းေကြ႕ ကုိ ပင္ မျမင္ရ။ ထင္ရႈးေတာထဲ ေတာင္ခုိးေတြနဲ႔ ပိတ္ပိတ္ ေမွာင္လုိ႔။ မုိးျမဴ နဲ႔ ေတာင္ခုိး ေရာယွက္ လ်က္ ျမင္ကြင္းတခုလုံး ဝုိးတဝါး ျဖစ္ေနတယ္။ ကုိပါက်ဲက ကား ဟြန္းကုိ အဆက္မျပတ္ တီးရင္း တေကြ႕ ျပီး တေကြ႕ ျဖတ္တယ္။ အသက္ ၁၆ ႏွစ္ကတည္းက ဒီလမ္းေပၚ ေမာင္းေနျပီး ဘယ္ေနရာမွာ ဘာရွိသလဲ မ်က္စိမွိတ္ထားေတာင္ သိ သူ ျဖစ္လုိ႔သာ ဒီလုိ ေမာင္းႏုိင္တာပဲ။

‘ကုိပါက်ဲ ျဖည္းျဖည္း ေမာင္းပါရွင္႔။ ကၽြန္မတုိ႔ ဝူခုန္းလုိ တိမ္ေတြထဲ ေရာက္ေနျပီ။’

‘ဆရာမတုိ႔ပဲ ဒီေန႔ ေန႔ခ်င္းျပန္ ခ်င္တာဆုိ။ ဗားရေက်ာ္ျပီး ဟုိဘက္ ဆင္းရအုန္းမွာေလး …’

ကုိပါက်ဲ ဟာ သူ႔ ကား အရွိန္ကုိ မေလ်ာ႔ ဘူး။ ကၽြန္မ ဆိတ္ဆိတ္ပဲ ေနလုိက္ေတာ႔တယ္။ ရုိ႕ စ္ က ထုိင္ခုံေနာက္မွီ မွာ ေခါင္းတျခမ္း ေစာင္းတင္ျပီး အိပ္ေပ်ာ္ေနတယ္။ စိတ္ေအးလက္ေအး ရွိလုိက္ေလ။ မိုးကာလ ေတာင္ေပၚ ခရီးဟာ ဘယ္ေလာက္ စိတ္မေအးစရာ ေကာင္းလုိက္သလဲ။ ကားလမ္း ဟာ ေခ်ာက္နက္နက္ ထဲ ျပိဳဆင္းျပီး အခ်ိန္မေရြး ကြယ္ေပ်ာက္သြားနုိင္တယ္။ မုိးမ်ားေလ စိတ္ပူရေလပဲ။ ေဘးက ေခ်ာက္ ဆီ ေရာက္ ေရာက္ သြားတဲ႔ အၾကည့္ကုိ မထိန္းႏိုင္ဘူး။

မိုးဖြဲေလး ရြာလာျပန္တယ္။ မုိးရြာေတာ႔ ျမဴ က်ဲ သြားတယ္။ ေတာင္ခုိးေတြဟာ ေပၚလုိက္ ေပ်ာက္လုိက္နဲ႔။ ေရက်သံ တဝုန္းဝုန္း အရင္ ၾကားရျပီး ကား လမ္းေကြ႕ အလြန္မွာ ေရတံခြန္ အေသးတခုကုိ ေတြ႔လုိက္ရတယ္။ ကားလမ္းနံေဘးက သစ္ပင္ေတြဟာ စိမ္းျမ သစ္လြင္ေနတယ္။ ျမဴ ပါး သြားလုိ႔ ေဘးပတ္လည္ ျမင္ကြင္းကုိ တဖန္ ျပန္ ျမင္ရ ျပန္တယ္။ ေအာက္ဘက္ ခ်ိဳင္႔ဝွမ္းထဲက ေလွခါးထစ္ စုိက္ခင္းတုိ႔မွာ ေရအျပည့္နဲ႔။ ေကာက္ပင္ တုိ႔ ရွင္သန္ စိမ္းျမလုိ႔ ။ အေလ႔က် ေပါက္ေနတဲ႔ ခ်ဳံပုတ္ဆန္ဆန္ ခရမ္းရင္႔ေရာင္ ပန္းရုံေတာေတြကုိ တလမ္းလုံး ျမင္ရလာတယ္။ ထင္းရႈးေတာထဲက လြင္႔ တက္လာတဲ႔ ေတာင္ခုိးေတြဟာ ခရမ္းရင္႔ေရာင္ ပန္းပြင္႔ ကုိင္းဖ်ားမွာ ခ်ိတ္တြယ္လ်က္။

ကားလမ္း ဘယ္ဘက္မွာ ေတာင္ခုိးနဲ႔ မုိးျမဳ ဖုံးလႊမ္းထားတဲ႔ ဇိန္မႈ ေတာင္တန္းကုိ ျမင္လုိက္ရတယ္။ ရမ္းထလုိရြာ မွာ ကား ရပ္လုိက္ေတာ႔ ရုိ႕ စ္ ႏုိးလာတယ္။ ေခါင္းေထာင္ၾကည့္ျပီး က်ေနာ္႔ ကင္မရာေရာ လွမ္းေမးရင္း သူ႔ဘာသာ ရွာ တယ္။ ေတြ႔တာနဲ႔ လမ္းတဘက္ကုိ ကူးသြားျပီး ဓာတ္ပုံ သြား ရုိက္ ေနတယ္။

သားဖြားခန္း ေဆာက္လုပ္ေနတဲ႔ ေတာင္ကုန္းေလးဆီသုိ႔ ကၽြန္မ တက္ သြားေတာ႔ တံဆိပ္ကပ္ထားတဲ႔ ရုံး ကားတစီး ရပ္ထားတာ ေတြ႔တယ္။ အျပာညစ္ညစ္ ေျပာင္ ေဘာင္းဘီအရွည္ နဲ႔ ဆင္တူ ရွပ္အက်ီ ကုိ အျပင္ထုတ္ ဝတ္ထားတဲ႔ လူတေယာက္နံေဘးမွာ ရြာ ေကာ္မတီ လူၾကီးေတြက ရပ္လ်က္ ရွိေနၾကတယ္။ ေကာ္မတီ အဖြဲ႕ဝင္တဦးက ကၽြန္မနဲ႔ မိတ္ဆက္ ေပးလုိ႔ ေခါင္းျငိမ္႔ ျပဳံးျပလုိက္ျပီး စကား ဆက္ ဆုိ စရာ မရွိေတာ့တာနဲ႔ ေတာင္ကုန္းေပၚ ဆက္ တက္လာခဲ႔ၾကတယ္။ ကုိပါက်ဲက ေနာက္က ကပ္ လုိက္လာျပီး ဆုေပးဒဏ္ေပး လူေတြေလ ဆရာမ လုိ႔ မေမးဘဲ ေျပာတယ္။

‘ဘာလဲ ကုိပါက်ဲ၊ ဆုေပးဒဏ္ေပးဆုိတာ။’

‘အဲဒီလူေလ.. ေျမျပန္႔မွာ စား လြန္းလုိ႔ အတုိင္ခံရတာ။ ေနာက္ေတာ႔ ဒဏ္ေပးတဲ႔ အေနနဲ႔ က်ေနာ္တုိ႔ဆီ ပုိ႔လုိက္တယ္ ေလ။’

ကုိပါက်ဲ ဆက္မေျပာေတာ႔ဘူး။  သူ ဆက္မေျပာေပမဲ႔ ကၽြန္မ က ေတာ႔ ဆက္ရန္ရွိ အေတြး ေတြ ပလုံစီ ထ သြားတယ္။ ကိုပါက်ဲ ရင္ထဲမွာ ေကာ၊ ဘယ္လုိ ဆူးေတြ ဘယ္ေလာက္ ေပါက္ေနပါလိမ္႔။

ေဆးခန္းေတာင္ကုန္းေလးေပၚက ၾကည့္လုိက္ရင္ စိမ္းလန္းတဲ႔ ေတာင္စဥ္ေတာင္တန္းေတြကုိ ရႈမဆုံး ျမင္ရတယ္။ ျပစ္ဒဏ္ေပးခံရသူေတြကို ပုိ႔တဲ႔ ေနရာ တဲ႔လား။ ဇိန္မႈေတာင္တန္းေတြကုိ ကၽြန္မ အားတု႔႔ံ အားနာ ျဖစ္ရတယ္။

ေဆာက္လုပ္ေရး ပစၥည္းဂုိေဒါင္မွာ ကၽြန္မ စာရင္းစစ္ေနခ်ိန္ ရုိ႕ စ္ ျပန္ေရာက္လာျပီး က်ေနာ္ ဘာ ကူ လုပ္ ရမလဲ လာေမးတယ္။ ပစၥည္းေတြကုိ ဓာတ္ပုံရုိက္ေပးပါ၊ တံဆိပ္ပါတဲ႔ ဟာဆုိ ထင္ရွားေအာင္ ရုိက္ေပး လုိ႔ ကၽြန္မ က ျပန္ ေျဖ လုိက္တယ္။

ကၽြန္မ အလုပ္ျပီးလုိ႔ ျပန္ထြက္လာေတာ႔ ရုိ႕ စ္ ဟာ ဝင္းထဲက ေျမမွာ ကပ္ေပါက္ေနတဲ႔ အရုိင္းပင္ကုိ ဓာတ္ပုံ ရုိက္ ေနတယ္။ အရြက္က မုန္ညင္းနဲ႔ တူျပီး ပန္းပြင္႔ေသးေသးေလးေတြက ခရမ္းေဖ်ာ႔ေရာင္ လဲ႔ ေနတယ္။ အခုတေလာ ရုိ႕ စ္ ဟာ သူ ေနာက္လုပ္မဲ႔ အလုပ္အတြက္ ရာသီအလုိက္ ပြင္႔ၾကတဲ႔ ပန္းေတြကုုိ ဓာတ္ပုံရုိက္ မွတ္တမ္း တင္ ေနတယ္။ ျပီးခဲ႔တဲ႔ႏွစ္က သူ႔ အာရုံဟာ ေတာင္တန္းေပၚက ေက်ာက္စာတုိင္ေတြကုိ မွတ္တမ္းတင္တဲ႔ အလုပ္ဆီ နစ္ဝင္ေနတယ္။

ရမ္းထလုိက ထြက္ခဲ႔ျပီး မဏိပူရျမစ္နဲ႔ ေတာင္စဥ္ေတာင္တန္း အထပ္ထပ္ေတြကုိ ျမင္ရတဲ႔ ရႈခင္းသာကုိ ေရာက္ေတာ႔ သူ ဓာတ္ပုံ ဆင္းရုိက္ျပန္တယ္။ ဒီလမ္းေတြကုိ သူ ေခါက္တုံ႕ ေခါက္ျပန္ သြားေနတာ အေခါက္ေပါင္း မေရတြက္ႏုိင္ေအာင္ ရွိေနျပီ။ ဒီေနရာေတြကုိ သူ ရုိက္ေနတာလည္း ၾကိမ္ဖန္မ်ားစြာ ရွိေနျပီ။ တိမ္ေတြ ေတာင္ေတြ အေရာင္ မတူဘူး မစုရဲ႕၊ ရုိက္ထားမွျဖစ္တာ လုိ႔ ေျပာတတ္တယ္။

မဏိပူရျမစ္ေရ ဟာ မုိးတြင္းျဖစ္လုိ႔ အညိဳရင္႔ရင္႔ အေရာင္ေပါက္ျပီး ေနာက္က်ိေနတယ္။ ဗားရ္ တံတားရွိရာ ခ်ိဳင္႔ဝွမ္းကုိ ဆင္းလာေတာ႔ ေလ ဟာ သိသိသာသာ ပူေႏြး သြားတယ္။ ဗားရ္မွ ျပန္အတက္၊ လမ္းေဘးက သစ္ေတာအုပ္ဟာ မုိးေရေသာက္ျပီး စိမ္း ဖန္႔ ေန တယ္။ ကားလမ္းဟာ တျဖည္းျဖည္း ျမင္႔လာျပီး ထင္းရႈးေတာကုိ ျပန္ျမင္ရခ်ိန္မွာေတာ႔ ေလထု ဟာ ေအးစက္ လာခဲ႔ျပီ။

သီးဆန္ ေက်ာင္းဟာ လက္စသပ္ေနျပီ။ ဖြင္႔ပြဲကုိ အလႈရွင္ကုိယ္စားလွယ္ေတြ လာႏုိင္မယ္႔ ရက္မွ လုပ္ခ်င္လုိ႔ ရြာ ေကာ္မတီဟာ ေစာင္႔ဆုိင္းေနတယ္။ အလႈရွင္ႏုိင္ငံ တံဆိပ္ဝုိင္း ေနဝန္းနီ ေတြ ကပ္ထားတဲ႔ ပရိေဘာဂမ်ား နဲ႔ အသုံးအေဆာင္ေတြဟာ သစ္သစ္လြင္လြင္ ေတာက္ေတာက္ပပ။ အလႈရွင္ ကုိယ္စားလွယ္ရုံးဟာ ေဝးေျမရပ္ျခားက သာမန္ ႏုိင္ငံသားမ်ား မူးစုပဲစု ထည့္ဝင္ထားတဲ႔ အလႈေငြေတြကုိ စိတ္ခ်ယုံၾကည္ရမယ့္ အဖြဲ႕ ေတြက တဆင္႔ ဒီေဒသဆီသုိ႔ မယုိမဖိတ္ အေရာက္ပုိ႔ရတယ္။ ဆုေပးဒဏ္ေပး ကုိယ္ေတာ္မ်ားက တဆင္႔ ဆုိရင္ေတာ႔ ယုိ လုိက္မယ္႔ ျဖစ္ျခင္း။ ယုံၾကည္ခံရသူ တဦး အျဖစ္ ကၽြန္မ ပါဝင္ရတာ ဝမ္းေျမာက္ ေပမယ့္ ယုံၾကည္ခံရမႈ မရွိတဲ႔ အဖြ႕ဲအစည္းဟာလည္း ကုိယ္႔ ႏုိင္ငံသားေတြပဲ ျဖစ္ေနေလေတာ႔ စေနာင္႔စနင္း  စိတ္ လည္း ဝင္ တယ္။  

ယုံၾကည္ခံရမႈဟာ ဘယ္ေလာက္ တန္ဘုိးၾကီးလုိက္သလဲ။ ယုံၾကည္ခံရျခင္းရဲ႕ခ်ိဳျမိန္မႈ ကုိ ဆုေပးဒဏ္ေပးေတြ မသိၾကဘူး။ ယုံၾကည္ေပးသူ နဲ႔ ယုံၾကည္ခံရသူ အခ်င္းခ်င္း အျပန္အလွန္ အသိအမွတ္ျပဳမႈ ရုိေသမႈ ရွိမွ ျဖစ္ထြန္းလာၾကမွာ။ ယုံၾကည္ခံရတာနဲ႔ အမွ် ကုိယ္႔ဘက္က ျပန္ တာဝန္ယူရတဲ႔  ေက်ပြန္မႈ  ပါလာျပီ။

ဓာတ္ပုံမွတ္တမ္း ယူရုံသာ ျဖစ္လုိ႔ သီးဆန္က ခ်က္ခ်င္း ျပန္ထြက္လာႏုိင္တယ္။ မုိး ဖြဲေလး က် လာျပန္တယ္။ ကုိပါက်ဲ ကားအရွိန္ဟာ အလာတုန္းကထက္ ပုိ မ်ား ေနတယ္။ လမ္းအခ်ိဳး တခုက ေတာင္ေစာင္းနံရံတေလွ်ာက္မွာ  ပန္းေဖ်ာ႔ေရာင္ အရြက္ႏု သစ္ ေဝ တဲ႔ အပင္ေတြကုိ လွမ္း ျမင္လုိက္ရတယ္။ ကားရပ္ေပးဖုိ႔ ရုိ႕ စ္ လွမ္းေအာ္လုိက္ခ်ိန္မွာ အေတာ္ လြန္သြားခဲ႔ျပီ။ ကား ရပ္တာနဲ႔ ရုိ႕ စ္ သြက္သြက္ ဆင္းသြားျပီး လမ္းအေကြ႕ ကုိ ျပန္ေလွ်ာက္သြားတယ္။ ကၽြန္မ ေနာက္က လုိက္သြားေတာ႔ ဆင္ေျခေလ်ာ ေတာင္ေစာင္းမွာ ေပါက္ေနတဲ႔ ပန္းႏုေဖ်ာ႔ ေက်ာက္ခက္ေတာကုိ စိမ္ေျပနေျပ ဓာတ္ပုံရုိက္ေနေလရဲ႕ 

မုိးသားတိမ္တုိက္ေၾကာင္႔ ညေနခင္း အေမွာင္ရိပ္ဟာ ေစာ ေရာက္လာတယ္။ ကုိပါက်ဲက ကၽြန္မတုိ႔ကုိ ေတာင္ကုန္းလမ္းထိပ္ အထိ ပုိ႔ ေပးတယ္။ ကၽြန္မကုိ ကားခေဘာက္ခ်ာ ထုတ္ေပးဦးေနာ္ ကုိပါက်ဲ ဆုိေတာ႔ ေအးေဆးပါ ဆရာမ၊ ေနာက္ရက္မွ ေပးမယ္ ေျပာရင္း ကားေမာင္းထြက္သြားတယ္။ ရုိ႕ စ္ ရဲ႕ အိမ္က ေတာင္ကုန္းအျမင္႔ေလးမွာ ရွိေတာ႔ တက္လာၾကရင္း ေမာလုိ႔ လမ္းတဝက္မွာ ခဏ နားရေသးတယ္။

ေလတုိက္ခံလာရလုိ႔ ဖြာ ေနတဲ႔ ရုိ႔ စ္ ရဲ႕ မေဟာ္ဂနီေရာင္ အေသြးက်က် အနီေရာင္ ဆံပင္ေတြကုိ ကၽြန္မ အာရုံစုိက္မိတယ္။ ေမွာင္ရီစ ျပဳေနတဲ႔ လမ္းက်ဥ္းေလးဟာ သူ႔ ဆံမွ်င္မီးလွ်ံ ေၾကာင္႔ လင္းေနတယ္။

ျခံအဝင္ဝ ခုံတန္းအေရာက္ သူ ေျခပစ္လက္ပစ္ ထုိင္လုိက္တယ္။ ကၽြန္မက အိမ္ထဲကုိ ဝင္သြားျပီး ေရ ေသာက္တယ္။ သူ႔အတြက္ တခြက္ ကုိင္ျပီး ျပန္ထြက္လာေတာ႔ ကၽြန္မဆီက လွမ္းယူတယ္။ ခုံတန္း ေနာက္မွီေပၚ ေခါင္းတင္ျပီး ေကာင္းကင္ကုိ ေမာ႔ၾကည့္လုိက္တယ္။ မုိး တိမ္တုိက္ ေတြေၾကာင္႔ ေကာင္းကင္ဟာ မႈိင္းမႈန္မႈန္။ ညေနၾကယ္ေလး တလုံးတေလကုိပင္ မျမင္ရ။

‘မစု ညက်ရင္ ေဆးရုံေရွ႕  လက္ဖက္ရည္ဆုိင္ကုိ သြားရေအာင္။’

‘ညဘက္ ဆုိင္ကယ္စီးရင္ ေအးလြန္းလုိ႔ အျပင္ကုိ မထြက္ခ်င္ဘူး။ ေဆးရုံေရွ႕ ဆုိင္ ဘာလုိ႔ သြားခ်င္… ေအာ္ သိျပီ ။ ဟင္း ဟင္း။’

ေႏြရာသီ လူငယ္ သင္တန္းမွာ လာေရာက္ ကူညီေပးသူ ဆရာဝန္တေယာက္ နဲ႔ သူ အကၽြမ္းတဝင္ ျဖစ္လာတာကုိ ကၽြန္မ သိထားျပီးသား။

‘ဘာလဲကြာ… ေကာင္မေလး။ အိမ္ေခၚလာ မိတ္ဆက္ ေပးေလကြာ။’

‘အဲလုိ အဆင္႔ မေရာက္ေသးပါဘူး။ နည္းနည္း ရင္ခုန္ေနေတာ႔  ျဖစ္ႏုိင္ေျခ အလားအလာ ကုိ တြက္ေနတာ။’

သူ႔ မ်က္ႏွာ ရႊင္ခ်ိဳခ်ိဳ ကုိ ၾကည့္ရင္း ကၽြန္မ ျပဳံးမိတယ္။

မျဖစ္ရင္ေကာ လုိ႔ ကၽြန္မ ေျပာေတာ႔ ရုိ႕ စ္ ေျဖပုံက သင္းတယ္။ မျဖစ္ရင္ ဒုိး လုိက္ေပါ႔ တဲ႔။

စိတ္မရႈပ္ဘူးလား ရုိ႕စ္ ရယ္ လုိ႔ ကၽြန္မက ေမးလုိက္ေတာ႔….

‘က်ေနာ္က စိတ္ရႈပ္စရာ တမင္ရွာေဖြ ေနတာမွ မဟုတ္တာ။ ဒီလုိပဲ သြားလာရွင္သန္ရင္း ရင္ခုန္စရာနဲ႔ ေတြ႕ ေတာ႔ ခုန္မိတာပဲ။ ခ်စ္စိတ္ဝင္လာရင္ ခ်စ္မွာပဲ။’

အသည္းကြဲျပီး လူးလွိမ္႔ေနတာလဲ ထည့္ေျပာေလ လုိ႔ ကၽြန္မက ဆုိေတာ႔ ……

‘ဟုတ္တယ္ေလ။ ကြဲခ်ိန္ က်ေနာ္ ငုိရတယ္။ ေနာက္ေတာ႔ ျပီးသြားတာပဲေလ။ ခု က်ေနာ္မွာ ရင္ခုန္စရာ ရွိလာေတာ႔ က်ေနာ္ ခံစားလုိက္တာပဲ။ သဘာဝအတုိင္း သူ႔ အပုိင္းအျခား နဲ႔ သူ ရွင္သန္တာေလ။ တျခားလူေတြလည္း ဒီလုိပဲ ေနထုိင္ၾကတာ။ မဟုတ္ရင္ ကုိယ္႔ ႏုပ်ိဳခ်ိန္ ကုိ ႏွေျမာစရာ။’

‘ပ်ိဳျမစ္ႏုနုယ္မႈဆုိတာ ခုိင္ျမဲတာမွ မဟုတ္တာ။ ႏွေျမာစရာရယ္လုိ႔ မထင္ပါဘူး။’

‘ဟုတ္တယ္။ မခုိင္ျမဲလြန္းလုိ႔ ပို ႏွေျမာတာ။ အခ်ိန္ကာလ အပုိင္းအျခားေလးတခုမွာသာ ႏုပ်ိဳခြင္႔ ရွိတာေနာ္။ အဲဒီ ကာလမွာ ငယ္ရြယ္သူ ပီပီ ေနရမွာ မစုရဲ႕ ။ ႏွေျမာတသ ေဗာင္ေရာင္း ေတာ႔ မျဖစ္ခ်င္ပါဘူး။’

‘ဘာလဲ ေဗာင္ေရာင္း’

‘မစု ၾကိဳက္တယ္ဆုိတဲ႔ ပန္းေလ။ ေႏြဦးမွာ ပြင္႔တဲ႔ ခရမ္းေရာင္ စြယ္ေတာ္ရုိင္းေတြ။’

ရုိ႕ စ္ က ကဗ်ာတပုိင္းတစ ကုိ ထ ရြတ္ တယ္။

ခရမ္းနီရင္႔ေသြး၊ ေဗာင္ေရာင္း
ထင္ေပၚလြန္းလွေပ
ညိႈးေရာ္ရြက္၀ါတုိ႔ၾကား
ထင္ေပၚလြန္းလွေပရဲ ထင္ေပၚလြန္းလွေပ
ေႏြလြန္ ႏြမ္းရိ ရြက္ညိဳတုိ႔ဆီ
အစြမ္းကုန္ ျမဴးထူး ပြင္႔အာေနတဲ႔  ေႏွာင္းပန္း
ႏွေျမာတသ ျဖစ္မိေပါ႔ ေဗာင္ေရာင္း(ရယ္)
ႏွေျမာတသ ျဖစ္မိေပါ႔။
ျမဴးထူးေနရွာ၊ ျမဴးထူးေနရွာ၊
ႏြမ္းရိ ေရာ္ရြက္၀ါညိဳတုိ႔ ဆီမွာ။ 

‘ အုိင္းဒီး ရဲ႕  ႏွေျမာတသ ေဗာင္ေရာင္း တဲ႔ ။ က်ေနာ္ အဲဒီ ကဗ်ာ ဖတ္တုိင္း လူ႕ ဘဝရဲ႕  ကာလ အပုိင္း အျခား အလုိက္ ကြက္တိျဖစ္မႈ ကုိ ေတြး မိတယ္။ သူ႔ အခ်ိန္ နဲ႔  သူ မပြင္႔ခဲ့ရင္၊ မရွင္သန္ ရင္ ႏွေျမာတသ ျဖစ္ရတယ္။ ဟုိ စာခ်ိဳး ရွိတယ္ေလ… ခ်ိန္ခါမလင္႔ ပန္းႏွယ္ ပြင္႔ ဆုိလား… ဟား…ဟား ။’

ရုိ႕ စ္ က ေျပာရင္း ရႊင္ရႊင္ျပျပ ရယ္ေမာလုိက္တယ္။

ဒီ ေရေျမ မွာ က်င္လည္ေနထုိင္တာ ၾကာလာတာနဲ႔ အမွ် ကၽြန္မ ႏွေျမာတသ ျဖစ္ရတဲ႔ အရာေတြကုိ မ်က္ဝါးထင္ထင္ ျမင္လာရတယ္။ ကၽြန္မရဲ႕  ႏွေျမာတသပန္း အေၾကာင္း ၾကားရင္ သူ ဒီလုိ ရယ္ေနႏုိင္မွာ မဟုတ္ဘူး။  ဒီေဒသက လူေတြ ေန႔တုိင္းလုိလုိ ထင္းအျဖစ္ သုံးျပီး မီးရႈိ႕ ေနရတဲ႔ သစ္ေတာစိမ္းစိမ္းေတြ၊ အမ်ိဳးအမည္ စုံလင္လွတဲ႔ သစ္ခြ ေရာင္စုံေတြ၊ ထင္းရႈးေတာထဲက အရုိင္းပန္းေတြ၊ ေတာလုံးလင္းျဖာ ပြင္႔ၾကတဲ႔ စြယ္ေတာ္ရုိင္း နဲ႔ ပန္းခ်ယ္ရီေတြ။

‘တု႔ိ ရဲ႕  ႏွေျမာတသပန္း က ဒါေတြ ရုိ႕ စ္ရဲ႕။ ဒီေလာက္ လွတဲ႔ ေတာေတာင္ေရေျမကုိ ဒီအတုိင္း ၾကည့္ေနရျပီး ဘာမွ အသုံး မခ်ႏုိင္တာကုိ ႏွေျမာ တာ။ ရုိးရာထုံးစံေတြနဲ႔ သဘာဝ အတုိင္း ရွိေနတာေလး ၾကည့္ပါ ခံစားပါ လုိ႔ လာလည္တဲ႔ သူေတြကုိ ဆြဲေဆာင္လုိ႔ ရတယ္။ အခု ရွင္ ဂ်ပ္ခုတ္သမား ေတြ စုျပီး အထည္ ရက္ ေနတာ၊ အဲဒါ ေခၚ ျပ ရုံ နဲ႔တင္ အလုပ္ ျဖစ္တယ္။ ဒါေပမဲ႔ ဒီကုိ လြယ္လြယ္ကူကူ လာႏုိင္ဖုိ႔ လမ္းပန္း ဆက္သြယ္ေရး။ ေရ၊ မီး နဲ႔ အေျခခံ လိုအပ္ခ်က္ေတြ။ ဒါေတြ ရွိမွ ျဖစ္မွာ။ သိေနျမင္ေနရက္နဲ႔ မလုပ္ႏုိင္ၾကတာ စိတ္ထဲ နင္ တယ္ ရုိ႕ စ္ ရဲ႕ ။’

‘က်ေနာ္ကေကာ မနင္ဘူး ထင္လုိ႔လား။ က်ေနာ္ သိသေလာက္ တခ်ိဳ႕ ေနရာမွာ လုပ္ေနၾကတာ ေဒသခံေတြ မဟုတ္ဘူး။ ဆုံးျဖတ္ပုိင္ခြင္႔ လုပ္ပုိင္ခြင္႔ဟာ ဒီကလူ ေတြ လက္မွာ မရွိဘူး။ ဒီေတာ႔ အခုလုိမ်ိဳး ဟုိကလႈ ဒီကကူ ျဖစ္ေနရတာ။ မစု လဲ ဒါေၾကာင္႔ ဒီကုိ ေရာက္လာတာေလ။’

‘ဟုတ္တယ္။ တုိ႔ လဲ သူမ်ားတုိင္းျပည္ ေတာင္ေပၚေဒသေတြကုိ ပုိက္ဆံ သြားေပးျပီးမွ ဒီကုိ ေရာက္ဖူးတာ။ ဒါေတာင္ အလုပ္ကိစၥနဲ႕ မုိ႔ လာျဖစ္တာေနာ္။ သူမ်ားႏုိင္ငံေတြ သဘာဝအတုိင္း နဂုိ ရွိရင္းစြဲေလး မပ်က္ ေအာင္ ထိန္းသိမ္းထားရုံနဲ႔ စီးပြားျဖစ္ေနၾကတာ။’

‘အင္း။ က်ေနာ္ မစု ကုိ  ေျပာဖုိ႕ ေမ႔ေနတာ ရွိေသးတယ္။ က်ေနာ္တုိ႔ ဓာတ္ပုံရုိက္ထားတဲ႔ ရႈခင္းသာ က ေက်ာက္စာတုိင္ေတြကုိ ျဖိဳ ပစ္လုိက္ျပီ။ အဲေနရာမွာ ျမိဳ႕ သာယာေရးအဖြဲ႕ က စတီး လက္ရန္းေတြနဲ႔ အကုန္ ကာ ပစ္လုိက္ျပီ။’

မ်ိဳးႏြယ္စု တစ္ခု ရဲ႕ ကုိယ္ပုိင္ သေကၤတ အျဖစ္ ထားရွိခဲ႔တဲ႔ ေက်ာက္စာတုိင္ေတြကုိ လြယ္လင္႔တကူ ဖ်က္ဆီး ပစ္ ႏုိင္တဲ႔ အသိအျမင္ မဲ႔ စိတ္ ကုိ ထိတ္လန္႔တၾကား ျဖစ္ရတယ္။ ႏွစ္ပရိေစၥဒ ၾကာေညာင္းလွတဲ႔ ေက်ာက္စာတုိင္ရဲ႕ တန္ဘုိးအမွန္ကုိ သိျမင္သူ မရွိၾကေတာ႔ဘူးလား။ 

စတီးလက္ရန္းကုိ ၾကည့္ဖုိ႔ေတာ႔ ဘယ္ဧည့္သည္ကမွ မုိင္ေထာင္ခ်ီ အပင္ပန္းခံျပီး လာမွာ မဟုတ္ဘူး လုိ႔ ကၽြန္မ ေျပာလုိက္ေတာ႔ ရုိ႕ စ္ က က်ေနာ္ သိတယ္ ေျဖကာ စိတ္ပ်က္လက္ပ်က္ ဟန္နဲ႔ ေခါင္းခါတယ္။

ေက်ာက္စာတုိင္ ျဖိဳခ်မယ္႔ ဆုံးျဖတ္ခ်က္ကုိ ဟန္႔တားႏုိင္တဲ႔ အင္အား ကၽြန္မ မွာ မရွိသလုိ ရုိ႕ စ္ ထံမွာလည္း ရွိ မေနပါ။

ကၽြန္မ ေရာ သူပါ သက္ျပင္းကုိယ္စီ ခ် လုိက္တယ္။ ေကာင္းကင္မွာ အလင္းေရာင္ ေပ်ာက္ကြယ္ျပီး သိသိသာသာ ေမွာင္ လာျပီ။ ေလထုထဲ မုိးေငြ႕ ပါလာတယ္။ ဒီည မုိး မမ်ားပါေစနဲ႔။ လမ္းပန္း အဆက္အသြယ္ ျပတ္သြားရင္ ဒီအရပ္ဟာ စြန္႔ပစ္ခံလုိက္ရတဲ႔ အေျခအေနမ်ိဳး အထိ ဆုိက္ေပါင္း မ်ားျပီ။ ဆုေတာင္းရုံကလြဲလုိ႔ တျခား ေရြးခ်ယ္စရာ မရွိတဲ႔ ေန႔ေတြ ညေတြ ရွည္ လွျပီ။ ကၽြန္မ နင္ တယ္ဆုိတာ ကုိပါက်ဲ တုိ႔ ရုိ႕ စ္ တုိ႔ နဲ႔ စာရင္ ပမာဏ နည္းပါတယ္။ ခဏတျဖဳတ္ လာသူေတြ စာနာတယ္ဆုိတာကလည္း အရွိန္ တက္တုန္း ခဏပါ။ ဒီက ခြာျပီး ၾကာလာရင္ ကၽြန္မလဲ အေမ႔ေမ႔ အေလ်ာ႔ေလ်ာ႔ ျဖစ္သြား အုန္းမွာပဲ။ ဒါေၾကာင္႔ ရုိ႕ စ္ဟာ သူ႔ ရင္းျမစ္ဆီကုိ ျပန္လာခဲ႔တာပဲ။ ဒီက အသံကုိ ဘယ္ေလာက္အထိ ၾကားေအာင္ သူ လႊင္႔ ႏုိင္သလဲ။ သူနဲ႔ အတူ ဘယ္သူေတြ ျပိဳင္တူ လႊင္႔ ႏုိင္သလဲ။ ပန္းႏြယ္ရုိင္း ႏွင္းဆီ ရွင္သန္လႈပ္ရွား ရမဲ႔ ခရီးက ရွည္လ်ားတယ္။ ၾကံ့ၾကံ့ခံထားပါ ရုိ႕ စ္ေရ။ ကၽြန္မ က အားေပးရုံ ေတာ႔ တတ္ႏို္င္ ပါေသးတယ္။

အတန္ၾကာေတာ႔ ရုိ႕ စ္ က ခုံတန္းေပၚက ထ သြားျပီး ပန္းႏြယ္ႏွင္းဆီအပင္ ကုိ သြားၾကည့္ေနတယ္။ ကၽြန္မ ေရခြက္ ယူျပီး အိမ္ထဲမွာ သြားထားတယ္။ မ်က္ႏွာသစ္ဖုိ႔ ျခံထဲက ေရတုိင္ကီ ရွိရာကုိ ျပန္ထြက္လာတယ္။ ဖလားထဲက ေရ ဟာ ေရခဲေရတမွ် ေအးစက္ေနျပီ။

ရုိ႕ စ္ ဟာ ႏွင္းဆီပင္ ေဘး ရပ္ေနတုန္းပဲ။  သီးမစ္လြင္ျပင္သူ ပန္းရုိင္းႏွင္းဆီပင္ဟာ  အညႊန္႔ေတြ လူ လာျပီး ခ်ည္ေႏွာင္ထားတဲ႔ ဝါးျခမ္းဆီက ရုန္းထြက္ ေနၾကျပီ။ အမုိးခုံးေလးဆီ ေရာက္ဖုိ႔ ၾကိဳးေတြ နဲ႔ ထပ္ ခ်ည္ေနွာင္ ရအုန္းမယ္။

(၃)

ေနာက္ဆုံး စာရင္းသြင္းခ်က္ ရုိက္ထည့္ျပီးတာနဲ႔ ကၽြန္မ ကြန္ျပဴတာကုိ ပိတ္လိုက္တယ္။ ဖုံ အခင္းထူထူ ေပၚ လွဲ အိပ္ လုိက္တာ႔ ပကတိ သန္႔သန္႔စင္စင္ အျပာေရာင္ ေကာင္းကင္ကုိ ျမင္ရတယ္။ တိမ္မွ်င္ တစတေလမွ မေတြ႕ရဘူး။  ေကာင္းကင္ ဟာ လြင္ ေနေအာင္ ျပာ ­­တယ္။ ဒီည ပုိေအးမွာပဲ။

ဝရန္တာ ေဒါင္႔ မွာ ဆင္ထားတဲ႔ ဂ်ပ္ခုတ္ ေရွ႕ က ရုိ႕ စ္ ကုိ ငဲ႔ ေစာင္း ၾကည့္လုိက္တယ္။ သူ ဒီအထည္ကုိ ယက္ေနတာ အေတာ္ၾကာျပီ။ အနီ နဲ႔ အစိမ္း ေဖာက္ထား ေတာ႔ ခရစ္စမတ္ အေရာင္အေသြး ဆန္ ေနတယ္။ ဒီတေလာမွာ ရုိ႕ စ္ ဟာ တခုခုကုိ အေတြးနက္ ေနဟန္နဲ႔ ျငိမ္ျငိမ္ဆိတ္ဆိတ္ ျဖစ္ေနတယ္။ ေလျပည္ တုိက္လာတဲ႔အခုိက္ ရုိ႕ စ္ ရဲ႕ နက္ေမွာင္တဲ႔ ဆံႏြယ္ေတြ ေကာင္းကင္ျပာ ထဲ လြင္႔ ပ်ံ ဝဲ သြားတယ္။ သူ ဆံပင္ အနက္ေရာင္ ျပန္ဆုိးလုိက္တာ ပုိမုိ ၾကံ့ခုိင္တဲ႔ ဟန္ ေပါက္ တယ္။

‘ခဏ မနားခ်င္ဘူးလား ေဟ။ လက္ဖက္ရည္ဆုိင္ သြားရေအာင္။’

ရုိ႕ စ္ ဟာ သူ႔လက္ထဲက ျဖဴ ဆူး ကုိ ခြက္ေလးထဲ ထည့္လုိက္ျပီး ခါးဆန္႔ လုိက္တယ္။ ခ်ည္ပင္ ေရ ရာ မွာေရာ၊ ညီေအာင္ ညွိ တဲ႔ေနရာမွာပါ သုံးတဲ႔ ျဖဴ ဆူးဟာ ဂ်ပ္ခုတ္သမားေတြ ရဲ႕ လက္နဲ႔ ထိ ဖန္ မ်ားျပီး အေရာင္ေတာက္ပ ေနတယ္။ ရုိ႕ စ္က ဂ်ပ္ခုတ္ ယက္ေနရင္း သူ႔ ဆံပင္မွာ ထုိးထားတတ္ေတာ႔ တန္ဘုိးၾကီး ကႏုကမာ ဆံထုိးလုိလို ထင္ျမင္ရတယ္။

လက္ဖက္ရည္ဆုိင္ဘက္ကုိ ဆင္းသြားတဲ႔ ေျမနိမ္႔ ခ်ိဳင္႔ဝွမ္း ဟာ ဆုိင္မေရာက္ခင္ လမ္းႏွစ္ျမြာ ခြဲထြက္ သြားတယ္။ လမ္းေဘး တဘက္တခ်က္မွာ ပန္းပြင့္ျဖဴျဖဴေလးေတြ ေတာ ထ ေအာင္ ပြင္႔လုိ႔ ။ ကၽြန္မက ဆုိင္ဘက္ သြား တဲ႔ လမ္းသြယ္ေလး ထဲ ခ်ိဳး ဝင္ လုိက္တယ္။ ေနာက္က လုိက္လာတဲ႔ ေျခသံ ေပ်ာက္သြားလုိ႔ ျပန္ လွည့္ၾကည့္လုိက္ေတာ႔၊ လမ္းႏွစ္သြယ္ ထိပ္မွာ ရုိ႕ စ္ ရပ္ေနတာ ျမင္ရတယ္။ အတန္ၾကာၾကာ ရပ္ေနျပီးမွ သူ ဆက္ ေလွ်ာက္ လာတယ္။

‘မစု က်ေနာ္ကုိ စာရင္း နည္းနည္း ကူ လုပ္ ေပးခဲ႔ဦး။ ဘတ္ဂ်တ္ မေလာက္လုိ႔ က်ေနာ္ အေတာ္ ထိ ေနတယ္။’

ရုိ႕ စ္ ေရေႏြးခြက္ကုိ ကၽြန္မေရွ႕  ပုိ႔လုိက္ျပီး စကား စ တယ္။

‘ေအး။ လုပ္ေပးမယ္။ ေငြ မလည္ျပန္ဘူးလား။’

‘ဟုတ္တယ္။ အထည္ ထဲ ရင္းထားတဲ႔ ေငြ ျမဳပ္ေနလုိ႔ က်ေနာ္ အသက္ရႈ က်ပ္ေနတယ္။ ေခၚထားတဲ႔ ဂ်ပ္ခုတ္သမားေတြကို လခမွန္မွန္ ေပးဖုိ႔ေတာင္ ခက္တယ္။’

‘ဂ်ပ္ခုတ္အထည္က ေစ်းၾကီးျပီး တထည္ ရဖုိ႔ ၾကာတယ္ေလ။ ေစ်းသက္သက္သာသာ နဲ႔ ေရာင္းႏုိင္ဖုိ႔ နည္း ရွိလား။’

‘က်ေနာ႔္ ဒီဇုိင္းေတြကုိ ခုိးျပီး စက္နဲ႔ ယက္တဲ႔ လူေတြက ေစ်းေပါေပါနဲ႔ ေရာင္းႏုိင္တယ္။ လက္ယက္ ကေတာ႔ မေရာင္းႏုိင္ဘူး မစု။’

‘ေနာက္ျပီး ေရွးလက္ရာေတြ က်ေနာ္ လုိ ခ်င္တာေလ။ အဲဒါ က်ေနာ္ အမ်ိဳးေတြဆီကေတာင္ ဝယ္ဖုိ႔ မလြယ္ဘူး။ သူတုိ႔ ပုိင္ဆုိင္တဲ႔ အေကာင္းဆုံး အထည္ကုိ ကြယ္လြန္ခ်ိန္ မွာ တခါတည္း ေျမျမဳပ္ဖုိ႔ သိမ္းထားၾကတာ။ ဒါကုိ စုေဆာင္းျပီး က်ေနာ္အိမ္မွာ ျပ ထားခ်င္တာ။ မရဘူး ျဖစ္ေနတယ္။ အင္း….အခုေန
သူတုိ႔ ေရာင္းမယ္ဆုိရင္ေတာင္ က်ေနာ္ မွာ အပုိသုံးဖုိ႔ ေငြ မရွိဘူး။ ’

‘ေရွးလက္ရာ စုေဆာင္းဖုိ႔ အတြက္ သတ္သတ္ ေခါင္းစဥ္တခုထားျပီး ရန္ပုံေငြရွာရင္ေကာ’

‘အင္း က်ေနာ္ နည္းလမ္း ရွာၾကည့္အုန္းမယ္’

ရုိ႕ စ္ကုိ ၾကည့္ရတာ မလန္းဆန္းဘူး။ ကၽြန္မ ခ်စ္ခင္ႏွစ္လုိတဲ႔ ပန္းႏြယ္ႏွင္းဆီ ကုိ စိတ္ပ်က္လက္ပ်က္ အေျခအေန နဲ႔ အားေလ်ာ့ေနတာ မျမင္ခ်င္ပါဘူး။

‘ရုိ႕ စ္ မနက္ျဖန္ ကုိပါက်ဲ ကား ေခၚျပီး ခ်ယ္ရီေတြ ပြင္႔ေနတာ ဓာတ္ပုံ သြားရုိက္ရေအာင္။’

ရုိ႕ စ္ ေလးတြဲ႕တြဲ႕ ဟန္ နဲ႔ ေခါင္းျငိမ္႔တယ္။ မနက္ျဖန္ေတာ႔ ျပာေသာ ေကာင္းကင္ ေအာက္မွာ သူ ၾကည္သာ ရႊင္ျပ ျဖစ္လာမွာပါ။ ရုိ႕ စ္ ဟာ တာရွည္ စိတ္ပ်က္ဝမ္းနည္း အားငယ္တတ္သူ မဟုတ္ဘူး။

ေဆာင္းဦးေပါက္ရာသီ ေကာင္းကင္ျပာေအာက္မွာ ခ်ယ္ရီပင္ဟာ ပင္လုံးကၽြတ္ ပြင္႔ေနတယ္။ ခ်ယ္ရီပင္နံေဘးမွာ ယာတဲေလး တခု ေဆာက္ထားတာ ရွိတယ္။ အနိမ္႔ ခ်ိဳင္႔ဝွမ္းထဲက ေလွခါးထစ္ စုိက္ခင္းေတြ မွည့္ဝင္းျပီး ေရႊေရာင္ ေတာက္ပ ေနျပီ။ ရုိ႕ စ္က ခပ္လွမ္းလွမ္းက လမ္းေကြ႕ေလးဆီ ေလွ်ာက္သြားျပီးမွ ယာတဲ နဲ႔ ခ်ယ္ရီပန္းပင္ကုိ ဓာတ္ပုံ ျပန္ရုိက္တယ္။ သူ႔ ကင္မရာထဲက ျမင္ကြင္းဟာ ရင္သပ္ရႈေမာဘြယ္ရာ။ ေတာင္တန္းျပာ၊ ေကာင္းကင္ျပာ၊ ေရႊေရာင္ ေလွခါးထစ္ စုိက္ခင္းမ်ား၊ ပင္လုံးညႊတ္ ပန္းခ်ယ္ရီ နဲ႔ ယာတဲေလး။ စိတ္ႏွလုံးထဲ အျမဲ စြဲျမဲ ေနမဲ႔ သဘာဝ ပန္းခ်ီကားခ်ပ္ပဲ။

တေတာလုံး တေတာင္လုံး လႈိင္လႈိင္ ပြင္႔ၾကတဲ႔ ခ်ယ္ရီေတြကုိ ေတာင္တန္းေနသူေတြ ၾကည္လင္ဝမ္းေျမာက္ တဲ႔ စိတ္ႏွလုံးနဲ႔ ၾကည့္ရႈ ခံစားႏုိင္ခြင္႔ ရွိၾကရဲ႕လား လုိ႔ အေတြး ဝင္လာတယ္။ ကုန္လြန္ခဲ႔တဲ႔ မုိးရာသီ သဘာဝေဘးေၾကာင္႔ ကုန္းေျမျမင္႔ ဘဝေတြ အိမ္ယာေတြ ဖရုိဖရဲ ျဖစ္ခဲ႔တယ္။ ဆုိးရြားတဲ႔ ေျမျပိဳမႈေၾကာင္႔ ကုိယ့္ ျခံေျမ ကုိ စြန္႔ခြာရသူမ်ားဟာ ဒီေဆာင္းဦးမွာ ပြင္႔တဲ႔ ခ်ယ္ရီကုိ ဘယ္လုိ စိတ္ႏွလုံးနဲ႔ ၾကည့္ၾက မွာပါလိမ္႔။ ကၽြန္မ အေတြးကုိ အေမးအျဖစ္ ေျပာင္းလုိက္ေတာ႔ …..

‘မနက္တုိင္း ေခါင္မုိးထပ္ကေန သူတုိ႔ ေနရာခ် ေပးလုိက္တဲ႔ ရပ္ကြက္သစ္ကုိ ျမင္ေနရတာ။ ျမင္တုိင္း က်ေနာ္ စိတ္ မခ်မ္းသာဘူး။ ေနရာ ျပန္ခ်ေပးရင္ တကယ္႔ကုိ စနစ္တက်နဲ႔ ျမိဳ႔အကြက္ ပုံစံ ရွိ ေစခ်င္တယ္။ ေနာက္ထပ္ သဘာဝ ေဘး ျဖစ္လာရင္ ထိခုိက္မႈ အနည္းဆုံး ျဖစ္ေအာင္ လုပ္ထားေပး ေစခ်င္တာ။ ကယ္ဆယ္ေရး စခန္း မွာတုန္းက ေျပာခဲ႔တာက တမ်ိဳး။ ေနာက္ေတာ႔ ေျပာင္း ေျပာင္း ဆုိျပီး အတင္းအက်ပ္ ပုိ႔လုိက္တဲ႔ ေနရာဟာ ကတိ ျပဳခဲ႔ သလုိမ်ိဳး မဟုတ္ဘူး။’

ရုိ႕ စ္ က မေက်မခ်မ္း နဲ႔ ေျဖ တယ္။

‘ဒီျမိဳ႕ ကုိ အေဝးက ျပန္ၾကည့္ရင္ သိပ္လွတယ္။ ခ်ယ္ရီပြင္႔ရင္ ပုိလွတယ္။ အျခားေတာင္ေပၚျမိဳ႕ေတြမွာလဲ ခ်ယ္ရီ ရွိတာပဲ။ ဒါေပမဲ႔ ေကာင္းကင္ျပာပုံ မတူဘူး။ ဒီက ေကာင္းကင္ ဟာ တကယ္႔ကုိ ရာႏႈန္းျပည့္ ၾကည္စင္တဲ႔ အျပာ။ ခ်ယ္ရီပန္းပြင္႔နဲ႔ သိပ္ လုိက္ဖက္ တာ။ ဒါေပမဲ႔ ဖ်က္ေနတာက အိမ္ေတြ။ ေဆာက္ထားတာ ဟုိဘက္လွည့္ ဒီဘက္လွည့္ နဲ႔ ၾကည့္လုိ႔ မေကာင္းဘူး။ ေတာင္ပတ္လမ္းေတြကုိ စနစ္တက် ေဖာက္ျပီး အစီအရီ အကြက္ခ် ေဆာက္။ လမ္း တဘက္တခ်က္ မွာ ခ်ယ္ရီပန္းပင္ေတြ စီတန္း စိုက္လုိက္ရင္ ေတာ္ေတာ္႔ ကုိ လွမွာ။ လက္ရွိ ျမိဳ႕ က အရင္ကတည္းက ဒီလုိ တည္ေဆာက္ ျပီးသားမုိ႔ ထားပါေတာ႔။ အခု ျမိဳ႕ သစ္ ေနရာ ကုိ ေသခ်ာ လုပ္သင္႔တာ။’

‘အင္း။ ကယ္ဆယ္ေရး စခန္းမွာ သြား ကူ ေနတုန္းက က်ေနာ္တု႔ိရဲ႕ ဆႏၵ ကုိ အေသအခ်ာ ေျပာခဲ႔ေသးတယ္။ ျဖစ္မလာခဲ႔ဘူး။ တခါတေလ က်ေနာ္ ကုိယ္ က်ေနာ္ အားမရဘူး။ တခ်ိဳ႕ ဟာေတြ ဒီအတုိင္း မ်က္စိမွိတ္ ၾကည့္ေနရတာမ်ိဳး ျဖစ္ေနတယ္။’

‘ရွင္ လုပ္ႏုိင္တာ အကန္႔အသတ္ ရွိတာကုိး ရုိ႕စ္ ရယ္။ ဒီအတြက္ ကုိယ္႔ ဘာသာ အျပစ္မတင္နဲ႔။’

အိမ္ျပန္လမ္းတေလွ်ာက္မွာ ကၽြန္မတုိ႔ ႏွစ္ေယာက္စလုံး တိတ္ဆိတ္ေနၾကတယ္။

အိမ္ေရာက္ေတာ႔ ရုိ႕ စ္ ဟာ ေအာက္ထပ္က သူ႔ ဂ်ပ္ခုတ္သမားေတြဆီ ဆင္းျပီး အလုပ္ လုပ္ေနတယ္။ ကၽြန္မ ညေနစာ ခ်က္ေနခ်ိန္ သူ မီးဖုိခန္းထဲ ေရာက္လာတယ္။ စားပြဲမွာ ဝင္ ထုိင္လုိက္ျပီး…..

‘မနက္ျဖန္ ဘုရားေက်ာင္းက အျပန္ က်ေနာ္ ဧည့္သည္ ေခၚလာမယ္။ မစု ေန႔လယ္စာ စီစဥ္ေပးမလား။’

‘ရတယ္။ ဧည့္သည္က ဘယ္ႏွစ္ေယာက္လဲ။’

တေယာက္တည္းပါ လုိ႔ ရုိ႕ စ္ က ေျဖတယ္။ ကၽြန္မ က လွီးလက္စ ၾကက္သြန္နီကုိ အသာခ်ျပီး သူ႔ ကုိ ဖ်တ္ကနဲ ၾကည့္လုိက္ေတာ႔ ရုိ႕ စ္ က ဟုတ္တယ္ ဟုိတေယာက္ လုိ႔ အတည္ျပဳတယ္။

သူ မစားတာ ဘာရွိလဲ လုိ႔ ေမးလုိက္ေတာ႔ မရွိဘူး လုိ႔ ျပန္ေျဖတဲ႔ ရုိ႕ စ္ အသံက ခပ္တိမ္တိမ္ နဲ႔ ။

အေျခာက္အျခမ္း ဘာရွိေသးလဲ မသိဘူး။ မနက္ေတာ႔ ေစ်းသြားမွ ျဖစ္မယ္လုိ႔ ကၽြန္မ ေျပာေတာ႔ သူ ေခါင္းျငိမ္႔တယ္။ မစု ျပီးရင္ ျခံထဲ ဆင္းလာေနာ္ လုိ႔ ေျပာျပီး ထြက္သြားတယ္။

ကၽြန္မ ျခံထဲေရာက္ေတာ႔ အပင္ေတြကုိ ေျမဆြ ေပးေနတဲ႔ ရုိ႕ စ္ကုိ ေတြ႕ ရတယ္။ သူ႔ ဆံပင္ရွည္ရွည္ေတြကုိ ေခါက္တင္ထားျပီး ဆံထုိး တခု နဲ႔ ထုံး ထားတယ္။ နက္ေမွာင္တဲ႔ ဆံႏြယ္တခ်ိဳ႕ ေဘးကုိ ကပုိကရုိ က်လုိ႔။

ပန္းပင္ေတြနဲ႔ အလုပ္ရႈပ္ေနတဲ႔ ရုိ႕ စ္ ဆီ မသြားဘဲ ျခံအဝင္ဝ ခုံတန္းေပၚ သြားထုိင္ေနလုိက္တယ္။ ျခံ ဝင္းထဲ ေျပး ဝင္လာတဲ႔ ေဆာင္းေလ ဟာ ခ်မ္းစိမ္႔စိမ္႔ နဲ႔ ။  ဘုရားေက်ာင္းက ေခါင္းေလာင္းသံဟာ ေအးစက္ေလထု ထဲ ေလးတြဲ႕တြဲ႕ လြင္႔ပါး လ်က္။ ႏွစ္သစ္ကူး ရာသီ နီးလာျပန္ျပီ။

သူ႔ အလုပ္ျပီးေတာ႔  ရုိ႕ စ္ ကၽြန္မ အနားေရာက္လာတယ္။ ခုံတန္းေပၚ မထုိင္ဘဲ ကၽြန္မ ေရွ႕ ရပ္ကာ….

‘မစု။ သူ က လက္ထပ္ဖုိ႔ ေျပာေနတယ္။’

‘အင္း။ အိမ္ေခၚ လာမယ္ဆုိကတည္းက တခုခုပဲလုိ႔ ထင္ေနတာ။’

ရုိ႕ စ္ ဟာ ကၽြန္မ ေရွ႕ မွာ ေခါက္တုံ႕ ေခါက္ျပန္ ေလွ်ာက္ေနတယ္။

‘က်ေနာ္တု႔ိ စ တြဲ ေနကတည္းက သူ ေျပာေနတာ။ က်ေနာ္ကသာ သူ နဲ႔ ဘယ္ အဆင္႔ အထိ အတူ သြားနုိင္လဲလုိ႔ မေရရာေသးတာ။ အိမ္ ထမင္းဝုိင္းမွာ သူနဲ႔ အတူ စားရင္ စိတ္ထဲ ဘယ္လုိေနမလဲ သိခ်င္ ေနတယ္။’

သူ ဘာကုိ အတည္ျပဳခ်င္ေနလဲ ဆုိတာ ကၽြန္မ ရိပ္စားမိတယ္။ တမုိးေအာက္မွာ အတူ ယွဥ္လ်က္ ရွင္သန္ၾကဖုိ႔ လူသားႏွစ္ဦးအၾကားမွာ ထူးျခားတဲ႔ ညီညႊတ္ ဆက္ႏြယ္မႈ ရွိရတယ္။ လက္ဆုံ စားခ်ိန္မွာေရာ တုိးေဝွ႕ အိပ္ခ်ိန္မ်ားမွာပါ၊ စိတ္ သက္ေသာင္႔သက္သာရွိမႈ၊ လုံျခဳံစိတ္ခ်မႈ နဲ႔ စိတ္ႏွလုံး ရင္းျခာမႈ ရွိေနဖုိ႔ လုိအပ္တယ္။

‘သူ ေဆးရုံ ေျပာင္းရမယ္။ အဲဒါ မသြားခင္ လက္ထပ္ျပီး သူ႔ေနာက္ လုိက္ခဲ႔ဖုိ႔ ေျပာေနတာ။ က်ေနာ္ အရင္က မိသားစု နဲ႔ အတုိက္အခံ လုပ္ျပီး ဒီကုိ ျပန္လာခဲ႔တာ။ သူ႔အလုပ္ အေရးၾကီးသလုိ က်ေနာ္႔ အလုပ္လဲ အေရး ပါတာပဲ။  က်ေနာ္႔ လုပ္လက္စ ေတြ ကုိ ထားျပီး သူ႔ ေနာက္ လုိက္သြားရတာမ်ိဳး အျဖစ္မခံႏုိင္ဘူး။’

‘အျဖစ္ မခံႏုိင္တာလား။ အေျပာ မခံႏုိင္တာလား။’

‘ဟင္’

‘တကယ္ကုိ အျဖစ္ မခံႏုိင္တာလား။ အေျပာ မခံႏုိင္တာမ်ား ျဖစ္ေနမလား ကုိယ္႔ဘာသာ ျပန္စဥ္းစားဦး’

‘က်ေနာ္႔ စိတ္ေတြ ရႈပ္ေထြးေနတာပဲ။ ေကာင္းေကာင္း မစဥ္းစားနုိင္ဘူး ျဖစ္ေနတယ္။ က်ေနာ္႔ ဆုံးျဖတ္ခ်က္ မွားမွာကုိ စုိးေနတာ’

‘မွားတယ္ မွန္တယ္ဆုိတာ အတိအက် မရွိပါဘူး ရုိ႕ စ္ရယ္။ အခ်ိန္ကာလ အပုိင္းအျခား တခုမွာ မွားတယ္ ထင္တာေတြ ေနာက္အပုိင္းအျခား ေရာက္ရင္ မမွားဘူး ျဖစ္ေနတတ္တာ။ ဘယ္လုိ ရလဒ္ထြက္လာလဲ။ သူတပါးကုိ ထိခုိက္မႈ ဘယ္ေလာက္ရွိသလဲကုိပဲ ျပန္ ၾကည့္ျပီး ေနာက္မွ ေျပာၾကရတာ။’

‘အဲဒါပဲ။ က်ေနာ္႔ ဂ်ပ္ခုတ္သမားေတြကုိ ဒီအတုိင္း ထားခဲ႔ရင္ ျပိဳကြဲ သြားမွာ။ ဒီ အဆင္႔ ေရာက္လာေအာင္ က်ေနာ္ ဘယ္ေလာက္ လုပ္လာခဲ႔ရသလဲ။ တေယာက္ခ်င္းစီ လုိက္ေတြ႕ ျပီး၊ စည္းရုံးထားရတာ မစု သိ ပါ တယ္။’

သူ႔ သက္ျပင္းရႈိက္သံ က ေလထုထဲ ျပန္႔ သြားတယ္။

ကၽြန္မ သူ႔ လက္ကုိ လွမ္း ကုိင္လုိက္ျပီး အသာအယာ ျဖစ္ညွစ္ ေပးလုိက္တယ္။

‘ရုိ႕ စ္ တခါက ေျပာဖူးတယ္ေနာ္။ ငယ္ရြယ္ႏုပ်ိဳမႈဆုိတာ မခုိင္ျမဲဘူးလုိ႔။ အဲဒီလုိပဲ။ လူတေယာက္ရဲ႕ အားထုတ္ႏုိင္စြမ္းဟာလည္း မတည္ျမဲဘူး။ ငယ္ရြယ္ခ်ိန္မွာ အၾကီးအက်ယ္လုိ႔ ထင္ခဲ႔တဲ႔ အရာေတြ အသက္ၾကီးလာေတာ႔ ေသးဖြဲကုန္ၾကတာ။ ငယ္တုန္းမွာ ကုိယ္႔ အတၱမာန ဟာ အေရးၾကီးေနျပီး အသက္ရလာရင္ စိတ္အလုိျပည့္မႈ သာယာခ်မ္းေျမ့မႈ ကုိ ပို အလုိရွိလာတာ။ ရွင္႔ ေဒါက္တာ နဲ႔ အတူ ယွဥ္တြဲျပီး ရွင္သန္ေနထုိင္ခ်င္စိတ္ ဘယ္ေလာက္ ရွိသလဲ။ ရွင္႔ လမ္းေဖာက္ထားတဲ႔ အလုပ္ ရပ္ဆုိင္း သြားတာကုိ အျဖစ္ မခံလုိစိတ္ ဘယ္ေလာက္ မ်ားသလဲ ကုိသာ ျပန္ ဆန္းစစ္ၾကည့္ပါ။ ဘယ္လမ္းကုိ ေလွ်ာက္ေလွ်ာက္  အေကာင္းဆုံးျဖစ္ေအာင္ သြားဖုိ႔သာ အေရးၾကီး တာပါ။ ႏွစ္ခုထဲက တစ္ခု ကုိ ေရြးတာမ်ိဳး မဟုတ္ဘဲ ဟုိဘက္ ဒီဘက္ ညွိရင္ေကာ။’

‘အိမ္ေထာင္ျပဳျပီး သူက သူ႔ အလုပ္ရွိရာ ေန။ က်ေနာ္က ဒီမွာ ။ အားခ်ိန္မွာ ေတြ႕ ။ ဒါမ်ိဳးလား။ တခ်ိဳ႕ လူေတြ ဒီလုိ ေနထုိင္ၾကတာ သိပါတယ္။ သူတုိ႔ အလုပ္ေတြက သုံးႏွစ္တၾကိမ္ေလာက္ ေျပာင္းေနရတာ။ ဒီအျဖစ္ကုိ သူေရာ က်ေနာ္ပါ ဘယ္ေလာက္ထိ သည္းခံ ႏုိင္ၾက မလဲ။ သူ႔ဘက္ေတာ႔ မသိဘူး။ က်ေနာ္ကေတာ႔ မေသခ်ာဘူး။’

‘အခ်ိန္ယူ စဥ္းစားပါဦးကြာ။ ရုိ႕ စ္ ဘယ္လုိပဲ ဆုံးျဖတ္ ဆုံးျဖတ္ တုိ႔ကေတာ႔ ေထာက္ခံမွာပါပဲ။’

ကၽြန္မကေတာ႔ ရုိ႕ စ္ ကုိ ယုံၾကည္သူျဖစ္လုိ႔ ဘယ္လုိ ဆုံးျဖတ္သည္ျဖစ္ေစ၊ သူ႔ အတြက္ သင္႔ေလ်ာ္တဲ႔ လမ္းကုိ သူ ေလွ်ာက္တာလုိ႔ မွတ္ယူမွာပါပဲ။ တခ်ိန္တုန္းကလည္း သူ ဆုံးျဖတ္ခဲ႔ျပီးျပီ။ သူ ေနထုိင္ ရွင္သန္ရမဲ႔ ကမာၻ ကုိ သူ႔ဘာသာ တည္ေဆာက္ယူခဲ႔ျပီးျပီ။ ဒီေရေျမမွာ ရွင္သန္တဲ႔ ပန္းႏြယ္ႏွင္းဆီ ျဖစ္မွေတာ႔ ပုိ၍ ပုိ၍ လွပ တင္႔တယ္ဖုိ႔သာ ယုံကုိးသင္႔တယ္ မဟုတ္လား။ သူ႕ နာမည္ကုိက ပုိမုိ လွပ ပြင္႔လန္းတဲ႔ ႏွင္းဆီ ေလ။

ရုိ႕ စ္ ဟာ ကၽြန္မ ေဘးနား လာထုိင္ျပီး ေခါင္းေမာ႔ လုိက္တယ္။ ဒီေကာင္းကင္ ၾကည္လင္ လုိက္တာ လုိ႔ သူ႔ ဘာသာ ေရရြတ္ေနတယ္။

စိမ္းရြက္ႏုသစ္ ေဝဆာေနတဲ႔ ပန္းႏြယ္ႏွင္းဆီပင္ကုိ ကၽြန္မ လွမ္းၾကည့္လုိက္တယ္။ ေနာက္ႏွစ္ ေႏြဆုိ ပန္းအဖူးေလးေတြ ေဝေနမွာပဲ လုိ႔ ေတြးေနမိတယ္။ အမုိးခုံးေလးဆီ ႏြယ္တက္ျပီး ပန္းရုံ ေလး ျဖစ္လာဖုိ႔ ကေတာ႔ အခ်ိန္ ကာလ တခု ေစာင္႔ရ အုန္းမွာေပါ႔။

( ျဗာျဗား သို႔ ခ်စ္ျခင္းျဖင္႔ )
 ျမယာ

၂၀၁၇၀၄၂၇

( မုိးမခ မဂၢဇင္း - ဇြန္လ ၂၀၁၇ )